ជិះម៉ូតូបុកគូទរថយន្តបត់ឆ្លងផ្លូវ ស្លា.ប់ម្នាក់របួសធ្ងន់ម្នាក់
រាជធានីភ្នំពេញ ៖ យុវជនម្នាក់បានស្លា.ប់ភ្លាមៗនៅកន្លែងកើតហេតុ និងម្នាក់ទៀតរងរបួសធ្ងន់ធ្ងរ
រាជធានីភ្នំពេញ ៖ យុវជនម្នាក់បានស្លា.ប់ភ្លាមៗនៅកន្លែងកើតហេតុ និងម្នាក់ទៀតរងរបួសធ្ងន់ធ្ងរ
រាជធានីភ្នំពេញ ៖ យុវជនម្នាក់បានស្លាប់ភ្លាមៗនៅកន្លែងកើតហេតុ និងម្នាក់ទៀតរងរបួសធ្ងន់ធ្ងរ ខណៈពេលពួកគេទាំងពីរនាក់ជិះម៉ូតូមួយគ្រឿងក្នុងល្បឿនលឿន ហើយជ្រុលចង្កូតទៅបុកគូទរថយន្តសណ្ដោងរ៉ឺម៉កដែលកំពុងតែបត់ចូលផ្សារព្រែកព្នៅ។ ហេតុការណ៍គ្រោះថ្នាក់នេះ បានកើតឡើងកាលពីវេលាម៉ោង៣និង៥០នាទីរសៀល ថ្ងៃទី១០ ខែតុលា ឆ្នាំ២០១៧ ស្ថិតនៅតាមបណ្តោយផ្លូវជាតិលេខ៥ កែងនឹងផ្លូវលេខ១៥១(ផ្លូវបត់ចូលផ្សារព្រែកព្នៅ) ភូមិព្រែកព្នៅ សង្កាត់ព្រែកព្នៅ ខណ្ឌព្រែកព្នៅ។ រថយន្តដែលម៉ូតូបើកបុកម៉ាកហ៊ីយ៉ាន់ដាយ ពណ៌ស្លាទុំ សណ្ដោងរ៉ឺម៉ក ពាក់ស្លាកលេខ ភ្នំពេញ 3D-4607 បើកបរដោយបុរសម្នាក់ម្នាក់មិនស្គាល់ឈ្មោះបានគេចខ្លួនបាត់។
ជនរងគ្រោះដែលបានស្លាប់នោះមានឈ្មោះ ហាប់ គ្រីយ៉ា ភេទប្រុស អាយុ២២ឆ្នាំ មានស្រុកកំណើតនៅផ្ទះលេខ២២៨ ភូមិស្វាយបាកាវ ឃុំតាជេស ស្រុកកំពង់ត្រឡាច ខេត្តកំពង់ឆ្នាំង ចំណែកអ្នករួមដំណើររងរបួសធ្ងន់ដឹកយកសង្គ្រោះបន្ទាន់នៅមន្ទីរពេទ្យកាលម៉ែត្រ មិនត្រូវបានស្គាល់ឈ្មោះឡើយ។ អ្នកទាំងពីរជិះម៉ូតូម៉ាក ស៊ុយហ្សុយគីនិច ពណ៌ស ពាក់ស្លាកលេខ កំពង់ឆ្នាំង1G-4596។ តាមសាក្សីពីកន្លែងកើតហេតុបានឲ្យដឹងថា មុនពេលកើតហេតុគេឃើញរថយន្តខាងលើ បើកបរតាមផ្លូវជាតិលេខ៥ ក្នុងទិសដៅពីត្បូងទៅជើង មកដល់ចំណុចកើតហេតុរ ថយន្តក៏បានបើកបត់ឆ្វេងឆ្លងផ្លូវ ខណៈដែលបត់មិនទាន់ផុតផងស្រាប់មានជនរងគ្រោះពីរនាក់ជិះម៉ូតូមួយគ្រឿង ម៉ាកស៊ុយហ្សុយគីនិច តាមផ្លូវជាតិលេខ៥ ក្នុងទិសដៅពីជើងទៅត្បូងក្នុងល្បឿនយ៉ាងលឿនវាក់នឹងរថយន្តចាប់ហ្វ្រាំងមិនទាន់ក៏ជ្រុលចង្កូតទៅបុកចំកង់ក្រោយផ្នែកខាងស្តាំដៃរថយន្តបណ្តាលឲ្យដួលបោកក្បាលទៅនឹងថ្នល់ស្លាប់ភ្លាមៗនឹងកន្លែង។
ចំណែកម្នាក់ទៀតរងរបួសធ្ងន់ធ្ងរត្រូវបានសមត្ថកិច្ចមូលរដ្ឋានហៅរថយន្តសាមុយមកដឹកបញ្ជូនទៅសង្គ្រោះបន្ងាន់នៅមន្ទីពេទ្យកាល់ម៉ែត។ បន្ទាប់ពីគ្រោះថ្នាក់សមត្ថកិច្ចនគរបាលមូលដ្ឋានបានចុះទៅដល់កន្លែងកើតហេតុ និងរាយការណ៍ទៅសមត្ថកិច្ចជំនាញឲ្យចុះមកវាស់វែងរួចនាំរថយន្ត និងម៉ូតូរងគ្រោះទៅរក្សាទុកនៅការិយាល័យចរាចរណ៍ជើងគោក នៃស្នងការនគរបាលរាជធានីភ្នំពេញ ដើម្បីរង់ចាំការដោះស្រាយគ្នា។ ចំណែកសាកសពសមត្ថកិច្ចប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី៕
ចែករំលែកព័តមាននេះ