ស្របពេលអាកាសធាតុកំពុងតែក្តៅក្នុងរដូវប្រាំង ធ្វើឱ្យមនុស្ស និងសត្វពិបាកក្នុងការរស់នៅ បន្ទាប់មកស្រាប់តែផ្ទៃមេឃឡើងខ្មៅងងឹតបង្កឱ្យមានភ្លៀងធ្លាក់លាយឡំដោយខ្យល់កន្ត្រាក់ចំនួន២លើក ស្ថិតនៅ
ខេត្តត្បូងឃ្មុំ ៖ ស្របពេលអាកាសធាតុកំពុងតែក្តៅក្នុងរដូវប្រាំង ធ្វើឱ្យមនុស្ស និងសត្វពិបាកក្នុងការរស់នៅ បន្ទាប់មកស្រាប់តែផ្ទៃមេឃឡើងខ្មៅងងឹតបង្កឱ្យមានភ្លៀងធ្លាក់លាយឡំដោយខ្យល់កន្ត្រាក់ចំនួន២លើក ស្ថិតនៅភូមិស្រែកណ្តាល ឃុំកំពាន់និងភូមិកំបាស់ ឃុំមេមង ស្រុកមេមត់។ ហេតុការណ៍នេះបានកើតឡើងនៅថ្ងៃទី២៩ ខែមេសា ឆ្នាំ២០២៣ វេលាម៉ោង១០យប់ ជាហេតុធ្វើឱ្យលំនៅឋានរបស់ប្រជាពលរដ្ឋជាច្រើនខ្នង ត្រូវរងការខូចខាត តែសំណាងល្អមិនមានបណ្ដាលឱ្យនរណាម្នាក់ស្លា.ប់នោះទេ។
បើតាមសមត្ថកិច្ចមូលដ្ឋាន បានប្រាប់ឲ្យដឹងថា ខ្យល់កន្ត្រាក់ធ្វើអោយខូចផ្ទះប្រជាពលរដ្ឋមានការខូចខាតជាច្រើនខ្នង ក្នុងនោះរួមមាន ៖ ១- ផ្ទះឈ្មោះ សួន សុធា ត្រូវរងការខូចខាតបាក់សំយ៉ាបខាងមុខផ្ទះ។ ២- ផ្ទះឈ្មោះ វ៉ាន់ ឃឿន ត្រូវរបើកក្បឿងមួយជ្រុងខាងត្បូង។ ៣- ផ្ទះឈ្មោះ វ៉ាន់ លឹម ត្រូវរងការខូចខាតប៉ើងយ៉មុខខាងមុខផ្ទះ។ ៤- ផ្ទះឈ្មោះ ហូ លាងហេន ត្រូវរបើកដំបូល។ ៥- ផ្ទះឈ្មោះ រឿន ត្រូវរបើកក្បឿងជ្រុងខាងត្បូង។ ៦- ឈ្មោះ សុខ វ៉ាន ត្រូវរបើកដែកចង្ក្រានបាយ។ ៧- ផ្ទះឈ្មោះ មួន ឈឿន របើកដំបូលផ្ទះ។ ៨- ផ្ទះឈ្មោះ ប្លោក ណេង ត្រូវរបើកដំបូល។ ៩- កុដិលោកត្រូវរងការខូចខាតធ្ងន់ធ្ងរខ្លាំង ដោយត្រូវដើមឈើដួលរលំសង្កត់ពីលើ ធ្វើឱ្យខូចខាតទាំងស្រុងតែម្តង និងនៅមានការខូចខាតតិចតួចមួយចំនួនទៀត។
សមត្ថកិច្ចមូលដ្ឋានបន្តថា ស្រពពេលនោះ នៅថ្ងៃទី២៩ ខែមេសា ឆ្នាំ២០២៣ វេលាម៉ោង១០យប់ ក៏មានខ្យល់កន្ត្រាក់មួយកើតឡើង ធ្វើឱ្យបាក់ដើមឈើរលំសង្កត់ពីលើផ្ទះប្រជាពលរដ្ឋឈ្មោះសាន ថន ភេទប្រុស អាយុ៦២ឆ្នាំ រស់នៅចំណុចគីឡូម៉ែត្រ៥៤ ស្ថិតក្នុងភូមិកំបាស់ ឃុំមេមង ស្រុកមេមត់ បណ្ដាលឱ្យខូចខាតផ្ទះចំនួន០១ខ្នង, បាក់ធ្នឹមចំនួន០៤ដើម, ក្ដារជញ្ជាំងផ្ទះចំនួន០៤សន្លឹក និងផ្ទះបាយទំហំ៣ម៉ែត្រគុណ៤ម៉ែត្រទៀតផង។
ក្រោយពីហេតុការណ៍ខាងលើនេះ បានកើតឡើង លោកវរសេនីយ៍ឯក ហុង គឹមហឿន អធិការនគរបាលស្រុកមេមត់ បានរាយការណ៍ជូនលោកឧត្តមសេនីយ៍ស្នងការ ដើម្បីឱ្យកម្លាំងកាកបាទជួយដល់លំនៅឋានពលរដ្ឋណាដែលទទួលរងការខូចខាតធ្ងន់ជាងគេ។
ចែករំលែកព័តមាននេះ