លោក ឡុង ឌីម៉ង់៖ ពលករខ្មែររាប់ម៉ឺននាក់ សប្បាយរីករាយនៅកូរ៉េ
ប្រទេសកូរ៉េ ៖ ឯកអគ្គរាជទូកកម្ពុជា ប្រចាំសាធារណរដ្ឋកូរ៉េ បានបញ្ជាក់នៅរសៀលថ្ងៃទី១ ខែតុលានេះថា
រាជធានីភ្នំពេញ ៖ ឯកអគ្គរាជទូកកម្ពុជា ប្រចាំសាធារណរដ្ឋកូរ៉េ បានបញ្ជាក់នៅរសៀលថ្ងៃទី១ ខែតុលានេះថា ក្រុមបាតុកម្មប្រឆាំង និងចំណាត់ការតុលាការ ហើយទាមទារឲ្យមានការដោះលែងលោក កឹម សុខា នោះ មានប្រមាណ០,៥% ប៉ុណ្ណោះ ក្នុងចំណោមពលរដ្ឋ និងពលករ ប្រមាណ៦ម៉ឺននាក់។ លោក ឡុង ឌីម៉ង់ បានបញ្ជាក់ក្រុមបាតុកម្មនៅទីក្រុងសេអ៊ូល មានចន្លោះពី៣០០នាក់ ទៅ៣៥០នាក់ប៉ុណ្ណោះ ក្នុងចំណោមបងប្អូនពលរដ្ឋ និងពលករខ្មែរនៅកូរ៉េ ប្រមាណ៦ម៉ឺននាក់។
លោក ឡុង ឌីម៉ង់ បានបន្តទៀតថា “ថ្ងៃនេះក្រសួងការងារកូរ៉េ បានរៀបចំឲ្យពលករស្ត្រីរៀបការនៅកូរ៉េ ចម្រុះជាតិសាសន៍ ចំនួន១៦ជាតិសាសន៍ ធ្វើបុណ្យប្រចាំឆ្នាំ ដោយមានការហែរព្យុះហយាត្រា បង្ហាញពីវប្បធម៌ប្រពៃណី ទំនៀមទម្លាប់របស់ជាតិសាសន៍ខ្លួន។ ឆ្លៀតឱកាសនោះ ក្រុមបាតុកម្មនៅសេអ៊ូល បានកៀងគរពលករខ្មែរ និងស្ត្រីរៀបការនៅកូរ៉េ ឲ្យចូលរួមធ្វើបាតុកម្ម ជាមួយក្រុមគេ ទាមទារឲ្យដោះលែងលោក កឹម សុខា ប៉ុន្តែអ្នកចូលរួមមានប្រមាណ៣០០នាក់ប៉ុណ្ណោះ”។
បើតាមលោកឯកអគ្គរាជទូតប្រាប់ថា ពលរដ្ឋខ្មែរច្រើនលើសលប់នៅកូរ៉េ ពួកគាត់រក្សាភាពស្ងៀមស្ងាត់ ហើយក្រុមបាតុកម្មមួយចំនួនតូចនេះ គឺធ្វើឡើងពោលពេញដោយភាពញុះញង់ ជេរប្រមាថ ចោទប្រកាន់រាជរដ្ឋាភិបាលដោយគ្មានភស្តុតាង៕
ចែករំលែកព័តមាននេះ