ទីកន្លែងកំសាន្តថ្មីសន្លាងមួយនឹងផុសចំបេះដូងនៃទឹកដីអង្គរ ខេត្តសៀមរាបឆាប់ៗនេះ !
រាជធានីភ្នំពេញ៖ ជាមួយនឹងកំណើននៃភ្ញៀវទេចរណ៍ជាតិ និងអន្តរជាតិទៅ
ខេត្តសៀមរាប ៖ ជាមួយនឹងកំណើននៃភ្ញៀវទេចរជាតិ និងអន្តរជាតិទៅកាន់ទឹកដីអង្គរខេត្តសៀមរាបកើនឡើងជាលំដាប់ តែសេវាកម្មកម្សាន្តបែបទំនើប និងការបម្រើពេញបរិបូរណ៍គ្រប់រសជាតិ នៅមិនទាន់មាននៅឡើយ ។ ហេតុនេះហើយ ទើបក្រុមហ៊ុន មេត្រូ ឡាហ្វ ស្តាយល៍ ឌីវេលុបមេន Metro Life Style Development បានចាប់ផ្តើមនូវការបង្កើតទីកន្លែងកំសាន្តដ៏សំបូរបែប ថ្មីសន្លាង និងដំបូងគេបង្អស់នៅទឹកដីអច្ឆរិយមួយនេះ ។
ទីកន្លែងកំសាន្ត ដឹ ហ៊ើរីថេច វ៉ក នឹងអាចបង្កើតឱកាសការងារដល់ប្រជាពលរដ្ឋនៅខេត្តសៀមរាបរាប់ពាន់នាក់ ក្នុងវិស័យបដិសណ្ឋារកិច្ច និងសេវាកម្មម្ហូបអាហារ។ ល។ ទន្ទឹមនឹងនេះផ្សារទំនើបមួយនេះ នឹងជាចលករ រុញច្រានចរន្តសេដ្ឋកិច្ច និងភាពស៊ីវីល័យមកកាន់ខេត្តសៀមរាប។
កាលពីថ្ងៃសៅរ៍ ទី៧ ខែតុលា ឆ្នាំ២០១៧ ក្រុមហ៊ុន មេត្រូ ឡាហ្វ ស្តាយល៍ ឌីវេលុបមេន Metro Life Style Development បានប្រារព្ធពិធីប្រកាសបើកលក់ទីតាំងជាផ្លូវការនូវគម្រោងទីកន្លែងកំសាន្តសំបូរបែបមួយនេះ ដែលមានឈ្មោះថា ដឹ ហ៊ើរីថេច វ៉ក (The Heritage Walk)។
គម្រោងទីកន្លែងកំសាន្ត ដឹ ហ៊ើរីថេច វ៉ក គឺជាសំណង់មជ្ឈមណ្ឌលបែបសហគមន៍ដ៏ធំជាងគេនៅខេត្តសៀមរាប ដែលបច្ចុប្បន្នដំណើរការសាងសង់បានប្រហែល៨០% ហើយគ្រោងនឹងបើកដំណើរការជាផ្លូវការនៅដើមឆ្នាំ ២០១៨ ដែលគម្រោងនេះសាងសង់លើផ្ទៃដីជាង០.៧ហិចតា តាមបណ្តោយផ្លូវជាតិលេខ៦ ចំងាយប្រមាណតែ៥០ម៉ែត្រ ចន្លោះពីបូជនីយដ្ឋាន សក្ការៈបូជា ព្រះអង្គចេកព្រះអង្គចម និងផ្លូវបំបែកស្តុបសណ្ឋាគារសុខា។
សំណង់ដ៏ធំនិងទំនើបមួយនេះ មិនត្រឹមតែនឹងក្លាយទៅជាទីកន្លែងប្រជុំទីដោយហាងអាហារល្បីៗ តូចធំនិងទំនើបជាងគេចុងក្រោយបង្អស់មិនធ្លាប់មានពីមុនមកក្នុងទឹកនៃខេត្តសៀមរាបប៉ុណ្ណោះទេ ក៏ប៉ុន្តែក៏ជាគោលដៅលំហែកំសាន្តប្លែកអារម្មណ៍ សម្រាប់ប្រជាជនរស់នៅខេត្តសៀមរាបក៍ដូចជាភ្ញៀវទេសចរណ៍ជាតិ និងអន្តរជាតិ ដើម្បីទទួលទានអាហារក្នុងភោជនីយដ្ឋាន មានបម្រើម្ហូបច្រើនប្រភេទទាំងក្នុងស្រុកនិងបរទេស ក៏ដូចជាចូលទស្សនាភាពយន្តល្បីៗក្នុងរោងភាពយន្តទំនើប និងកន្លែងក្មេងលេងធំទំនើបជាដើម។
គម្រោងទីកន្លែង កំសាន្ត ដឹ ហ៊ើរីថេច វ៉ក ត្រូវបានផ្តួចផ្តើមគំនិត និងវិនិយោគដោយសហគ្រិនក្នុងស្រុក ក្រោមការរចនាស្ថាបត្យកម្ម ទាំងស្រុងយ៉ាងផ្ចិតផ្ចង់ដោយក្រុមស្ថាបត្យករល្បីៗ និងជាស្នាដៃកូនខ្មែរសុទ្ធសាធ។ សំណង់និងរចនាបថរបស់ ដឹ ហ៊ើរីថេច វ៉ក ផុសចេញពីទស្សនទាន «អភិវឌ្ឍន៍និងអភិរក្សសម្បត្តិវប្បធម៍ និងបេតិកភ័ណ្ឌ» បង្កប់ដោយអត្ថន័យ និងអត្ថរសចំរុះរួមមាន ភាពរស់រវើកនៃជីវភាពរស់នៅ សិល្បៈបុរាណ អត្តសញ្ញាណ កេរ្ត៍ដំណែល និងបេតិកភ័ណ្ឌរបស់ខ្មែរតពីសម័យអង្គរដ៍រុងរឿងមក ដែលជំរុញអោយសំណង់ផ្សារទំនើបមួយនេះ មានរចនាបទ សហសម័យ រសជាតិជារចនាបថខ្មែរលាយឡំ នឹងបរិយាកាស និងការតុបតែងផ្នែកខាងក្នុងទំនើបបែបបស្ចឹម ប្រទេស។
យោងទៅតាមទស្សនទានរបស់ស្ថាបនិករបស់ ដឹ ហ៊ើរីថេច វ៉ក ទីកន្លែងកំសាន្តដ៏សំបូរបែបមួយនេះ មានចំណុចពិសេស៤សំខាន់ៗ ដែលចំណុចពិសេសមួយនោះគឺថា ក្នុងទំហំសរុប៤០,០០០ម៉ែត្រការ៉េ ជាងពាក់កណ្តាលនៃទំហំ ដឹ ហ៊ើរីថេច វ៉ក ទាំងមូល គឺជាបរិវេណដើរកំសាន្តគយគន់រចនាបថ ការតុបតែងប្លែកៗ និងទេសភាពសម្រាប់ផ្តិតយករូបភាពស្អាតៗ ដែលអមទៅដោយបរិយាកាសទឹកធ្លាក់ ដើមឈើធំៗ និងអាងហែលទឹកលើអាកាស។ កន្លែងកំសាន្ត ដឹ ហ៊ើរីថេច វ៉ក គឺជាទីកន្លែងកម្សាន្តចំរុះសម្រាប់ភ្ញៀវគ្រប់វ័យមកដើរលេង ញ៉ាំអាហារ នំ ការ៉េម មើលកុន លេងហ្គេម និងចូលរួមកម្មវិធីកំសាន្តសាធារណៈផ្សេងៗ ដែលមានចរាចរណ៍មនុស្សម្នាមកលេងកំសាន្តតាំងពីព្រឹករហូតដល់ ជិតពាក់កណ្តាលអធ្រាត្រ។
ចំនុចពិសេសមួយទៀតនោះ គឺភាពចំរុះនៃហាងក្នុង កន្លែងកំសាន្ត ដឹ ហ៊ើរីថេច វ៉ក។ ជាមួយនឹងហាងចម្រុះជិត១០០ហាង ភ្ញៀវទេសចរណ៍នឹងទទួលបាននូវភាពពេញចិត្តក្នុងការជ្រើសរើសការ ទទួលទានមុខម្ហូបជាច្រើនប្រភេទ នាំមកជូនដោយហាងល្បី។ ការគិតគូរពីភាពចម្រុះនៃភោជនីយដ្ឋាន កាហ្វេ និងប្រភេទអាជីវកម្មដែលមានវត្តមាននៅក្នុង ដឹ ហ៊ើរីថេច វ៉ក គឺជារឿងដែល ដឹ ហ៊ើរីថេច វ៉ក យកចិត្តទុកដាក់ខ្លាំងបំផុត ដើម្បីធ្វើយ៉ាងណាបង្កើត បរិយាកាសមួយដែលមានការប្រកួតប្រជែងសមរម្យ និងការចាប់យកឱកាសរីកចំរើនទាំងអស់គ្នារបស់ម្ចាស់ហាង ឬអាជីវកម្មនីមួយៗនៅក្នុង ដឹ ហ៊ើរីថេច វ៉ក ។
មិនត្រឹមតែការយកចិត្តទុកដាក់ខ្ពស់ចំពោះភាពចំរុះនៃប្រភេទហាងនីមួយៗប៉ុណ្ណោះទេ ដើម្បីធានាបានភាពរស់រវើក ចរាចរណ៍ និងបរិយាកាសរំភើបសប្បាយជាប្រចាំនៅកន្លែងកំសាន្ត ដឹ ហ៊ើរីថេច វ៉ក គណៈគ្រប់គ្រងនឹង ផ្តោតសំខាន់លើ ការធ្វើពិធីនានាដូច
ពិព័រណ៌ ការផ្សព្វផ្សាយ និងដាក់បង្ហាញផលិតផល ការសម្តែងសិល្បៈកំសាន្ត និងសកម្មភាព ពាណិជ្ជកម្មនានា។
សម្រាប់ព័ត៌មានលំអិតអំពីទីកន្លែងកំសាន្ត ដឹ ហ៊ើរីថេច វ៉ក សូមទំនាក់ទំនងមកលោកសុទ្ធ សុធារៈ
តាមរយៈលេខទូរស័ព្ទ៖ Tel: 017 59 46 19 / 071 9888 888
ឬតាមរយៈអ៊ីម៉េល thearak@emeraldplus.biz
សម្រាប់ឱកាសក្នុងការ ដើម្បីបើកអាជីវកម្មឬការសហការនានានៅក្នុងកន្លែងកំសាន្ត ដឹ ហ៊ើរីថេច វ៉ក ចាប់ផ្តើមពីពេលនេះតទៅ។
សម្រាប់ការព័ត៌មានក្នុងការជួលទីតាំង សូមទំនាក់ទំងទៅកាន់លោក គីម សុវណ្ណស៊ីដេត
តាមរយៈទូរស័ព្ទលេខ 078 888 447
ឬតាមរយៈអ៊ីម៉េល ksv.sideth@emeraldplus.biz
ចែករំលែកព័តមាននេះ