រំលឹកពីអ្នកស្រីសន ចរិយា អតីតអ្នកចម្រៀងល្បីឈ្មោះ
រាជធានីភ្នំពេញ ៖ អ្នកស្រីសន ចរិយា ជាអតីតតារាចម្រៀង និងតារាសម្តែងល្បីឈ្មោះកាលពីច្រើនឆ្នាំមុន ។ អស់រយៈពេលជាយូរឆ្នាំមកនេះ អ្នកស្រី
រាជធានីភ្នំពេញ ៖ អ្នកស្រីសន ចរិយា ជាអតីតតារាចម្រៀង និងតារាសម្តែងល្បីឈ្មោះកាលពីច្រើនឆ្នាំមុន ។ អស់រយៈពេលជាយូរឆ្នាំមកនេះ អ្នកស្រីសន ចរិយា បានចេញទៅសាងអនាគតថ្មីនៅលើទឹកដីអូស្ត្រាលី និងមានស្វាមីនៅទីនោះ ។
អ្នកស្រីសន ចរិយា ជាតារាចម្រៀងធ្លាប់មានឈ្មោះល្បីរួមជំនាន់ជាមួយអ្នកស្រីឆោម ឆវិន និងអ្នកស្រីសុខ សុខុម ជាដើម ។ មានស្នាដៃជាច្រើនដែលអ្នកស្រីសន ចរិយា សាងក្នុងពិភពសិល្បៈមុនពេលចេញទៅរស់នៅប្រទេសអូស្ត្រាលី ។
បច្ចុប្បន្នក្នុងវ័យចំណាស់ទឹកដមសំឡេងរបស់អ្នកស្រីសន ចរិយា នៅតែពីរោះ ដោយឧស្សាហ៍ច្រៀងលេងជាលក្ខណៈគ្រួសារបង្ហោះតាមហ្វេសប៊ុកឲ្យមហាជនបានស្តាប់ ។
អ្នកស្រីសន ចរិយា ជាអតីតភរិយារបស់អ្នកចម្រៀងល្បីឈ្មោះលោកប៊ុន ចាន់ថន ម្ចាស់បទ«អានីដួងចិត្ត»ដែលបានលាចាកលោកទៅហើយដោយជំងឺកាលពីប៉ុន្មានឆ្នាំមុន។
ក្រៅពីសិល្បៈចម្រៀង អ្នកស្រីសន ចរិយា ធ្លាប់សម្តែងភាពយន្តមួយចំនួនថ្វាយជូនអតីតព្រះមហាក្សត្រព្រះបាទនរោត្តម សីហនុ ។
កាលពីរស់នៅក្នុងប្រទេសអ្នកស្រីសន ចរិយា តែងតែចូលរួមច្រៀងតាមកញ្ចក់ទូរទស្សន៍ជាញឹកញាប់ ពិសេសទូរទស្សន៍ជាតិកម្ពុជា ។ បទល្បីរបស់អ្នកស្រីសន ចរិយា ដូចជាបទ «ពាក្យថាស្នេហ៍» ជាដើម រៀបរាប់ពីទឹកចិត្តនារីម្នាក់ស្រឡាញ់បុរសម្នាក់ពេញបេះដូងអស់មួយជីវិត ។
អ្នកស្រីសន ចរិយា ធ្លាប់មកលេងស្រុកកំណើតបានប៉ុន្មានលើកមកហើយ តែអ្នកស្រីមិនបានបង្ហាញមុខតាមទូរទស្សន៍ឲ្យមហាជនបានដឹងទេ ៕
ចែករំលែកព័តមាននេះ