(អាម៉េរិក)៖ យោងតាម Page Six  កំពូលតារារ៉េបអាម៉េរិក លោក Kanye West និងភរិយាថ្មី Bianca Censori ធ្វើឱ្យអ្នកគាំទ្រភ្ញាក់ផ្អើលជាខ្លាំង ក្រោយគូស្វាមីភរិយាថ្មីមួយគូនេះចំណាយលុយក្នុងមួយខែ ២០,០០០ដុល្លារអាម៉េរិកក្នុងមួយខែ ដើម្បីជួល penthouse ក្នុងតំបន់ West Hollywood ស្នាក់នៅ។  

penthouse មួយនេះ មានបន្ទប់គេង២ និងបន្ទប់ទឹក២ មានកន្លែងទទួលភ្ញៀវ ២៤ម៉ោង និងរោងកុនឯកជន អាងទឹកក្ដៅ ហាងកាហ្វេលើដំបូល និងបារ និងកន្លែងអង្គុយកម្សាន្ត។

ប្រភពស្និទ្ធនឹង The US Sun បានបង្ហាញនិយាយថា Kanye West បន្តជួល penthouse ស្នាក់នៅ ក្រោយ វិមានរបស់ខ្លួននៅលើ ឆ្នេរ Malibu តម្លៃ៥៧លានដុល្លារ នៅតែបន្តត្រូវបានបោះបង់ចោល បន្ទាប់ពីបានបញ្ឈប់ការសាងសង់តាំងពីខែវិច្ឆិកា ឆ្នាំ២០២២។

កាលពីខែមេសា Kanye West ត្រូវបានប្តឹងដោយអតីតគ្រូបង្រៀនពីរនាក់គឺ Cecilia Hailey និង Chekarey Byers ពីបទរើសអើងជាតិសាសន៍ និងរំលោភកិច្ចសន្យាការងារនៅ Donda Academy ។ ហើយតារារ៉េបកើតនៅឆ្នាំ ១៩៧៧បានបាត់បង់តំណែងជាមហាសេដ្ឋី ក៏ដូចជាត្រូវបានម៉ាកប្រេនល្បីជាច្រើនបានផ្តាច់កុងត្រាជាមួយជាបន្តបន្ទាប់ ដោយសារតែលោកបាននិយាយប្រឆាំងនឹងពួកយូដា ដែលគេចាត់ទុកថា ជាសំដីរើសអើងពូជសាសន៍៕