ខេត្តព្រសីហនុ ៖ ទោះបីជាសភាពការណ៍យោធានៅតាមព្រំដែនកម្ពុជា-ថៃ កំពុងស្ថិតក្នុងស្ថានភាពតានតឹងក្តីក៏ប្រតិភូពាណិជ្ជករថៃមួួយ ក្រុមបានមកដល់ខេត្តព្រះសីហនុកាលពីថ្ងៃទី៤ ខែឧសភា ឆ្នាំ២០១១ ដើម្បីស្វែងរកដៃគូវិនិយោគផ្នែកពាណិជ្ជកម្ម ។ ថ្លែងនៅក្នុងកិច្ចពិភាក្សារវាងសភាពាណិជ្ជកម្មខេត្តព្រះសីហនុ និងក្រុមពាណិជ្ជករថៃ
ខេត្តព្រសីហនុ ៖ ទោះបីជាសភាពការណ៍យោធានៅតាមព្រំដែនកម្ពុជា-ថៃ កំពុងស្ថិតក្នុងស្ថានភាពតានតឹងក្តីក៏ប្រតិភូពាណិជ្ជករថៃមួួយ ក្រុមបានមកដល់ខេត្តព្រះសីហនុកាលពីថ្ងៃទី៤ ខែឧសភា ឆ្នាំ២០១១ ដើម្បីស្វែងរកដៃគូវិនិយោគផ្នែកពាណិជ្ជកម្ម ។ ថ្លែងនៅក្នុងកិច្ចពិភាក្សារវាងសភាពាណិជ្ជកម្មខេត្តព្រះសីហនុ និងក្រុមពាណិជ្ជករថៃ លោក CHOKEDEG KAWSANE អនុប្រធានគណៈកម្មាធិការវិនិយោគថៃ ថ្លែងថា ក្រុមពាណិជ្ជករថៃចំនួន១៥នាក់ ដែលបានមកដល់ខេត្តព្រះសីហនុថ្ងៃនេះ មានគោលបំណងតែមួយគត់គឺស្វែងរកដៃគូវិនិយោគផ្នែកពាណិជ្ជកម្ម ឬក៏ការដាក់ទុនវិនិយោគផ្នែកសេវាកម្មណាមួយ មិនពាក់ព័ន្ធនឹងរឿងនយោបាយទេ ។ ជាមួយគ្នានេះ ក្រុមប្រតិភូថៃក៏បានពិភាក្សាពិគ្រោះយោបល់គ្នាទៅវិញទៅមកអំពីច្បាប់វិនិយោគលើគ្រប់វិស័យជាមួយអាជ្ញាធរខេត្តផងដែរ ។
លោកស៊ុន សាខន អភិបាលរងខេត្តបានសម្តែងការស្វាគមន៍ចំពោះប្រតិភូថៃ ហើយក៏បានពន្យល់និងធ្វើបទបង្ហាញអំពីស្ថានភាពច្បាប់ផ្នែកវិនិយោគដល់ភាគីថៃ ។ ជាមួយនឹងការពិភាក្សារវាងពាណិជ្ជករកម្ពុជា និងក្រុមពាណិជ្ជករថៃ គឺក្រុមពាណិជ្ជករថៃបានចាប់អារម្មណ៍លើវិស័យដឹកជញ្ជូនផ្លូវទឹក វិស័យឧស្សាហកម្ម បង្កើតរោងចក្រ (ផលិតផលពាក់កណ្តាលសម្រេចដែលនាំចូលវត្ថុធាតុដើមពីបរទេស ) វិស័យកសិកម្ម ។ល។ លោកសុខ សុង អនុប្រធានសភាពាណិជ្ជកម្មខេត្តព្រះសីហនុ បានថ្លែងអំណរគុណប្រតិភូថៃ និងបានអំពាវនាវផងដែរដល់ពាណិជ្ជករថៃឱ្យមកវិនិយោគលើគ្រប់វិស័យនៅខេត្តព្រះសីហនុ ដោយអាជ្ញាធរខេត្តក៏ដូចសភាពាណិជ្ជកម្មខេត្តរង់ចាំស្វាគមន៍ជានិច្ច ៕
ចែករំលែកព័តមាននេះ