ថ្មីៗនេះ អ្នកនិយមលេងអ៊ីនធើរណេតមួយចំនួននាំគ្នាលើកចិញ្ចើម ហើយងឿងឆ្ងល់មិនស្ទើរនោះឡើយ បន្ទាប់ពីតារាប្រុសចិនដ៏ល្បីល្បាញដែលគ្រប់គ្នាស្គាល់យ៉ាងច្បាស់ថា
ប្រទេសចិន ៖ ថ្មីៗនេះ អ្នកនិយមលេងអ៊ីនធើរណេតមួយចំនួននាំគ្នាលើកចិញ្ចើម ហើយងឿងឆ្ងល់មិនស្ទើរនោះឡើយ បន្ទាប់ពីតារាប្រុសចិនដ៏ល្បីល្បាញដែលគ្រប់គ្នាស្គាល់យ៉ាងច្បាស់ថា ជាអតីតសមាជិកក្រុម EXO គឺលោក Luhan នោះ ត្រូវបានគេឃើញលោកចុះហត្ថលេខានៅលើអាល់ប៊ុមរបស់ EXO អំឡុងពេលជួបជាមួយនឹងអ្នកគាំទ្ររបស់លោក។ រហូតធ្វើឱ្យអ្នកនិយមលេងអ៊ីនធើរណិតទាំងប្រុសទាំងស្រីនាំគ្នាងើបចិញ្ចើមសើចចំអក ពេបមុខពេបមាត់គ្រប់ៗគ្នា បន្ទាប់ពីអតីតសមាជិកក្រុម EXO គឺលោក Luhan រូបនេះ ចុះហត្ថលេខាលើអាល់ប៊ុម EXO ក្នុងពេលជួបជាមួយអ្នកគាំទ្រនោះ។
ដោយពួកគេបាននាំគ្នាបញ្ចេញមតិថា «ចាកចេញពី EXO ហើយ ហេតុអ្វីក៏ត្រូវមកចុះហត្ថលេខាទៀតអញ្ចឹង ពិតជាគួរអោយខ្មាស់ខ្លាំងណាស់»។ ក្នុងនោះផងដែរ រូបភាពមួយនេះផងដែរ បានធ្វើអោយមហាជន ក៏ដូចជាអ្នកគាំទ្រមួយចំនួនទៀត ហាក់សម្ដែងការត្រេកអរ ក៏ដូចជារំភើបគ្មានអ្វីមកព្រៀបបាននោះទេ។
យ៉ាងណាមិញ ក្នុងនោះផងដែរ តារាប្រុសដ៏ស្រស់សង្ហា លោក Luhan ដែលត្រូវជាអតីតសមាជិកក្រុមចម្រៀងប្រុស EXO បានធ្វើឱ្យអ្នកនិយមលេងអ៊ីនធើរណេតពាសពេញបណ្ដាញសង្គម មានការរំជើបរំជួលសប្បាយរីករាយ ជាពិសេសនារីៗមួយចំនួនតែម្ដង។ នៅពេលដែលគាត់ត្រូវគេប្រទះឃើញចុះហត្ថលេខាលើអាល់ប៊ុម EXO សម្រាប់អ្នកគាំទ្រដែលគាត់បានជួបនៅកន្លែងសាធារណៈ។
ខណៈពេលដែលអ្នកខ្លះសរសើរកាយវិការនៃសុច្ឆន្ទៈរបស់គាត់ ជាមនុស្សម៉ត់ចត់ រឹងមាំមិនចេះវា.យរិត ដោយក្នុងនោះក៏មានអ្នកខ្លះទៀតក៏កត់សម្គាល់បែបនេះថា «ដោយសារតែតារាប្រុស Luhan បានចាកចេញពីក្រុមកាលពីច្រើនឆ្នាំមុន ហើយថែមទាំងទៅដាក់ពាក្យប្តឹង SM Entertainment ទៀត ដូច្នេះការចុះហត្ថលេខាលើអាល់ប៊ុម EXO សម្រាប់អ្នកគាំទ្រ គឺមិនសមស្របបំផុតនៅក្នុងបរិបទនេះទេ»។
រហូតអ្នកនិយមលេងអ៊ីនធើរណេតមួយចំនួន ក៏បានរំលេចឡើងត្រង់ៗថា តារាប្រុសចិនដ៏លេចធ្លោ លោក Luhan អាចមានសិទ្ធិគ្រប់បែបយ៉ាងក្នុងការចុះហត្ថលេខាលើអាល់ប៊ុមនេះសម្រាប់អ្នកគាំទ្រ ដោយសារតែគាត់គ្មានហេតុផលជាក់លាក់ណាមួយដែលត្រូវទៅឆ្ងាយ ដូចការបដិសេធសំណើរបស់អ្នកគាំទ្រនោះទេ។ ពួកគេបានប្រកែកថា ការបដិសេធអាល់ប៊ុមនេះ នឹងកាន់តែអាក្រក់ ជាពិសេសប្រសិនបើអាល់ប៊ុម EXO មានការចូលរួមចំណែករបស់ Luhan។
ទោះបីជាមានការរិះគន់ខ្លះក៏ដោយ អ្នកនិយមលេងអ៊ីនធើរណេតជាច្រើនបានរីករាយដែលឃើញតារាប្រុស Luhan នៅក្នុងការចាប់អារម្មណ៍ជាសាធារណៈ បន្ទាប់ពីរយៈពេលយូរទម្រាំតែបានឃើញលោកបង្ហាញខ្លួន វាមិនមែនងាយស្រួលនោះទេ។
ក្រោយពេលឃើញមានមនុស្សមួយចំនួននាំគ្នារិះគន់សើចចំអកនៅពេលដែលបានប្រទះ ឃើញតារាប្រុសលោក Luhan ចុះហត្ថលេខា នៅលើអាល់ប៊ុមរបស់ EXO រួចមក ភ្លាមៗនោះ អ្នកគាំទ្ររបស់ Luhan ក៏បានចេញមុខមកការពារអាយដលរបស់ខ្លួន ដោយនិយាយបញ្ចេញមតិដាក់ទៅវិញចំៗបែបនេះថា «ហេតុអ្វីក៏ត្រូវមកថាអោយគាត់ទៅវិញ គាត់គ្មានហេតុផលអ្វីត្រូវបដិសេធចំពោះហ្វេនរបស់គាត់នោះទេ? ប្រសិនបើមាននរណាម្នាក់សុំហត្ថលេខាគាត់នោះ»។ «ហើយខ្ញុំគិតថា ប្រសិនបើវាជាអាល់ប៊ុមដែលគាត់បានចូលរួមក្នុងវានោះ មិនអីទេ»។ «ហេតុអ្វីគ្រាន់តែគាត់ចុះហត្ថលេខាសោះ ម្នាក់ៗបែរជាថា អោយគាត់ទៅវិញ? បើទោះបីជា គាត់បានចាកចេញពីសមាជិកក្រុម EXO ទៅហើយក៏ដោយ»៕ ដោយ ៖ សុភា ដានេត
ចែករំលែកព័តមាននេះ