អធិការរងមួយរូប នៅស្រុកកូនមុំ ខេត្តរតនគិរី ដែលខ្លួនជាមន្ត្រីនគរបាលយុត្តិធម៌ មានតួនាទីភារៈកិច្ច ត្រូវបង្ក្រាបបទល្មើស ការពារសន្តិសុខ សុវត្ថិភាព សណ្ដាប់ធ្នាប់សង្គមនិងបនល្បែ.ងស៊ីសងគ្រប់ប្រភេទផងនោះ ប៉ុន្តែផ្ទុយទៅវិញ បែរជា
ខេត្តរតនគិរី ៖ អធិការរងមួយរូប នៅស្រុកកូនមុំ ខេត្តរតនគិរី ដែលខ្លួនជាមន្ត្រីនគរបាលយុត្តិធម៌ មានតួនាទីភារៈកិច្ច ត្រូវបង្ក្រាបបទល្មើស ការពារសន្តិសុខ សុវត្ថិភាព សណ្ដាប់ធ្នាប់សង្គមនិងបនល្បែ.ងស៊ីសងគ្រប់ប្រភេទផងនោះ ប៉ុន្តែផ្ទុយទៅវិញ បែរជាបើកសង្វៀនបញ្ជល់មាន់ នៅផ្ទះរបស់ខ្លួនទៅវិញ។
ពាក់ព័ន្ធក្នុងករណីខាងលើនេះ ក៏មាននាយប៉ុស្តិ៍រដ្ឋបាលចុះទៅសំណូមពរឱ្យបញ្ឈប់ការបើកបនល្បែ.ង ហើយសហការគ្នាបង្ក្រាបបនល្បែ.ងស៊ីសងដែលមាននៅក្នុងនោះវិញ។ ប៉ុន្តែបែរជាធ្វើឲ្យអធិការរងរូបនេះ បញ្ឆេះកំហឹង តូចចិត្ត និងប្រើពាក្យសម្ដីមិនគប្បីមកកាន់នាយប៉ុស្តិ៍នគរបាល ដោយយកអំណាចខ្លួនជាអធិការរង មកគ្របដណ្ដប់កូនចៅ។
ទើបរឿងមួយនេះ ត្រូវបានអ្នកនិយមលេងតាមបណ្ដាញទំនាក់ទំនងសង្គមហ្វេសប៊ុកបង្ហោះយ៉ាងព្រោងព្រាត ប្រមាណជាជិតមួយសប្តាហ៍ទៅហើយ។ ទីបំផុត!!! ក៏ត្រូវបានស្នងការនគរបាលខេត្តរតនគីរី ដកបញ្ឈរជើងតែម្តង។
យោងតាមលិខិតបង្គាប់ការ របស់ស្នងការដ្ឋាននគរបាលខេត្តរតនគិរី ដែលអង្គភាពយើងទទួលបាននៅរសៀលថ្ងៃទី២៣ ខែឧសភា ឆ្នាំ២០២៣ ដោយបញ្ជាក់ថា ៖
បង្គាប់ប្រការ១ ៖ ត្រូវបានផ្អាកការងារបណ្តោះអាសន្នចំពោ លោកវរសេនីយ៍ត្រី អ៊ិត សឿង អត្តលេខ ៥៧០០៩ អធិការរង នៃអធិការដ្ឋាននគរបាលស្រុកកូនមុំ។ មូលហេតុ ប្រព្រឹត្តខុសទៅនឹងវិន័យរបស់កម្លាំងនគរបាលជាតិ ។
ប្រការ២ ៖ លោកវរសនីយ៍ត្រី អ៊ិត សឿង ត្រូវមកបង្ហាញខ្លួនរៀងរាល់ម៉ោងការងារ នៅការិយាល័យបុគ្គលិក ដើម្បីរង់ចាំការចង្អុលណែនាំរបស់នាយកដ្ឋានបុគ្គលិក។
ប្រការ៣ ៖ លោក លោកស្រីស្នងការរង លោកនាយការិយាល័យបុគ្គលិក លោកអធិការនគរបាលស្រុកកូនមុំ លោកប្រធានអង្គភាពពាក់ព័ន្ធ និងសាមីខ្លួនដែលមានឈ្មោះក្នុងប្រការ១ ត្រូវ អនុវត្តតាមលិខិតបង្គាប់ការនេះ ចាប់ពីថ្ងៃចុះហត្ថលេខានេះតទៅ។
ព័ត៌មានបន្ថែមនឹងមានផ្សាយជូននៅលើកាសែតកោះសន្តិភាព៕
ចែករំលែកព័តមាននេះ