គ្រប់គ្នាប្រាកដជាបានស្គាល់ហើយ តារាសម្ដែងប្រុសដែលមានរូបរាងស្រស់សង្ហា គឺលោក បញ្ញា សិទ្ធ បានចេញមុខមកបង្ហោះសារនៅលើគណនីហ្វេសប៊ុកផេករបស់លោក ដោយនិយាយបញ្ជាក់យ៉ាងច្បាស់ៗប្រាប់ឲ្យពុកម៉ែបងប្អូនបានដឹងអំពីសុខភាពរបស់ម្ដាយថា
រាជធានីភ្នំពេញ ៖ គ្រប់គ្នាប្រាកដជាបានស្គាល់ហើយ តារាសម្ដែងប្រុសដែលមានរូបរាងស្រស់សង្ហា គឺលោក បញ្ញា សិទ្ធ បានចេញមុខមកបង្ហោះសារនៅលើគណនីហ្វេសប៊ុកផេករបស់លោក ដោយនិយាយបញ្ជាក់យ៉ាងច្បាស់ៗប្រាប់ឲ្យពុកម៉ែបងប្អូនបានដឹងអំពីសុខភាពរបស់ម្ដាយថា «នៅពេលនេះផងដែរ អ្នកម្ដាយរបស់តារាសម្ដែងប្រុសរូបនេះ បានវិលត្រឡប់មកដល់ប្រទេសកម្ពុជាវិញហើយ បន្ទាប់ពីចេញទៅព្យាបាលនៅប្រទេសថៃមួយរយៈ។ ខណៈពេលនេះផងដែរ អាការជំងឺអ្នកម្ដាយរបស់លោកក៏មានសភាពធូរស្រាលរឹងមាំច្រើនជាងមុនច្រើនហើយដែរ»។
មិនត្រឹមតែប៉ុណ្ណោះ ចំពោះដំណឹងមួយនេះធ្វើឲ្យមហាជន ក៏ដូចជាអ្នកដែលតែងតែស្រលាញ់ចូលចិត្ត និងអ្នកគាំទ្ររូបលោកផ្ទាល់ នាំគ្នាសម្ដែងការត្រេកអរ និងសប្បាយរីករាយយ៉ាងខ្លាំងនៅពេលដែលពួកគេឃើញសុខភាពម្ដាយរបស់លោកបានធូរស្រាលឡើងវិញផងដែរ។ ក្រោយការឧបត្ថម្ភថវិកាដ៏ខ្ពង់ខ្ពស់ពីសម្ដេចតេជោ ហ៊ុន សែន នាយករដ្ឋមន្ត្រីនៃប្រទេសកម្ពុជានិងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ទាំងទ្វេ។
នេះបើយោងតាមរយៈតារាសម្ដែងប្រុសលោក បញ្ញា សិទ្ធ បានបង្ហោះរូបមួយសន្លឹក ដោយភ្ជាប់ជាមួយសារប៉ុន្មានឃ្លា រួចនិយាយរៀបរាប់ឲ្យដឹងថា «ជំរាបសួរបងប្អូន ថ្ងៃនេះខ្ញុំនិងអ្នកម្តាយបានមកដល់ប្រទេសកម្ពុជាយើងវិញហើយ»។
តារាសម្ដែងប្រុសមុខមាត់មានមន្តស្នេហ៍រូបនេះ និយាយអោយដឹងទៀតថា «សារជាថ្មីម្តងទៀត កូនពិតជាថ្លែងអំណរអគុណដល់សម្តេចពុក សម្តេចម៉ែ និងបងបង បងប្អូនសិល្បៈដែលបានជួយដល់ជីវិតម្តាយកូនសារជាថ្មីម្តងទៀត»។
ហើយអ្វីដែលធ្វើអោយអ្នករាល់គ្នារំភើបជាងនេះទៅទៀតនោះ លោកបានបង្ហើបប្រាប់បន្តអោយដឹងទៀតថា «ពេលនេះ ខ្ញុំបាទបានមកបំរើអារម្មណ៍ពុកម៉ែបងប្អូនវិញហើយ នឹងសូមមករស់ក្រោមម្លប់សន្តិភាពបន្ត។30-05-2023»។
ក្រោយពេលឃើញ និងដឹងថា តារាសម្ដែងប្រុសរូបនេះ លោកបានចេញមុខមកប្រាប់ដូច្នេះរួចមក ក៏មានមហាជនទាំងប្រុសទាំងស្រីសម្រុកនាំគ្នាចូលទៅខមិនគ្រប់ៗគ្នាថា «រីករាយណាស់អាយដលមកកាន់ប្រទេសយើងដោយសុវត្ថិភាព»។ ខ្លះទៀតក៏បានជូនពរថា «ជូនពរលោកម៉ែឆាប់ជាវិញបង»។ មួយចំនួនទៀតក៏លើកឡើងថា «ចូលរួមអរអបសាទរផងអាយដល» «សូមអរអរផង ដែលអ៊ំស្រីជាសះស្បើយវិញ» «ឆាប់ជាប្អូនស្រី សាងបុណ្យឲ្យច្រើន ទេវតាតាមជួយរក្សា សូមឲ្យកូនប្រុសមានការងារល្អៗធ្វើឲ្យបានច្រើន» និងនៅមានពាក្យជូនពរជាច្រើនទៀតដែលយើងមិនអាចរៀបរាប់អស់។
យ៉ាងណាមិញ បើយើងនាំគ្នាក្រឡេកមកឃើញថា តារាសម្ដែងប្រុសរូបរាងខ្ពស់ស្រឡះ លោក បញ្ញា សិទ្ធ បើគិតមកដល់នាពេលនេះ គឺលោកបានចាកឆ្ងាយពីវិស័យសិល្បៈប្រមាណជិត២ឆ្នាំមកហើយ បន្ទាប់ពីតារាប្រុសរូបនេះ លោកបានចេញទៅធ្វើការងារនៅប្រទេសថៃ ដើម្បីយកលុយមកព្យាបាលជំងឺអ្នកម្ដាយជាទីស្រលាញ់របស់ខ្លួន។
គួរបញ្ជាក់ផងដែរថា ក្រោយពេលឃើញនៅភាពអត់ធ្មត់ទុក្ខលំបាកលាយឡំជាមួយនឹងក្តីអាណិតអាសូរជាពន់ពេក ដែលតារាសម្ដែងប្រុសលោក បញ្ញា សិទ្ធ ជាកូនប្រុសដ៏កតញ្ញូម្នាក់ខិតខំប្រឹងប្រែងរកលុយមកព្យាបាលជំងឺម្ដាយរបស់ខ្លួន ស្រាប់តែភ្លាមៗនោះ សម្ដេចតេជោ ហ៊ុន សែន នាយករដ្ឋមន្ត្រី នៃប្រទេសកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន បានឧបត្ថម្ភថវិកាចំនួន៣ម៉ឺនដុល្លារ ដើម្បីជួយសង្គ្រោះជីវិតម្ដាយរបស់លោកដែលមានជំងឺធ្ងន់រហូតធ្វើអោយមហាជននាំគ្នាមានការភ័យព្រួយមិនស្ទើរនោះឡើយ។
ហើយក៏ឃើញថា ក្រោយពេលទទួលបាននៅការឧបត្ថម្ភថវិកាជួយសង្គ្រោះជីវិតម្ដាយរបស់ខ្លួនពីសម្ដេចទាំងទ្វេរួចមក ថ្មីៗនេះផងដែរ មិននៅស្ងៀមតទៅទៀត តារាសម្ដែងប្រុស លោកបញ្ញា សិទ្ធ ក៏បាននិយាយបញ្ជាក់ច្បាស់ៗថា បច្ចុប្បន្ន អាការជំងឺម្ដាយរបស់លោកបានធូរស្បើយប្រមាណជាង៧០ភាគរយហើយ។ មិនតែប៉ុណ្ណោះ នៅក្នុងពេលនោះ លោកក៏បានប្រកាសត្រៀមខ្លួននឹងវិលចូលនៅក្នុងវិស័យសិល្បៈឡើងវិញ ជាពិសេសនឹងត្រៀមឡើងឆាកតន្ត្រីជាលើកដំបូងថែមទៀតផង៕ ដោយ ៖ សុភា ដានេត
ចែករំលែកព័តមាននេះ