ឆ្នាំ២០២២ ភ្ញៀវទេសចរបរទេស ដែលបានចូលមកទស្សនាកម្ពុជា កើនទ្បើងជាង ១០០០%
- ភ្នំពេញ
រាជធានីភ្នំពេញ៖ ស្ថិតិក្រសួងទេសចរណ៍ បានឲ្យដឹងថា ឆ្នាំ២០២២ កន្លងទៅនេះ ភ្ញៀវទេសចរបរទេស ដែលបានចូលមកទស្សនាកម្ពុជា បានកើនទ្បើងរហូតដល់ ១០៥៨,៦% បើប្រៀបធៀបឆ្នាំ២០២១។…
រាជធានីភ្នំពេញ៖ ស្ថិតិក្រសួងទេសចរណ៍ បានឲ្យដឹងថា ឆ្នាំ២០២២ កន្លងទៅនេះ ភ្ញៀវទេសចរបរទេស ដែលបានចូលមកទស្សនាកម្ពុជា បានកើនទ្បើងរហូតដល់ ១០៥៨,៦% បើប្រៀបធៀបឆ្នាំ២០២១។…
រាជធានីភ្នំពេញ៖ ស្ថិតិក្រសួងទេសចរណ៍ បានឲ្យដឹងថា ឆ្នាំ២០២២ កន្លងទៅនេះ ភ្ញៀវទេសចរបរទេស ដែលបានចូលមកទស្សនាកម្ពុជា បានកើនទ្បើងរហូតដល់ ១០៥៨,៦% បើប្រៀបធៀបឆ្នាំ២០២១។
តាមរបាយការណ៍ ភ្ញៀវទេសចរបរទេស មកកម្ពុជា សរុប ២.២៧៦.៦២៦នាក់ សម្រាប់ពេញមួយឆ្នាំ២០២២។
គួរបញ្ជាក់ថា ប្រទេសថៃ ជាប់ចំណាត់ថ្នាក់លេខ១ ដែលមានភ្ញៀវទេសចរ មកកម្សាន្ត នៅកម្ពុជាច្រើនជាងគេ រហូតដល់ ៨៥៣.៣៧៦នាក់ ស្មើនឹង ៣៧,៥% នៃចំនួនសរុប និងកើនទ្បើងប្រមាណ ៩៤២,៧%។ ភ្ញៀវវៀតណាម ជាប់ចំណាត់ថ្នាក់លេខ២ មានចំនួន ៤៦៣.៩៩៥នាក់ ស្មើនឹង ២០.៤% នៃចំនួនសរុប កើនទ្បើងប្រមាណ ១៩៩៧,៦% ខណៈដែលភ្ញៀវចិន ជាប់ចំណាត់ថ្នាក់លេខ៣ មានចំនួន ១០៦.៨៧៥នាក់ ស្មើនឹង ៤,៧% នៃចំនួនសរុប កើនទ្បើង ១៣៣,៥%។ ក្រៅពីនោះ ភ្ញៀវមកពីអាមេរិក, ទ្បាវ, ឥណ្ឌូនេស៊ី, កូរ៉េខាងត្បូង , បារាំង , ម៉ាទ្បេស៊ី និងអង់គ្លេស។
ចំណែកភ្ញៀវទេសចរផ្ទៃក្នុង សំខាន់ទេសចរជាតិ ដែលបានធ្វើដំណើរកម្សាន្តទូទាំងប្រទេសសរុបប្រមាណ ១៣.៩៣៤.១៥០នាក់ កើនទ្បើងប្រមាណ ១៩៨,៨% ប្រៀបធៀបឆ្នាំ២០២១ កន្លងទៅ ខណៈដែលភ្ញៀវទេសចរបរទេស ដែលបានធ្វើដំណើរកម្សាន្តទូទាំងប្រទេស សរុបប្រមាណ ១.៨៧៧.១៨៧នាក់ កើនទ្បើង ៥៧២,២% ធៀបនឹងឆ្នាំ២០២១។
ដោយទ្បែក ក្នុងឆ្នាំ២០២២ ភ្ញៀវទេសចរកម្ពុជា ចេញទៅក្រៅប្រទេសមានចំនួន ៩៧០.២៩២នាក់ កើនទ្បើងប្រមាណ ៣០៧៩,៥% ធៀបនឹងឆ្នាំ២០២១។
គួរកត់សម្គាល់ថា ក្នុងចំណោមភ្ញៀវទេសចរអន្តរជាតិ ដែលចូលមកកម្ពុជានោះ គឺភ្ញៀវដែលចូលតាមផ្លូវអាកាស មានចំនួន ៧៩១.៦០៣នាក់ ចូលតាមច្រកផ្លូវគោក ចំនួន ១.៤៦៧.១៥៧នាក់ ចូលតាមផ្លូវទឹកចំនួន ១៧.៨៦៦នាក់។ ទន្ទឹមនោះ ឆ្នាំ២០២២ កន្លងទៅនេះ ករណីជើងហោះហើរអន្តរជាតិ ចូលមកកម្ពុជា សរុបមានចំនួន ១០.៩៣៨ជើង ខណៈឆ្នាំ២០២១ មានតែ២.១៣៩ ជើងប៉ុណ្ណោះ៕ សុខ សារ៉ាយ
ចែករំលែកព័តមាននេះ