ទស្សនៈកិច្ចសិក្សាកងទ័ពតាមព្រំដែន
ខេត្តបាត់ដំបង ៖ ព្រឹកថ្ងៃទី១៨ ខែសីហា ឆ្នាំ២០១៧ លោកឧត្តមសេនីយ៍ទោ ខាត់ ជន់ មេបញ្ជាការរងយោធភូមិភាគទី៥
ខេត្តបាត់ដំបង ៖ ព្រឹកថ្ងៃទី១៨ ខែសីហា ឆ្នាំ២០១៧ លោកឧត្តមសេនីយ៍ទោ ខាត់ ជន់ មេបញ្ជាការរងយោធភូមិភាគទី៥
ខេត្តបាត់ដំបង ៖ ព្រឹកថ្ងៃទី១៨ ខែសីហា ឆ្នាំ២០១៧ លោកឧត្តមសេនីយ៍ទោ ខាត់ ជន់ មេបញ្ជាការរងយោធភូមិភាគទី៥ បានដឹកនាំនាយទាហានប្រមាណ៧០នាក់មកពីតាមបណ្តាអង្គភាពផ្សេងៗ ចុះធ្វើកម្មវិធីទស្សនៈកិច្ចសិក្សាតាមបណ្តាអង្គភាពកងទ័ព នៅតាមជួរព្រំដែនក្នុងទីបញ្ជាការវរសេនាតូចវិស្វកម្ម យោធភូមិភាគទី៥ ស្ថិតភូមិគីឡូ ឃុំត្រែង ស្រុករតនមណ្ឌល ខេត្តបាត់ដំបង ស្តីពីការកសាងអង្គភាពរឹងមាំលើគ្រប់វិស័យប្រចាំឆ្នាំ ឆមាសទី១ ឆ្នាំ២០១៧ ។
លោកវរសេនីយ៍ទោ ឈឹម សារឿន មេបញ្ជាការវរសេនាតូចវិស្វកម្ម បានឡើងរាយការណ៍ពីទីតាំងលក្ខណៈភូមិសាស្ត្រតំបន់ព្រៃភ្នំ ដែលបានឈរជើងតាំងពីសម័យមានសង្គ្រាមមករហូតដល់ពេលនេះ កម្លាំងទ័ពមួយចំនួន បានចូលនិវត្តន៍ និងមានការកែសម្រួលកម្លាំងទ័ពដែលពេលនេះ គ្មានការប្រយុទ្ធគ្នាទៀតនោះ មកចូលរួមកសាងការពារសម្រាប់ទាំងអស់គ្នាវិញ សំខាន់ជំរុញពង្រឹងការចិញ្ចឹមទ័ព និងធានាជីវភាពក្នុងគ្រួសារទ័ពក្នុងអង្គភាពមិនឲ្យជួបការលំបាក បន្ទាប់ពីមានការណែនាំចង្អុលបង្ហាញពីលោកមេបញ្ជាការយោធភូមិភាគទី៥ កន្លងមកជាប្រចាំ ។
បន្ទាប់មកមានមតិចូលរួមពីតាមបណ្តាអង្គភាពផ្សេងៗរួចមក លោកឧត្តមសេនីយ៍ត្រី ស្វាយ អឿន នាយរងសេនាធិការយោធភូមិភាគទី៥ បានរំលឹកអំពីប្រវត្តិសាស្ត្រ និងស្នាដៃរបស់កងវិស្វកម្មតាំងពីអតីតកាលដែលគ្មានអីសោះ ហើយពេលនេះបានកសាងអគារសម្រាប់ធ្វើការ ជំរុញការដាំដុះ និងមានសាមគ្គីភាពផ្ទៃ ក្នុងសហការជាមួយមូលដ្ឋានបានយ៉ាងល្អប្រសើរ ។
ចុងក្រោយលោកឧត្តមសេនីយ៍ទោ ខាត់ ជន់ បានថ្លែងថា ៖ ដោយពិនិត្យមើលតាមរបាយការណ៍ និងសកម្មភាពកន្លងមក ឃើញមានភាពល្អប្រសើរច្រើន ក្នុងអង្គភាពនេះ សំខាន់ក្នុងការបែងចែកភារកិច្ច និងអងនុវត្តន៍បន្តតាមបទបញ្ជាថ្នាក់ដឹកនាំដែលថ្នាក់លើ បានប្រគល់មកបន្ថែមទៀត ។
លោកបានបន្តទៀតថា ៖ គោលបំណងរបស់មេបញ្ជាការយោធភូមិភាគទី៥ ដែលបានដាក់ផែនការកម្មវិធីទស្សនសិក្សាកន្លងមកនេះ គឺជាកម្មវិធីដើម្បីស្វែងយល់ពីអង្គភាពមួយទៅអង្គភាពមួយទៀត ឲ្យមានការប្រឡងប្រណាំងស្វែងរកការរីកចំរើន ដោយខ្លួនឯង ក្នុងអង្គភាពបន្ថែមទៀត ហើយលោកបានផ្តាំផ្ញើសូមឲ្យមានការគ្រប់គ្រងត្រួតពិនិត្យថែររក្សាអាវុធយុទ្ធភ័ណ្ឌ និងសម្ភារទ័ពផ្សេងៗទៀតឲ្យបានល្អ ដើម្បីចៀសវាងទប់ស្កាត់រាល់ការលួចមានការលក់ដូរអាវុធឆ្លងកាត់ព្រំដែន ហើយរួមគ្នាទប់ស្កាត់រាល់បទល្មើសប្រឆាំងភេរវកម្ម លុបបំបាត់គ្រឿងញៀនតាមព្រំដែន ទប់ស្កាត់បាតុកម្មខុសច្បាប់ ចូលរួមសហការជាមួយមូលដ្ឋានរក្សាឲ្យបានភូមិឃុំមានសុវត្ថិភាព ហើយប្រឹងប្រែងលើការងារអប់រំចិត្តសាស្ត្រ ការងារចិញ្ចឹមទ័ព ធានាជីវភាពទាំងគ្រួសារកងទ័ព ក្នុងអង្គភាពបន្ថែមទៀត ៕
ចែករំលែកព័តមាននេះ