រាជធានីភ្នំពេញ ៖ នាយកដ្ឋានជំរុញការនាំចេញនៃក្រសួងពាណិជ្ជកម្មថៃ បានសហការជាមួយផ្សារទំនើបផារ៉ាហ្កន រៀបចំពិធីតាំងពិព័រណ៍ផ្លែឈើថៃឆ្នាំ២០១១នេះ រយៈពេល៤ថ្ងៃ នៅផ្សារទំនើបផារ៉ាហ្កន គឺចាប់ពីថ្ងៃទី៥ ដល់ទី៨ ឧសភា ហើយពិធីសម្ពោធការតាំងពិព័រណ៍នេះ ត្រូវបានធ្វើឡើងក្រោមអធិបតីភាពលោក ស៊ុម ប៉ងសះងួនបាន់ ឯកអគ្គរាជទូតថៃប្រចាំនៅកម្ពុជា ។
រាជធានីភ្នំពេញ ៖ នាយកដ្ឋានជំរុញការនាំចេញនៃក្រសួងពាណិជ្ជកម្មថៃ បានសហការជាមួយផ្សារទំនើបផារ៉ាហ្កន រៀបចំពិធីតាំងពិព័រណ៍ផ្លែឈើថៃឆ្នាំ២០១១នេះ រយៈពេល៤ថ្ងៃ នៅផ្សារទំនើបផារ៉ាហ្កន គឺចាប់ពីថ្ងៃទី៥ ដល់ទី៨ ឧសភា ហើយពិធីសម្ពោធការតាំងពិព័រណ៍នេះ ត្រូវបានធ្វើឡើងក្រោមអធិបតីភាពលោក ស៊ុម ប៉ងសះងួនបាន់ ឯកអគ្គរាជទូតថៃប្រចាំនៅកម្ពុជា ។
លោកស្រីជីរ៉ាណាន់វង្សមង្គល អគ្គទីប្រឹក្សាពាណិជ្ជកម្មស្ថានទូតថៃ ប្រចាំកម្ពុជាបានថ្លែងថា ការរៀបចំពិព័រណ៍ផ្លែឈើថៃឆ្នាំ២០១១ លើកនេះ គឺជាកម្មវិធីជំរុញការបរិភោគផ្លែឈើថៃ របស់នាយកដ្ឋានជំរុញការនាំចេញនៃក្រសួងពាណិជ្ជកម្មថៃ ដោយមានកិច្ចសហការពីផ្សារទំនើបផារ៉ាហ្កន ហើយរៀបចំធ្វើចាប់ពីថ្ងៃទី៥ដល់ថ្ងៃទី៨ ខែឧសភា ឆ្នាំ២០១១ ព្រមទាំងមានកិច្ចសហការពីស្ថាប័នជាច្រើនដែលបានរួមគ្នារៀបចំកម្មវិធីយ៉ាងអធិកអធមដូចជា ខេត្តចន្ទបុរី បានដឹកនាំក្រុមសហករណ៍ និងកសិករ អ្នកដាំដុះផ្លែឈើ ដែលមានឈ្មោះល្បីប្រចាំខេត្ត ព្រមទាំងបាននាំយកផ្លែឈើកែច្នៃ និងទំនិញ OTOP មកលក់ផងដែរ ។ ក្រៅពីនេះ ការិយាល័យជំរុញការនាំចេញភាគខាងកើត (ចន្ទបុរី )បាននាំយកផ្លែឈើពីខេត្តរៈយ៉ង ខេត្តត្រាត និងខេត្តចន្ទបុរី ដូចជាផ្លែទុរេន សាវម៉ាវ មង្ឃុត ឡង់កង់ មកកាន់ទីផ្សារកម្ពុជា ដើម្បីជាការនាំចេញផ្លែឈើមកកាន់ទីផ្សារក្រៅប្រទេស ដែលនឹងជួយមិនឱ្យតម្លៃផ្លែឈើនៅក្នុងប្រទេសធ្លាក់ចុះនៅក្នុងរដូវដែលមានផ្លែឈើច្រើននៅលើទីផ្សារ ។
កម្មវិធីពិសេសនៅក្នុងពិព័រណ៍នេះមានដូចជា ការលក់ផ្លែឈើក្នុងតម្លៃថោកជាងទីផ្សារទូទៅ មួយគីឡូក្រាមប្រហែល៥បាត ។ កម្ពុជានាំចូលផ្លែឈើពីប្រទេសថៃក្នុងមួយ ឆ្នាំៗប្រហែល១.៥០០លានបាត មានអត្រាកំណើន២៥% ក្នុងមួយឆ្នាំ ។ ផ្លែឈើថៃដែលបាននាំចូលមានដូចជា ក្រូចឃ្វិច ឡង់កង់ មង្ឃុត សាវម៉ាវ ទុរេន អំពិលផ្អែម រៈកាំ ស្វាយ និងក្រូចថ្លុងជាដើម ។
គោលបំណងនៃការរៀបចំពិព័រណ៍នេះឡើងគឺដើម្បីជំរុញការនិយមចូលចិត្តបរិភោគផ្លែឈើថៃនៅក្នុងស្រទាប់ប្រជាជនកម្ពុជា ដែលនឹងជួយបង្កើនការធ្វើពាណិជ្ជកម្ម ការវិនិយោគទុន និងសម្ព័ន្ធភាពរវាងប្រទេសទាំងពីរ ៕
ចែករំលែកព័តមាននេះ