ខេត្តបន្ទាយមានជ័យ ៖ សណ្ឋាគារកម្ពស់មាន៦ជាន់ ត្រូវបានអគ្គិភ័យឆាបឆេះអស់១បន្ទប់ តែសំណាងហើយជួយអន្តរាគមន៍ទាន់ពេល កើតឡើងកាលពីថ្ងៃទី២០ មេសា ស្ថិតចំណុចភូមិគីឡូម៉ែត្រលេខ៤ សង្កាត់ផ្សារកណ្តាល ក្រុងប៉ោយប៉ែត…
ខេត្តបន្ទាយមានជ័យ ៖ សណ្ឋាគារកម្ពស់មាន៦ជាន់ ត្រូវបានអគ្គិភ័យឆាបឆេះអស់១បន្ទប់ តែសំណាងហើយជួយអន្តរាគមន៍ទាន់ពេល កើតឡើងកាលពីថ្ងៃទី២០ មេសា ស្ថិតចំណុចភូមិគីឡូម៉ែត្រលេខ៤ សង្កាត់ផ្សារកណ្តាល ក្រុងប៉ោយប៉ែត ។
លោកវរសេនីយ៍ឯក សៅ សារឿន អធិការនគរបាលក្រុងប៉ោយប៉ែតបានប្រាប់ថា អគ្គិភ័យបានឆាបឆេះសណ្ឋាគារ៦ជាន់ក្នុងបូរីសានស៊ាន ហូ ត្រូវបានកម្លាំងនគរបាល និងកងរាជអាវុធហត្ថ យោធា ដឹកនាំយករថយន្តពន្លត់អគ្គិភ័យចំនួន៣គ្រឿងអន្តរាគមន៍បាញ់ពន្លត់ឆេះអស់១បន្ទប់ជាន់ទី១ ។
លោកបានបញ្ជាក់ថា នៅពេលដែលអគ្គិភ័យឆាបឆេះ កម្លាំងចម្រុះប្រមាណជិត៥០នាក់បានជួយអន្តរាគមន៍ និងរថយន្តពន្លត់អគ្គិភ័យចំនួន៣គ្រឿងបានបាញ់ពន្លត់បានទាន់ពេលវេលា ដែលឆាបឆេះអស់តែ១បន្ទប់ដែលខូចខាតសម្ភារមានគ្រែ និងពូកដែលជួលអោយជនជាតិចិនស្នាក់នៅ ។
លោកវរសេនីយ៍ឯក សៅ សារឿន បានបញ្ជាក់ថា អគ្គិភ័យដែលឆាបឆេះសង្ស័យអាចបណ្តាលមកពីជនជាតិចិនជួលស្នាក់នៅហើយជក់បារីបោះចោលក្នុងបន្ទប់ ទើបបង្កឱ្យមានអគ្គិភ័យនេះកើតឡើង ដោយអន្តរាគមន៍បាញ់ទឹកពន្លត់អស់ចំនួន៣គ្រឿងទើបគ្រប់គ្រងស្ថានភាពបាន ។
ចែករំលែកព័តមាននេះ