ជាថ្មីម្តងទៀត ក្រសួងវប្បធម៌ និងវិចិត្រសិល្បៈបានធ្វើការព្រមា.នជាថ្មីទៅលើតារាច្នៃម៉ូតលោក ឯម រៀម អោយបញ្ឈប់ជាបន្ទាន់ ចំពោះការបញ្ចេញរូបភាពបែបអា.សអាភា.សនៅលើបណ្តាញសង្គមហ្វេសប៊ុក ខណៈពេលកន្លងមក តារារូបនេះ
រាជធានីភ្នំពេញ ៖ ជាថ្មីម្តងទៀត ក្រសួងវប្បធម៌ និងវិចិត្រសិល្បៈបានធ្វើការព្រមា.នជាថ្មីទៅលើតារាច្នៃម៉ូតលោក ឯម រៀម អោយបញ្ឈប់ជាបន្ទាន់ ចំពោះការបញ្ចេញរូបភាពបែបអា.សអាភា.សនៅលើបណ្តាញសង្គមហ្វេសប៊ុក ខណៈពេលកន្លងមក តារារូបនេះក៏ធ្លាប់ទទួលការអប់រំពីក្រសួងពាក់ព័ន្ធរឿងដូចគ្នានេះផងដែរ។
ការព្រមា.នរបស់ក្រសួងវប្បធម៌នាពេលនេះ ធ្វើឡើង បន្ទាប់ពីលោក ឯម រៀម បញ្ចេញរូបភាពស្រា.តននលគករបស់ខ្លួនបង្ហោះនៅលើបណ្តាញសង្គម ដែលករណីនេះ ត្រូវបានចាត់ទុកជាការមិនសមរម្យសម្រាប់តម្លៃនៃសិល្បៈវប្បធម៌ខ្នែរ។
ក្រុមប្រឹក្សាវិន័យ និងលើកសរសើរនៃក្រសួងវប្បធម៌ បានបញ្ចេញសារនៅលើផេកហ្វេសប៊ុករបស់ក្រសួងថា «ក្រុមប្រឹក្សាវិន័យ និងលើកសរសើរនៃអ្នកសិល្បៈ សូមជូនជម្រាបមក លោក ឯម រៀម ម្ចាស់ផេក EM Riem ជ្រាបថា ក្រុមប្រឹក្សាវិន័យ និងលើកសរសើរ ពិនិត្យឃើញនៅក្នុងផេករបស់លោក បានបង្ហោះជាសាធារណៈនូវរូបភាពរបស់លោក មានលក្ខណៈអា.ស ដែលបណ្តាលឱ្យប៉ះពាល់ដល់វប្បធម៌ ប្រពៃណី និងសេចក្តីថ្លៃថ្នូររបស់សង្គមជាតិយ៉ាងធ្ងន់ធ្ងរ ។
ក្រុមប្រឹក្សាវិន័យ និងលើកសរសើរនៃក្រសួងវប្បធម៌ បានបញ្ចេញសារបន្តថា «ករណីដូចគ្នានេះ លេខាធិការដ្ឋានក្រុមប្រឹក្សាវិន័យ និងលើកសរសើរនៃអ្នកសិល្បៈ ក៏ធ្លាប់បានអញ្ជើញលោកមកណែនាំ អប់រំចំពោះករណីដែលលោកបានបង្ហោះផ្សព្វផ្សាយរូបភាពបែបនេះម្តងរួចហើយ ហេតុនេះ ក្រុមប្រឹក្សាវិន័យ និងលើកសរសើរនៃអ្នកសិល្បៈ តម្រូវអោយលោក ឯម រៀម លុបរូបភាពនោះជាបន្ទាន់ចេញពីគ្រប់បណ្តាញផ្សព្វផ្សាយសង្គម»។
ក្រុមប្រឹក្សាវិន័យ និងលើកសរសើរនៃក្រសួងវប្បធម៌ បានបញ្ចេញសារបន្តទៀតថា «ប្រសិនបើលោកមិនអនុវត្តតាមសេចក្តីជូនដំណឹងនេះទេ ក្រុមប្រឹក្សាវិន័យ និងលើកសរសើរនៃអ្នកសិល្បៈ នឹងចាត់វិធានទៅតាមផ្លូវច្បាប់ដែលមានជាធរមាន។ ក្រុមប្រឹក្សាវិន័យ និងលើកសរសើរនៃអ្នកសិល្បៈ សង្ឃឹមនិងជឿជាក់ថា លោកពិតជាអនុវត្តតាមសេចក្តីជូនដំណឹងនេះ ដោយបញ្ឈប់រាល់ការប្រើប្រាស់រូបភាពដែលនាំឱ្យមានផលប៉ះពាល់ដល់ទំនៀមទម្លាប់ប្រពៃណីជាតិ ហើយងាកមកប្រើប្រាស់ទេពកោសល្យដែលលោកមានចូលរួមលើកស្ទួយវប្បធម៌ ប្រពៃណីជាតិ ក្នុងនាមជាកុលបុត្រខ្មែរដែលមានអរិយ្យធម៌ខ្ពង់ខ្ពស់ជាក់ជាពុំខាន»។
ដោយឡែកបន្ទាប់ពីការបញ្ចេញសារខាងលើពីក្រសួងវប្បធម៌ តារាច្នៃម៉ូតលោក ឯម រៀម ក៏ចេញមុខសុំទោសជាសាធារណៈចំពោះកំហុសខុសឆ្គងមួយនេះ និងបានលុបចោលរូបភាពចេញពីបណ្តាញសង្គមផងដែរ។
ហើយលោក ឯម រៀម បានបង្ហោះសារនៅលើគណនីហ្វេសប៊ុករបស់ខ្លួនថា «សូមគោរពនិងទទួលបាន ហើយខ្ញុំបាទ EM RIEM បានលុបចោលហើយ»។ លោកបញ្ជាក់ថា «តាមពិតជារូបភាពដែល Edit តាម App ឈ្មោះថា ToonMe ហើយខ្ញុំបាទផុសក្នុង Story FB គ្រាន់តែចង់ចែករំលែកពី App សម្រាប់ Edit រូបភាព before និង after ដែលមានបងប្អូនជាច្រើនចង់បានរាងរបស់គាត់ទៅជាមានសាច់ដុំធំៗ ដោយមិនមានចេតនាអ្វីទេ។ ដូចនេះហើយ សូមអភ័យទោស និងសូមទោស ចំពោះកំហុសឆ្គងនៃការចែករំលែករូបភាពនេះ ដែលធ្វើឱ្យប៉ះពាល់ដល់វប្បធម៌ ប្រពៃណី និងសេចក្តីថ្លៃថ្នូររបស់កម្ពុជា»។
ជាការកត់សម្គាល់ នេះមិនមែនជាលើកទី១ទេ សម្រាប់លោក ឯម រៀម ដែលទទួលការអប់រំពីក្រសួងវប្បធម៌ចំពោះកំហុសខុសឆ្គងទៅលើការបង្ហាញរូបភាពមិនសមរម្យនៅលើបណ្តាញសង្គម។ កន្លងមក លោក ឯម រៀម ក៏ធ្លាប់ត្រូវបានកោះហៅពីក្រសួងវប្បធម៌ ដើម្បីអប់រំកែប្រែ បន្ទាប់ពីលោកបានស្លៀកសម្លៀកបំពាក់មិនសមរម្យទៅចូលរួមក្នុងកម្មវិធីដ៏ធំមួយ ខណៈពេលការស្លៀកពាក់របស់លោកក៏ទទួលការរិះគន់យ៉ាងចាស់ដៃផងដែរពីមហាជនផងដែរ។
គួររំលឹកថា ៖ ទ្រាំលែងបាន! អ្នកច្នៃម៉ូដល្បី ឯម រៀម ចេញមុខដាក់ប៉ុន្មានឃ្លា ក្រោយរងការរិះគន់ដូចទឹកបាក់ទំនប់ ។ គួររំលឹកបន្តថា ៖ ស្ងប់ស្ងាត់មិនទាន់បានប៉ុន្មានផង អ្នកច្នៃម៉ូដ ឯម រៀម បញ្ចេញសារមួយឃ្លា ធ្វើឱ្យមហាជនទប់អារម្មណ៍មិនជាប់ ។ គួររំលឹកទៀតថា ៖ លោក ឯម រៀម ទ្រាំលែងបានធ្វើការព្រមា.នគិតខ្លី ខណៈការរិះគន់នៅបន្តកើតមានមិនទាន់ឈប់ ៕
ចែករំលែកព័តមាននេះ