បង្ក្រាបរថយន្តដឹកធ្យូង៣គ្រឿង បំរុងដឹកឆ្លងដែនទៅលក់នៅវៀតណាម
- ក្រចេះ
កម្លាំងកងរាជអាវុធហត្ថស្រុកស្នួល ស្នាក់ការសន្តិសុខ៧១១ ដឹកនាំដោយលោក វរសេនីយ៍ត្រី លន់ បុនថុល បានចុះបង្ក្រាបរថយន្តដឹកផលអនុផលព្រៃឈើ
កម្លាំងកងរាជអាវុធហត្ថស្រុកស្នួល ស្នាក់ការសន្តិសុខ៧១១ ដឹកនាំដោយលោក វរសេនីយ៍ត្រី លន់ បុនថុល បានចុះបង្ក្រាបរថយន្តដឹកផលអនុផលព្រៃឈើ
ខេត្តក្រចេះ ៖ កម្លាំងកងរាជអាវុធហត្ថស្រុកស្នួល ស្នាក់ការសន្តិសុខ៧១១ ដឹកនាំដោយលោក វរសេនីយ៍ត្រី លន់ បុនថុល បានចុះបង្ក្រាបរថយន្តដឹកផលអនុផលព្រៃឈើគ្មានលិខិតអនុញ្ញាត្ត (ធ្យូង) បំរុងដឹកឆ្លងដែនទៅលក់នៅប្រទេសវៀតណាម ប្រគល់ឱ្យមន្ត្រីជំនាញ។
ការបង្ក្រាបរថយន្តដឹកធ្យូងខាងលើនោះ កម្លាំងកងរាជអាវុធហត្ថស្រុកស្នួល បានធ្វើឡើងកាលពីវេលាម៉ោង១និង៣០នាទីយប់ ថ្ងៃទី២១ ខែឧសភា ឆ្នាំ២០២៣ នៅត្រង់ចំណុចភូមិឃ្សឹមក្រៅ ឃុំឃ្សឹម ស្រុកស្នួល ខេត្តក្រចេះ។
ករណីបង្ក្រាបបទល្មើសធនធានធម្មជាតិខាងលើនេះ កម្លាំងកងរាជអាវុធហត្ថស្រុកស្នួល បានឃាត់រថយន្តដឹកធ្យូងចំនួន០៣គ្រឿង ក្នុងនោះ ៖ ទី១- រថយន្តកែច្នៃម៉ាកសាំយ៉ុង ពណ៌ស ពាក់ស្លាកលេខ កំពង់ធំ2A-1013 មានផ្ទុកធ្យូងពេញប្រៀបតែម្តង។ ទី២- រថយន្តកែច្នៃម៉ាកសាំយ៉ុងពណ៌ស ពាក់ស្លាកលេខ ភ្នំពេញ2D-9054 មានផ្ទុកធ្យូងពេញប្រៀប និងទី៣- រថយន្តម៉ាកហ៊ីយ៉ាន់ដាយ ពណ៌ស ពាក់ស្លាក់លេខ ត្បូងឃ្មុំ2A-1264 មានផ្ទុកធ្យូងពេញប្រៀបដូចគ្នា។
គួរបញ្ជាក់ថា រថយន្តទាំង៣គ្រឿងដែលត្រូវបង្ក្រាបខាងលើនោះ ពុំទាន់ធ្វើការរាប់ចំនួនតួលេខពិតប្រាកដនៅឡើយទេ គឺរង់ចាំខាងលើជំនាញផ្តល់លទ្ធផលតាមក្រោយ។ ហើយក្នុងពេលបង្ក្រាបនោះដែរ អ្នកបើកបរបានចុះពីលើរថយន្ត រត់គេចខ្លួនបាត់ស្រមោលភ្លាមតែម្តង។
បច្ចុប្បន្ន វត្ថុតាងខាងលើ ត្រូវរក្សារទុកប្រគល់ឱ្យជំនាញសង្កាត់រដ្ឋបាលព្រៃឈើឃ្សឹម ដើម្បីចាត់ការបន្តតាមនីតិវិធីច្បាប់៕
ចែករំលែកព័តមាននេះ