ថៃព្រមា.នការប្រើឧបករណ៍តេស្តជំងឺគ្រុនឈា.មខ្លួនឯង ចំពេលករណីឆ្លងកើនឡើងយ៉ាងគំហុក
ថៃ ៖ នៅក្នុងការអំពាវនាវបន្ទាន់ជាសាធារណៈមួយពីរដ្ឋបាលចំណីអាហារ និងឱសថរបស់ប្រទេសថៃ
ថៃ ៖ នៅក្នុងការអំពាវនាវបន្ទាន់ជាសាធារណៈមួយពីរដ្ឋបាលចំណីអាហារ និងឱសថរបស់ប្រទេសថៃ ដែលហៅកាត់ថា FDA បានព្រមានប្រឆាំងនឹងការប្រើឧបករណ៍ធ្វើតេស្តជំងឺគ្រុនឈា.មដោយខ្លួនឯង ខណៈដែលវាត្រូវបានអនុញ្ញាតឱ្យប្រើដោយអ្នកជំនាញផ្នែកថែទាំសុខភាពតែប៉ុណ្ណោះ ដោយសារតែភាពស្មុគស្មាញ នៃការរកឃើញជំងឺគ្រុនឈា.ម។ នេះបើយោងតាមប្រភពពីសារព័ត៌មាន The Thaiger ចេញផ្សាយកាលពីថ្ងៃទី១៩ ខែកក្កដា ឆ្នាំ២០២៣។
លោក Lertchai Lertwut អគ្គលេខាធិការរង FDA បានគូសបញ្ជាក់ថា ការធ្វើរោគវិនិច្ឆ័យត្រឹមត្រូវនៃជំងឺគ្រុនឈា.មមានការទាមទារច្រើន ដោយតម្រូវឱ្យមានការពិនិត្យសុខភាពដ៏ទូលំទូលាយ និងការវាយតម្លៃចេញពីគ្លីនិកដោយគ្រូពេទ្យ ដែលបានទទួលការបណ្តុះបណ្តាលត្រឹមត្រូវ។ ការធ្វើរោគវិនិច្ឆ័យជំងឺគ្រុនឈា.ម ធ្វើឡើងដោយប្រើវិធីសាស្ត្រផ្សេងៗគ្នាដូចជា RT-PCR, ការធ្វើតេស្តអង្គបដិប្រាណ ការរកឃើញអង្គបដិប្រាណនៃមេរោគ NS1 និងតាមរយៈឧបករណ៍តេស្តជំងឺគ្រុនឈាម។
ទោះបីជាយ៉ាងណាក៏ដោយ លោកបានសង្កត់ធ្ងន់ថា FDA មិនបានដាក់កំហុសលើប្រសិទ្ធភាពនៃឧបករណ៍ធ្វើតេស្តជំងឺគ្រុនឈា.មទាំងនោះ សម្រាប់ការប្រើប្រាស់ជាបុគ្គល នៅឆ្ងាយពីការកំណត់សុខភាពផ្លូវការនោះទេ។ មន្ត្រី FDA បានណែនាំយ៉ាងខ្លាំងដល់បុគ្គលដែលសង្ស័យថា ពួកគេមានរោគសញ្ញានៃការឆ្លងមេរោគគ្រុនឈា.ម រួមទាំងគ្រុនក្តៅខ្លាំងប្រហែល ៤០អង្សារ ឈឺសាច់ដុំ សន្លាក់ ឬឡើងកន្ទួល ដើម្បីស្វែងរកការព្យាបាលភ្លាមៗពីគ្រូពេទ្យជំនាញ។
ក្នុងការប្រកាសអាសន្ន ក្រសួងសុខាភិបាលរបស់ថៃ បានប្រមើលមើលការកើនឡើងនៃករណីជំងឺគ្រុនឈាមនៅឆ្នាំនេះ។ ស្ថិតិរបស់នាយកដ្ឋានគ្រប់គ្រងជំងឺកំពុងមានភាពភ្ញាក់ផ្អើល ដោយចន្លោះខែមករា ដល់ខែកក្កដា មានករណីជំងឺគ្រុនឈាមចំនួន ៣៦,៤៧០ករណី ដែលត្រូវបានកំណត់អត្តសញ្ញាណ ដែលបណ្តាលឱ្យមានអ្នកស្លា.ប់ចំនួន ៣៣នាក់។
អាជ្ញាធរសុខាភិបាលថៃ បានលើកឡើងពីការព្រួយបារម្ភអំពីការកើនឡើងយ៉ាងគំហុកនៃករណីជំងឺគ្រុនឈា.ម ដែលជំរុញឱ្យពួកគេចេញការព្រមានអំពីការផ្ទុះឡើងយ៉ាងខ្លាំងនៅទូទាំងប្រទេស ខណៈនាយកដ្ឋានគ្រប់គ្រងជំងឺ (DDC) បានផ្តល់យោបល់ថា នៅត្រឹមដំណាច់ឆ្នាំនេះ ករណីឆ្លងជំងឺគ្រុនឈា.មចំនួន ១៥ម៉ឺនករណីអាចនឹងកើតឡើងនៅទូទាំងប្រទេស៕
ចែករំលែកព័តមាននេះ