កាលពីពេលថ្មីៗនេះ ធ្វើអោយបណ្ដាអ្នកគាំទ្រជាច្រើនលាននាក់មានការព្រួយបារម្ភយ៉ាងខ្លាំង ក្រោយពេលឮដឹងដំណឹងថា «Jisoo ដែលត្រូវជាសមាជិកក្រុមរបស់ BLACKPINK បានធ្វើតេស្តវិជ្ជមានសម្រាប់ COVID-19+ ដើម្បីចូលរួមការ
កាលពីពេលថ្មីៗនេះ ធ្វើអោយបណ្ដាអ្នកគាំទ្រជាច្រើនលាននាក់មានការព្រួយបារម្ភយ៉ាងខ្លាំង ក្រោយពេលឮដឹងដំណឹងថា «Jisoo ដែលត្រូវជាសមាជិកក្រុមរបស់ BLACKPINK បានធ្វើតេស្តវិជ្ជមានសម្រាប់ COVID-19+ ដើម្បីចូលរួមការប្រគំតន្ត្រីនាពេលខាងមុខ ដែលស្ថិតនៅប្រទេសជប៉ុន»។ ភ្លាមៗនោះ ត្រូវបានគេប្រាប់ថា Jisoo របស់ BLACKPINK នឹងត្រូវខកខានការប្រគំតន្ត្រីនាពេលខាងមុខរបស់ក្រុម បន្ទាប់ពីធ្វើតេស្តវិជ្ជមានសម្រាប់ COVID-19។
ដោយកាលពីថ្ងៃទី១ ខែមិថុនា ឆ្នាំ២០២៣ កន្លងទៅនេះ ទីភ្នាក់ងារ YG Entertainment របស់ BLACKPINK បានចែករំលែកនៅសេចក្តីថ្លែងការណ៍ ដែលជាភាសាអង់គ្លេសនៅខាងក្រោម ដើម្បីប្រកាសពីការធ្វើរោគវិនិច្ឆ័យជំងឺ COVID-19 របស់ Jisoo និងលម្អិតអំពីផែនការរបស់ពួកគេសម្រាប់កាលបរិច្ឆេទដំណើរកម្សាន្តនាពេលខាងមុខរបស់ក្រុម ៖ ដោយក្នុងនោះ ពួកគេបានជូនដំណឹងយ៉ាងប្រញាប់ប្រញាល់បែបនេះថា «សួស្តី នេះគឺជា YG Entertainment ។ យើងសូមជូនដំណឹងដល់អ្នកថា Jisoo សមាជិកក្រុម BLACKPINK ត្រូវបានបញ្ជាក់ថា មានផ្ទុក COVID-19 កាលពីថ្ងៃទី១ ខែមិថុនា ឆ្នាំ២០២៣។ Jisoo បានធ្វើតេស្តដោយខ្លួនឯងនៅថ្ងៃទី៣០ ខែឧសភា បន្ទាប់ពីបង្ហាញរោគសញ្ញាត្រជាក់ស្រាល។ ដំបូងឡើយ នាងបានធ្វើតេស្តអវិជ្ជមានដំបូង ប៉ុន្តែទីបំផុតបានធ្វើតេស្តវិជ្ជមាននៅថ្ងៃទី១ ខែមិថុនា។ Jisoo ប្ដេជ្ញាចិត្តក្នុងការសម្តែង ដោយចង់រក្សាការសន្យារបស់នាងជាមួយអ្នកគាំទ្រ BLACKPINK ដែលទន្ទឹងរង់ចាំជាយូរមកហើយ ប៉ុន្តែសម្រេចចិត្តមិនចូលរួមក្នុងការប្រគំតន្ត្រី ដើម្បីសុខភាព និងសុវត្ថិភាពរបស់សិល្បករទាំងអស់គ្នា»។
ពួកគេបានជូនដំណឹងបន្តថា «ដូច្នេះហើយ មានតែសមាជិក៣នាក់ប៉ុណ្ណោះ គឺ Jennie, Lisa និង Rosé ដែលនឹងចូលរួមក្នុងការប្រគំតន្ត្រីទេសចរណ៍ពិភពលោក [BORN PINK] ដែលធ្វើឡើងនៅទីក្រុងអូសាកា ប្រទេសជប៉ុន នៅថ្ងៃទី៣ និងទី៤ ខែមិថុនា។ យើងយល់ពីការទន្ទឹងរង់ចាំ និងថា តើអ្នកគាំទ្របានរង់ចាំការសម្តែងនេះប៉ុណ្ណាហើយ? នឹងប្រឹងប្រែងឱ្យអស់ពីសមត្ថភាព ដើម្បីបង្ហាញការប្រគំតន្ត្រីតាមការគ្រោងទុក។ យើងសូមស្នើសុំឱ្យមានការគាំទ្រខ្លាំងពីអ្នក។ យើងនឹងប្រឹងប្រែងឱ្យអស់ពីសមត្ថភាពសម្រាប់ការជាសះស្បើយយ៉ាងឆាប់រហ័សរបស់ Jisoo ព្រមទាំងសុខភាព និងសុវត្ថិភាពរបស់សិល្បករយើង។ យើងសុំទោស និងសុំការយោគយល់របស់អ្នកម្តងទៀត។ សូមអគុណ»។
សូមជំរាបផងដែរថា នៅថ្ងៃទី៣ និងទី៤ ខែមិថុនា ឆ្នាំ២០២៣នេះ ក្រុមចម្រៀង BLACKPINK នឹងបញ្ចប់ការប្រគំតន្ត្រីប្រចាំទ្វីបអាស៊ីចុងក្រោយបង្អស់ នៃដំណើរទេសចរណ៍ពិភពលោក “BORN PINK” មុនពេលធ្វើដំណើរទៅកាន់ប្រទេសអូស្ត្រាលី សម្រាប់កម្មវិធីនៅទីក្រុង Melbourne និង Sydney នៅចុងខែនេះ។ ឆាប់ជាសះស្បើយ Jisoo។ នេះបើយោងទៅតាមរយះសារព័ត៌ដ៏ល្បីដែលមានឈ្មោះថា Soompi បានបញ្ជាក់រាយការណ៍ផ្សព្វផ្សាយប្រាប់អោយដឹង។
ដោយដំណឹងមួយនេះផងដែរ បានធ្វើអោយអ្នកនិយមលេងនៅក្នុងបណ្ដាញទំនាក់ទំនងសង្គម Internet ជាច្រើន ក៏ដូចជាសារព័ត៌មានទាំងក្នុង និងក្រៅប្រទេស ហាក់កំពុងតែនាំគ្នាភ័យព្រួយអំពីរឿងនេះគ្រប់ៗគ្នាតែម្ដង។ ដោយពួកគេនាំគ្នាចូលទៅខមិនថា «ជូនពរអោយឆាប់ជាណាបង មើលថែសុខភាពរបស់ខ្លួនឯងផង»។ អ្នកខ្លះទៀតក៏លើកឡើងថា «មិនដឹងថាពេលនេះ គាត់យ៉ាងម៉េចទៅហើយនោះទេ ពិតជាព្រួយបារម្ភខ្លាំងណាស់» «ពិតជាមានការសោកស្ដាយខ្លាំងណាស់ នេះអាចនិយាយបានថា វាជាលើកទី១ហើយ ដែលបានឃើញមានសមាជិកក្រុមចម្រៀងស្រី Blackpink បង្ហាញមុខមានតែ៣នាក់ ដែលនឹងត្រូវឡើងសម្ដែងនៅលើឆាកបែបនេះ» និងនៅមានពាក្យខមិនជាច្រើនទៀតដែលយើងមិនអាចរៀបរាប់បានអស់នោះឡើយ៕ ដោយ ៖ សុភា ដានេត
ចែករំលែកព័តមាននេះ