កម្ពុជានឹងធ្វើការចល័តកងទ័ព និងសព្វាវុធទៅព្រំដែនកម្ពុជា-ឡាវ យប់នេះ
រាជធានីភ្នំពេញ ៖ រដ្ឋបាលរាជធានីភ្នំពេញ ប្រកាសសុំកុំឲ្យប្រជាពលរដ្ឋមានការភ្ញាក់ផ្អើល អំពីការចល័តយុទ្ធភណ្ឌ និងកងកងទ័ព ដែលត្រូវចេញដំណើរ ទៅកាន់សមរភូមិមុខ
រាជធានីភ្នំពេញ ៖ រដ្ឋបាលរាជធានីភ្នំពេញ ប្រកាសសុំកុំឲ្យប្រជាពលរដ្ឋមានការភ្ញាក់ផ្អើល អំពីការចល័តយុទ្ធភណ្ឌ និងកងកងទ័ព ដែលត្រូវចេញដំណើរ ទៅកាន់សមរភូមិមុខ ឆ្លងកាត់ភូមិសាស្ត្រ រាជធានីភ្នំពេញ នាយប់ថ្ងៃទី១១ ខែសីហា ឆ្នាំ២០១៧ បន្តិចទៀតនេះ។ លោក ម៉េត មាសភក្តី អ្នកនាំពាក្យរដ្ឋបាលរាជធានីភ្នំពេញ បានឲ្យដឹងថា កម្ពុជានឹងធ្វើការចល័តទ័ព ក៏ដូចជាយុទ្ធភណ្ឌកងទ័ព មានដូចជារថយន្តដឹកទ័ព និងរថគ្រោះនឹងត្រូវចេញពីមូលដ្ឋានតាខ្មៅ ឆ្លងកាត់ភូមិសាស្ត្ររាជធានីភ្នំពេញ តាមផ្លូវជាតិលេខ២ ចូលទៅផ្លូវនរោត្តម ឆ្ពោះទៅកាន់ស្ពានជ្រោយចង្វារ សំដៅទៅកាន់ព្រំដែន កម្ពុជា-ឡាវ តាមផ្លូវជាតិលេខ៦ ដោយលោកអភិបាលរាជធានីភ្នំពេញ អំពាវនាវ កុំឲ្យប្រជាពលរដ្ឋមានការភ្ញាក់ផ្អើល។
លោក បន្តថា រដ្ឋបាលរាជធានីភ្នំពេញសូមជម្រាបជូនដំណឹងដល់បងប្អូនប្រជាពលរដ្ឋទាំងអស់មេត្តាជ្រាបថា នៅពេលវេលាបន្តិចទៀតនេះ នឹងមានការចល័តកងទ័ព និងយុទ្ធភណ្ឌមួយចំនួន ចេញពីមូលដ្ឋាននៅក្រុងតាខ្មៅឆ្ពោះទៅភូមិភាគឥសាននៃប្រទេស ដោយត្រូវឆ្លងកាត់តម្រាយផ្លូវមួយចំនួនភូមិសាស្ត្ររាជធានីភ្នំពេញ រួមមានផ្លូវជាតិលេខ២ មហាវិថីព្រះនរោត្តម ស្ពានជ្រោយចង្វារ និងផ្លូវជាតិលេខ៦។ អាស្រ័យហេតុនេះ សូមបងប្អូនប្រជាពលរដ្ឋទាំងអស់មេត្តាជ្រាប និងសូមកុំមានការភ្ញាក់ផ្អើលចំពោះការចល័តកងទ័ពសំដៅទៅការពារទឹកដីនៅសមរភូមិមុខ៕
ចែករំលែកព័តមាននេះ