សម្ភោធដាក់ឲ្យប្រើប្រាស់អគារសម្រាកព្យាបាលមន្ទីរពេទ្យបង្អែកស្រុកភ្នំក្រវាញ
ខេត្តពោធិ៍សាត់ ៖ អគារសម្រាកព្យាបាលនៅមន្ទីរពេទ្យបង្អែកស្រុកភ្នំក្រវាញ ដែលទើប
ខេត្តពោធិ៍សាត់ ៖ អគារសម្រាកព្យាបាលនៅមន្ទីរពេទ្យបង្អែកស្រុកភ្នំក្រវាញ ដែលទើប
ខេត្តពោធិ៍សាត់ ៖ អគារសម្រាកព្យាបាលនៅមន្ទីរពេទ្យបង្អែកស្រុកភ្នំក្រវាញ ដែលទើបស្ថាបនារួចបានធ្វើពិធីសម្ភោធដាក់ឲ្យប្រើប្រាស់ជាផ្លូវការនាថ្ងៃទី១៩ ខែតុលា ឆ្នាំ២០១៧ ក្រោមអធិបតីភាពលោក ម៉ៅ ធនិន អភិបាលនៃគណៈអភិបាលខេត្តពោធិ៍សាត់។
លោក ខូយ ឌី ប្រធានមន្ទីរសុខាភិបាលខេត្តពោធិ៍សាត់ បានឲ្យដឹងថា អគារមន្ទីរពេទ្យថ្មីនេះ មានទំហំ០៧ម៉ែត្រគុណនឹង២៥ម៉ែត្រធ្វើអំពីថ្មប្រក់ក្បឿងចែកចេញជា០៥បន្ទប់ មានបន្ទប់ទឹកចំនួន០៣ បំពាក់ដោយគ្រឿងសង្ហារឹមដោយចំណាយអស់ថវិកាជាង០៥ម៉ឺនដុល្លារសហរដ្ឋអាមេរិក ជាអំណោយរបស់លោកឧកញ៉ា ហួត អៀងតុង ប្រធានអគ្គនាយកហត្ថាកសិករលីមីតធីត។ អគារនេះសាងសង់រយៈពេល០៥ខែ តាមស្ដង់ដាបច្ចេកទេសដោយធានាទាំងគុណភាព និងសោភ័ណភាព។ ហើយលោកសង្ឃឹមថា មន្ទីរពេទ្យបង្អែកស្រុកភ្នំក្រវាញ នឹងមានលទ្ធភាពកាន់តែសកម្មក្នុងការផ្ដល់សេវាសុខាភិបាលសាធារណៈជូនប្រជាពលរដ្ឋក្នុងស្រុកភ្នំក្រវាញទាំងមូល។
លោក ម៉ៅ ធនិន បានថ្លែងអំណរគុណចំពោះទឹកចិត្តសប្បុរសធម៌របស់ថ្នាក់ដឹកនាំ និងបុគ្គលិកហត្ថាកសិករទាំងអស់ដែលបានចូលរួមក្នុងសកម្មភាពសង្គមគ្រប់បែបយ៉ាងស្ដែងចេញពីសន្ដានចិត្ត និងការយកចិត្តទុកដាក់ខ្ពស់ពីសំណាក់វិស័យឯកជនចំពោះរាជរដ្ឋាភិបាល និងប្រជាពលរដ្ឋ។ ក្រៅពីវិស័យសុខាភិបាលដែលជាអាទិភាពហត្ថាកសិករក៏បានចូលរួមយ៉ាងសកម្មលើការកាត់បន្ថយភាពក្រីក្រតាមរយៈការបង្កើតឱកាសការងារ ការចែករំលែកចំណេះដឹងលើការគ្រប់គ្រងហិរញ្ញវត្ថុផ្ទាល់ខ្លួន ពិសេសការដោះស្រាយនីតិវិធីចាកចេញពីបំណុលវ័ណ្ឌ.ក។ កន្លងមកនេះយើងសង្កេតឃើញអង្គការហត្ថាកសិករបានជួយសាងសង់សាលារៀន ផ្ដល់សម្ភារសិក្សាដល់សិស្សានុសិស្ស ផ្ដល់បរិក្ខារសម្រាប់សួនច្បារសាធារណៈ និងការចូលរួមថែរក្សាបរិស្ថានជាដើម។អគារព្យាបាលជំងឺនេះ ជាសមិទ្ធផលថ្មីមួយទៀតរបស់លោកឧកញ៉ា ហួត អៀងតុង ផ្ដល់ជូនអ្នកស្រុកភ្នំក្រវាញ។ នេះជាការចូលរួមចំណែកមួយជាមួយរាជរដ្ឋាភិបាលក្នុងអភិវឌ្ឍន៍ និងលើកកម្ពស់វិស័យសុខាភិបាល។ លោកម៉ៅ ធនិនសូមឲ្យគ្រូពេទ្យព្យាបាលអ្នកជំងឺដោយយកចិត្តទុកដាក់ប្រកបដោយក្រមសីលធម៌ និងវិជ្ជាជីវៈចៀសវាងប្រើពាក្យអសុរស។
ក្នុងឱកាសនោះលោកម៉ៅ ធនិនបានចែកសម្ភារសិក្សាដល់សិស្សានុសិស្ស ចូលសួរសុខទុក្ខ និងជូនសារុង ក្រមាដល់អ្នកជំងឺ ព្រមទាំងបានកាត់ខ្សែបូរ និងចុះហត្ថលេខាលើសៀវភៅក្រាំងមាសផងដែរ៕
ចែករំលែកព័តមាននេះ