កីឡាករ​កូឡុំ​ប៊ី​ Quintana ឈ្នះជើង​ឯក​ប្រ​ណាំង​កង់​នៅ​អេស្ប៉ាញ​


Alexander Quintana បាន​បើក​រដូវ​កាល​ប្រ​ណាំង​កង់​ឆ្នាំ​ថ្មី​របស់​ខ្លួន​ជា​មួយ​នឹង​ជ័យ​ជម្នះ​ពាន​ជើង​ឯក​​កម្ម​វិធី​ Tour of Basque Country នៅ​​ប្រ​ទេស​អេស្ប៉ាញ​ ។ ការ​ប្រ​ណាំង​កម្ម​វិធី​ខាង​លើ​​បាន​បញ្ចប់​ជា​មួយ​នឹង​ដំ​ណាក់​ផ្តាច់​ព្រ័ត្រ​ដែល​មាន​ចម្ងាយ​ផ្លូវ​២៤​​គី​ឡូ​ម៉ែត្រ​នៅ​ក្រុង ​Beasain កាល​ពី​ថ្ងៃ​សៅរ៍​ទី​៦​មេសា​ ​។

បន្ទាប់​ពី​ឆ្លង​កាត់​ការ​ប្រ​ណាំង​ចំនួន​៦​​ដំ​ណាក់​ដែល​មាន​ចម្ងាយ​ផ្លូវ៨៣១​​គី​ឡូ​ម៉ែត្រ​ ​Quintana​​​ដែល​ជិះ​កង់​ឱ្យ​ក្រុម​ Movistar Team បាន​ប្រើ​អស់​ថិរវេលា​សរុប​តិច​ជាង​គេ​បំ​ផុត​គឺ​២១ម៉ោង​៣៩​នា​ទី​​និង​៣៥​វិ​នា​ទី​ ដណ្តើម​បាន​ពាន​ជើង​ឯក​យក​មក​គ្រប់​គ្រង​។ ឯ​កីឡាករអូ​ស្ត្រា​លី​ Richie Porte ដែល​​​ជិះ​កង់​ឱ្យ​ក្រុម Sky Procycling​បញ្ចប់​​ការ​ប្រ​ណាំង​ក្នុង​ចំ​ណាត់​ថ្នាក់​លេខ​២ បន្ទាប់​​ពី​ប្រើ​អស់​ថិរ​វេលា​សរុ​​ប​ច្រើន​ជាង Quintana ២៣​វិ​នា​ទី​ ។

​ចំណែក​​ចំ​ណាត់​ថ្នាក់​លេខ​៣​ បាន​ទៅ​លើ​កីឡាករ​កូ​ឡុំ​ប៊ី Sergio Luis Henao Montoya ជិះ​​​កង់​ឱ្យ​ក្រុម Sky Procycling ដែល​បាន​ប្រើ​អស់​ថិរវេលា​ច្រើន​ជាង Quintana​ ៣៤​វិ​នា​ទី ។​ ​ដោយ​ឡែក ​ជ័យជម្នះ​ក្នុងដំ​ណាក់​ផ្តាច់​ព្រ័ត្រ​បាន​ទៅ​លើ​កីឡាករ​អា​ល្លឺ​ម៉ង់ តូ​នី​​ម៉ា​ទីន​ ។​ ម៉ា​ទីន​ ដែល​ជិះ​​កង់​ឱ្យ​ក្រុម Omega Pharma-Quick Step បញ្ចប់​ការ​ប្រ​ណាំង​ដោយ​ប្រើ​អស់​ថិរវេលា​៣៥​នា​ទី​និង​៥​វិ​នា​ទី ៕

កីឡាអន្តរជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

To Top

ការស្ទង់មតិគេហទំព័រថ្មី




សូម​អរគុណ