ថ្មីៗនេះ មាននារីរូបស្រស់សោភាមួយរូប ដែលគេស្គាល់ថា ជាតារា Tik Tok នោះ ត្រូវបានអ្នកនិយមប្រើប្រាស់បណ្ដាញសង្គមជាច្រើននាំគ្នាផ្ទុះការរិះគន់យ៉ាងខ្លាំង ក្រោយពីរូបនាងធ្វើតម្រាប់តាមនៅលើជណ្តើរយន្ត ហើយសម្ដែងទង្វើមិនសមរម្យ ដោយមិនគិតអំពីចិត្តរបស់ជនរងគ្រោះដែលត្រូវជណ្ដើរយន្ត
ប្រទេសថៃ ៖ ថ្មីៗនេះ មាននារីរូបស្រស់សោភាមួយរូប ដែលគេស្គាល់ថា ជាតារា Tik Tok នោះ ត្រូវបានអ្នកនិយមប្រើប្រាស់បណ្ដាញសង្គមជាច្រើននាំគ្នាផ្ទុះការរិះគន់យ៉ាងខ្លាំង ក្រោយពីរូបនាងធ្វើតម្រាប់តាមនៅលើជណ្តើរយន្ត ហើយសម្ដែងទង្វើមិនសមរម្យ ដោយមិនគិតអំពីចិត្តរបស់ជនរងគ្រោះដែលត្រូវជណ្ដើរយន្តកៀបជើង បណ្ដាលអោយរងរបួសកាលពីពេលកន្លងទៅទាល់តែសោះឡើយ។
ទង្វើរបស់តារា Tik Tok ខាងលើនេះ គឺបានឡើងជណ្តើរយន្ត រួចបង្ហាញនៅអាកប្បកិរិយាភ័យស្លន់ស្លោធ្វើដូចជានាងកំពុងតែជួបនូវហេតុការណ៍អ្វីមួយ។ ពេលឃើញដូចនេះភ្លាម ក៏មានអ្នកសម្ដែងការមិនពេញចិត្តថា «ហេតុអ្វីក៏នាងលេងសើចមិនចេះគិតដល់គ្រោះថ្នាក់ ដែលធ្វើឱ្យស្ត្រីអ្នករួមដំណើរម្នាក់ត្រូវបានដាច់ជើង ដោយសារជណ្តើរយន្តនេះ? ម្ដេចក៏លេងអីឆ្កួតៗទៅវិញ?»។ ហើយក៏ឃើញថា បន្ទាប់ពីរឿងរ៉ាវដ៏អាក្រក់នេះកើតឡើងនៅលើជណ្តើរយន្តក្នុងអាកាសយានដ្ឋានដនមឿន រហូតដល់ថ្នាក់វាត្រូវក្លាយទៅជាបញ្ហាមួយ ដែលកំពុងធ្វើអោយសង្គមយកចិត្តទុកដាក់កាន់តែខ្លាំងបំផុត។
ក្រោយពេលឃើញនៅព័ត៌មានមួយនេះចុះផ្សព្វផ្សាយមិនទាន់បានប៉ុន្មានផង ស្រាប់តែថ្មីៗនេះ ក៏មានរឿងមួយកើតឡើងនៅលើបណ្តាញសង្គម Internet និង Tik Tok ពេលប្រទះឃើញតារា Tik Tok ស្រីវ័យក្មេងដ៏ល្បីល្បាញមួយរូប ដែលមានអ្នក Follow ជាង 6.8 លាននាក់ ខណៈនៅសុខៗ ក៏ស្រាប់តែបង្កើតល្បែ.ងលេងមិនសមទំនងនៅពេលកំពុងតែជិះជណ្តើរយន្តនៅក្នុងវីដេអូអោយគ្រប់គ្នាបានឃើញ។
ក្នុងនោះ គេសង្កេតឃើញថា បន្ទាប់ពីមើលព័ត៌មានគេនិយាយអំពីជណ្តើរយន្ត រឿងវីដេអូដែលគេបង្ហោះ ដោយនាងបានឡើងចុះទៅវិញទៅមកតាមជណ្តើរយន្ត ខណៈពេលនោះនាងក៏ធ្វើកាយវិការមិនសមរម្យ ធ្វើដូចខ្លួនឯងភ័យស្លន់ស្លោ ដូចជាឈរនៅចុងជណ្តើរយន្ត ហើយឈោងទៅប៉ះបាតជណ្តើរ ឬនៅឈរខាំធ្មេញសិន រហូតធ្វើអោយមនុស្សជាច្រើននាំគ្នាសម្ដែងការហួសចិត្ត និងគិតថា ការបង្ហាញទង្វើបែបនេះ គឺមិនសមរម្យទាល់តែសោះ។ ហើយវាអាចនិយាយបានថា គឺជារឿងដ៏ធ្ងន់ធ្ងរមួយ ដែលមិនគួរបង្ហាញនៅក្នុងវិធីលេងសើចដូច្នេះនោះទេ។
រហូតដល់ថ្នាក់ទប់ចិត្តមិនជាប់ មហាជនក៏ព្រលយចំៗថា «ធ្វើវីដេអូឆ្កួតៗបែបនេះឡើងមក ដូចជាមិនបានគិតពីចិត្តរបស់ជនរងគ្រោះ និងក្រុមគ្រួសារជនរងគ្រោះ ដែលបានឆ្លងកាត់សោ.កនា.ដកម្ម។ ប្រសិនបើក្រុមគ្រួសារជនរងគ្រោះមកឃើញ ពួកគេនឹងមានអារម្មណ៍មិនល្អ។ ម្យ៉ាងវិញទៀត សកម្មភាព និងកាយវិការនៅក្នុងវីដេអូនេះ ត្រូវបានចាត់ទុកថា មិនគួរធ្វើឡើយ នៅពេលកំពុងប្រើជណ្តើរយន្ត»។ មួយចំនួនទៀត ក៏បានលើកឡើងថា «អ្វីដែលទទួលយកមិនបានជាងនេះទៅទៀតនោះ បារម្ភថា បើក្មេងៗមើលវីដេអូនឹងហើយ វានឹងយកតម្រាប់តាមជាក់ជាមិនខាននោះឡើយ»។
មិនតែប៉ុណ្ណោះ អ្នកលេងនៅក្នុងបណ្ដាញទំនាក់ទំនងសង្គមអ៊ីនធើរណេតជាច្រើនទាំងប្រុសទាំងស្រីក៏បានបញ្ចេញមតិ និងព្រមា.នតៗគ្នាទៅកាន់រូបនាងផងដែរ។ ប៉ុន្តែអ្វីដែលនឹកស្មានមិនដល់ និងហួសចិត្តទៅទៀតនោះ តារា Tik Tok ស្រីរូបនេះ ក៏បានលុប Comment និងប្លុកចោលខ្ទេចគ្មានសល់តែម្តង៕ ដោយ ៖ សុភា ដានេត
ចែករំលែកព័តមាននេះ