ADផ្ទាំងផ្សព្វផ្សាយពាណិជ្ជកម្ម

Picture

ណុ​ប បា​យ៉ា​រិ​ទ្ធ ត្រៀម​បញ្ចេញស្នាដៃ​ថ្មី​ផ្ទាល់ខ្លួន​តាម​រយៈ​បទ​ចម្រៀង​១​បទ ច្រៀង​រួម​ដោយ​តារា​១៦​ដួង

1 ឆ្នាំ មុន
  • ភ្នំពេញ

កាន់តែ​ពិសេស តារាចម្រៀង​លោក ណុ​ប បា​យ៉ា​រិ​ទ្ធ នឹង​បញ្ចេញស្នាដៃ​បទ​ចម្រៀង​ដែល​ផលិត​ដោយ​ស្នាដៃ​លោក​ផ្ទាល់​តាម​រយៈ​បទ​ចម្រៀង​ចូល​ឆ្នាំ​មួយ​បទ ដែល​មាន​តារាចម្រៀង​ប្រមាណ​១៦​ដួង​ច្រៀង​រួម​គ្នា​។ ការ​ត្រៀម​បញ្ចេញស្នាដៃ​ថ្មី​មួយទៀត ពី​តារាចម្រៀង​លោក

រាជធានី​ភ្នំពេញ ៖ កាន់តែ​ពិសេស តារាចម្រៀង​លោក ណុ​ប បា​យ៉ា​រិ​ទ្ធ នឹង​បញ្ចេញស្នាដៃ​បទ​ចម្រៀង​ដែល​ផលិត​ដោយ​ស្នាដៃ​លោក​ផ្ទាល់​តាម​រយៈ​បទ​ចម្រៀង​ចូល​ឆ្នាំ​មួយ​បទ ដែល​មាន​តារាចម្រៀង​ប្រមាណ​១៦​ដួង​ច្រៀង​រួម​គ្នា​។ ការ​ត្រៀម​បញ្ចេញស្នាដៃ​ថ្មី​មួយទៀត ពី​តារាចម្រៀង​លោក ណុ​ប បា​យ៉ា​រិ​ទ្ធ នា​ពេល​នេះ គឺ​ចាត់​ទុក​ថា ជា​ស្នាដៃ​ទី​២ បន្ទាប់​ពី​កាលពី​ឆ្នាំ​កន្លង​ទៅ លោក​ក៏​ធ្លាប់​បាន​បញ្ចេញស្នាដៃ​ផលិត​ផ្ទាល់ខ្លួន​នូវ​បទ​ចម្រៀង ពរ​ជ័យ​ហង្ស​មាស ដែល​មានការ​ចូលរួម​ច្រៀង​រួម​គ្នា​ពី​តារាចម្រៀង​ចំនួន​៥​ដួង​ផង​ដែរ​។

តាម​រយៈ​សារ​ដែល​បាន​បង្ហោះ​នៅ​លើ​បណ្តាញ​សង្គម​លោក ណុ​ប បា​យ៉ា​រិ​ទ្ធ បាន​លើក​ឡើង​ថា កាលពី​ឆ្នាំទៅ បងប្អូន​បាន​រីករាយ​ស្តាប់​កម្សាន្ត​ជាមួយ​បទ​ចម្រៀង​មួយ​បទ​ក្រោម​ចំណងជើង​ថា «​ពរ​ជ័យ​ហង្ស​មាស​» ដែល​ជា​បទ​ចម្រៀង​កើតឡើង​ពី​គំនិត​ផ្តួចផ្តើម​ផលិត​របស់​ខ្ញុំបាទ​ផ្ទាល់ ក្រោម​ការ​សហ​ការ​ពី​លោក គង់ សុភ​ក្តី ដែល​ជា​អ្នកនិពន្ធ និង​សម្រួល​តន្ត្រី និង​លោក​លី ស៊ី​ន​ហួ​ន ជា​អ្នកនិពន្ធ​ទំនុក​ច្រៀង ច្រៀង​ដោយ​តារាចម្រៀង​ស្រី​ទាំង​៥​រូប​របស់​គ្រួសារ​ហង្ស​មាស រួម​មាន ៖ ឱ​ក សុគន្ធ​កញ្ញា​, ផ​ន ស្រី​ខួច​, ចម្រើន សុ​ភ័​ក្រ​, ឈី​ន រតនៈ និង ម៉​ង់ ចាន់​កញ្ញា​។

លោក​បញ្ជាក់​ថា ក្នុង​ឱកាស​បុណ្យចូលឆ្នាំ​ថ្មី​ប្រពៃណី​ជាតិខ្មែរ​ខាង​មុខ​នេះ ខ្ញុំបាទ ណុ​ប បា​យ៉ា​រិ​ទ្ធ មាន​សេចក្តី​សោមនស្ស​រីករាយ ដោយ​បាន​ក្រុមហ៊ុន​ហង្ស​មាស​អនុញ្ញាត​អោយ​ខ្ញុំ​បាន​បញ្ចេញ​សមត្ថភាព​ជាមួយនឹង​ការងារ​ថ្មី ដឹកនាំ project ផលិត​នៅ​បទ​ចម្រៀង​ថ្មី​មួយ​បទ​ទៀត​ក្រោម​ការ​សហការ​និពន្ធ​បទ​ភ្លេង​ពី​លោកគ្រូ សាន់ សុវណ្ណ​ឌី​ន និង​និពន្ធ​ទំនុកច្រៀង​ដោយ​លោក លី ស៊ី​ន​ហួ​ន ច្រៀង​ដោយ​តារាចម្រៀង​គ្រួសារ​ហង្ស​មាស​១៦​រូប ជាមួយ​បទ​ចម្រៀង​ដែល​មាន​ចំណងជើង​ថា «​សង្ក្រាន្ត​ខ្មែរ​» ក្រោម​អត្ថន័យ នៃ​ពិធី​បុណ្យចូលឆ្នាំ​ប្រពៃណី​ជាតិ​របស់​យើង​ជាមួយ​ទំនុកច្រៀង សម្លេង​ដូរ​តន្ត្រី ឧបករណ៍​ភ្លេង​ដែល​មាន​ច​រិ​ក​លក្ខណៈ​ជា​ទំរង់​បែប​ខ្មែរ​។

លោក​បន្ត​ថា ចម្រៀង​មួយ​បទ​នេះ ក៏​ជា​អនុស្សាវរីយ៍​ដែល​មិន​អាច​បំភ្លេច​បាន​រវាង ខ្ញុំ លោកគ្រូ​ភ្លេង អ្នកនិពន្ធ​ទំនុកច្រៀង និង​ប្អូន​ៗ​តារាចម្រៀង​ទាំងអស់ ដែល​បាន​ឆ្លងកាត់​នៅ​រឿងរ៉ាវ​ជីវិត​ដ៏​មិន​អាច​បំភ្លេច​បានជា​មួយ​គ្នា ក្នុង​កំឡុង​ពេល​ផលិត​បទ​ចម្រៀង​មួយ​បទ​នេះ ។ សូម​គោរព​ជូន​នៅ​សមិទ្ធផល​បទ​ចម្រៀង​មួយ​បទ​នេះ ជូន​លោកតា លោកយាយ អ៊ុំ​ពូ​មីង ពុក​ម៉ែ បងប្អូន​ស្តាប់​កម្សាន្ត​ក្នុង​ពេល​ឆាប់​ៗ​នេះ ៕

អត្ថបទសរសេរ ដោយ

កែសម្រួលដោយ