អ្នកណាក៏ធ្លាប់ជួបរឿងបែបនេះដែរ គ្រាន់តែថាតិចហើយនឹងច្រើនតែប៉ុណ្ណោះ។ បើនិយាយទៅដល់អ្នកមេម៉ាយកូនមួយសាច់.សខ្ចីដូចបណ្ដូលចេក អ្នកនាង សេង សុខឃីម ដែលគ្រប់គ្នាបានស្គាល់យ៉ាងច្បាស់ គឺជា
រាជធានីភ្នំពេញ ៖ អ្នកណាក៏ធ្លាប់ជួបរឿងបែបនេះដែរ គ្រាន់តែថាតិចហើយនឹងច្រើនតែប៉ុណ្ណោះ។ បើនិយាយទៅដល់អ្នកមេម៉ាយកូនមួយសាច់.សខ្ចីដូចបណ្ដូលចេក អ្នកនាង សេង សុខឃីម ដែលគ្រប់គ្នាបានស្គាល់យ៉ាងច្បាស់ គឺជាអតីតសង្សាររបស់តារាចម្រៀងប្រុសមុខមាត់មានមន្តស្នេហ៍ គឺនាយចឺម នោះ ក៏ឃើញថា ចាប់តាំងតែពីស្រីស្អាតរូបនេះ បែកបាក់គ្នាជាមួយអតីតស្វាមីមុនមក នាងតែងតែជួបរឿងមិនសមប្រកប អស់ពីមួយចូលមួយមិនចេះចប់មិនចេះហើយទាល់តែសោះ។
ជាពិសេស កាលពីមុនមិនដឹងថា តើនាងត្រូវហែលឆ្លងកាត់នៅរឿងរ៉ាវដ៏លំបាកជូរចត់ជាច្រើនរាប់មិនអស់នៅក្នុងជីវិតបែបណានោះទេ?។ ប៉ុន្តែគ្រាន់តែដឹងថា នាពេលនេះនាងមានជីវិតរស់នៅយ៉ាងស្រស់បំព្រងសប្បាយរីករាយ មិនខ្វល់ពីអ្វីទាំងអស់ ដោយអ្នកនាងរស់នៅចិញ្ចឹញកូនប្រុសជាទីស្រលាញ់ស្មើរជវិតរបស់តែម្នាក់ឯង។
ទន្ទឹមនឹងនោះ អ្វីដែលធ្វើអោយគ្រប់គ្នាមានការអាណិតអាសូរជាងនេះទៅទៀតនោះ អ្នកមេម៉ាយកូនមួយដ៏ស្រស់ស្អាត អ្នកនាង សេង សុឃីម បានចេញមុខមកបង្ហោះសារដ៏គួរអោយចាប់អារម្មណ៍មួយ ដោយនិយាយទម្លាយនៅរឿងខ្លះៗពាក់ព័ន្ធអតីតស្វាមី និងការចិញ្ចឹមកូន បន្ទាប់ពីការបែកបាក់គ្នាប៉ុន្មានឆ្នាំមកនេះ។
ដោយនៅក្នុងខ្លឹមសារនោះ អ្នកនាង សេង សុខឃីម បានសរសេររៀបរាប់បែបនេះថា «ខ្ញុំលែងលះ អាហារកិច្ចគេថាជួយ តែមិនដែលជួយ… ខ្ញុំក៏មិនដែលទាមទារ មិនមែនខ្ញុំខ្លាំងទេ ខ្ញុំចេញមកតែខ្លួននិងយកកូនប្រុសមកផ្ទះវិញ តែខ្ញុំមិនសុំគេឡើយ ទោះក្រម៉េចក៏ដោយ ព្រោះបើគេមានចិត្តជាឪពុក គេនឹងមើលថែកូនហើយ តែបើគេគ្មានចិត្ត ចាប់ទុកថា គេជាមនុស្សមិនចេះស្រលាញ់កូន ខ្ញុំគិតត្រូវដែលលែងលះនឹងគេ បើអ្នកសម្រេចចិត្តថាចង់ចិញ្ចឹមកូនម្នាក់ឯង។ ហើយកុំយករឿងកូនមកទាមទារលុយពីគេ កុំយាយរឿងឪពុកមិនល្អ មិនដែលមើលថែ យាយឲ្យកូនស្អប់ ខឹងឪពុក ធ្វើបែបនេះស្មើនឹងយើងជាម្តាយដែលជាអ្នកសម្ពាធឲ្យកូន មានអារម្មណ៍ថា ខ្លួនឯងខ្វះភាពកក់ក្តៅពីឪពុក-ល-។ យើងធ្វើបែបនេះកាន់តែធ្វើឲ្យខ្លួនឯងអត់តម្លៃ យាយក្នុងនាមមនុស្សស្រី»។
ក្រោយពេលនិយាយដូច្នេះរួចមក អ្នកនាងក៏បានបង្ហោះវីដេអូខ្លួនជាមួយនឹងកូនជាទីស្រលាញ់ដោយបានភ្ជាប់ជាមួយសារយ៉ាងមានន័យថា «ធ្វើជាមនុស្សស្រី ត្រូវធ្វើអោយគេសោកស្ដាយដែលបោះបង់យើងទើបមានតម្លៃ។ ទោះបីជាគ្មានគេ ក៏យើងអាចចិញ្ចឹម និងមើលថែកូនយើងអោយក្លាយជាមនុស្សល្អបានយ៉ាងល្អ នោះហើយគឺជាម្ដាយដែលមានទំនួលខុសត្រូវ នឹងស្រលាញ់កូនដោយបេះដូង ថ្លើម ប្រម៉ាត់ កូនគឺជាអ្វីៗគ្រប់យ៉ាងរបស់ម្ដាយ ទោះពិភពលោកបោះបង់កូន តែម្ដាយមិនបោះបង់កូនជាដាច់ខាត»។
បន្ទាប់ពីបានឃើញតារាស្រីរូបនេះ បង្ហោះរូប និងសារបែបនឹងរួចមក ក៏ឃើញថា មានពុកម៉ែបងប្អូនមិនតិចនាក់នោះទេ នាំគ្នាចូលទៅខមិនលើកទឹកចិត្តថា «មនុស្សត្រូវតែរឹងពឹង ទោះមានអ្វីកើតឡើង ស៊ូៗស្រីស្អាត»។
អ្នកខ្លះទៀតក៏និយាយថា «មែនហើយប្អូនស្រី បងធ្វើរួចហើយ លែងគ្នា មិនយកសូម្បីតែចិញ្ជៀនភ្ជាប់ពាក្យ កុំថាឡើយទ្រព្យសម្បត្តិផ្សេងៗ អ្វីដែលស្ត្រីជាម្ដាយត្រូវគិតនោះ គឺមើលថែទាំកូន ទាំងចិត្តទាំងកាយ ផ្ដល់ទាំងចំណេះដឹង ការងារទាំងអស់នេះ មិនមែនជាការងាយស្រួលនោះទេ តែជាជម្រើសដ៏ល្អសម្រាប់កូនយើង មានតែអ្នកធ្លាប់ឆ្លងកាត់ទេ ទើបយល់អារម្មណ៍មួយនេះ» «ត្រឹមត្រូវបង សូម្បីតែខ្ញុំក៏ចិញ្ទឹមកូនម្នាក់ឯងដែរ ខ្ញុំមិនដែលទទួលលុយពីខាងឪពុកគេសូម្បីតែមួយរយខ្មែរ ចិញ្ចឹមមតាំងតែពីកូនអាយុ១០ខែ រហូតឥឡូវកូនខ្ញុំអាយុ១៣ឆ្នាំមកហើយ ហើយខ្ញុំក៏មិនដែលបង្គាប់កូនអោយស្អប់ឪពុកគេម្ដងណាដែរ ដល់តែគេស្លា.ប់បាត់ក៏ខ្ញុំនៅតែអោយកូនជូនដំណើរគេជាលើកចុងក្រោយទៀត»៕ ដោយ ៖ សុភា ដានេត
ចែករំលែកព័តមាននេះ