ឆៃលី ដាឡែន ខ្វល់ខ្វាយបន់ស្រន់ដល់វត្តវិហារសួគ៌
រាជធានីភ្នំពេញ ៖ នាងឆៃលី ដាឡែនមានរឿងខ្វល់ខ្វាយមួយរហូតទៅបន់ស្រន់នៅវត្តវិហារសួរ ជាវត្តដែលល្បីថាមានភាពសក្តិសិទ្ធិ ។ តើនាងខ្វល់ខ្វាយរឿងអ្វី ?
រាជធានីភ្នំពេញ ៖ នាងឆៃលី ដាឡែនមានរឿងខ្វល់ខ្វាយមួយរហូតទៅបន់ស្រន់នៅវត្តវិហារសួរ ជាវត្តដែលល្បីថាមានភាពសក្តិសិទ្ធិ ។ តើនាងខ្វល់ខ្វាយរឿងអ្វី ?
រាជធានីភ្នំពេញ ៖ នាងឆៃលី ដាឡែនមានរឿងខ្វល់ខ្វាយមួយរហូតទៅបន់ស្រន់នៅវត្តវិហារសួរ ជាវត្តដែលល្បីថាមានភាពសក្តិសិទ្ធិ ។ តើនាងខ្វល់ខ្វាយរឿងអ្វី ?
ឆៃលី ដាឡែន នៅមិនទាន់មានកូនជា មួយស្វាមីវ័យទេ ។ សភាពខាងក្រៅដាឡែនហាក់សប្បាយរីករាយ តែក្នុងចិត្តខ្វល់ពន់ពេករឿងមិនទាន់មានកូនដូចបំណង ។ រយៈពេលបីបួនឆ្នាំមកហើយដែលតារាចម្រៀងឆៃលី ដាឡែនបានរៀបការ ប៉ុន្តែមិនទាន់មានកូនទេ គ្រាដែលមិត្តភក្តិមួយចំនួនមានកូនសមតាមបំណងហើយ ។
ឆៃលី ដាឡែននិយាយថា«រឿងកូនចៅនោះនាងខ្ញុំពិតជាចង់បាននោះគឺចង់បានពេកហើយ។ អ្នកណាមិនស្រឡាញ់ក្មេងបើយើងមានប្តីមានប្រពន្ធត្រឹមត្រូវ គឺចាំបាច់មានកូនជាសំខាន់ ។ ប្រាប់តាមត្រង់ទៅចុះនាងខ្ញុំបានទៅបន់ស្រន់ដល់វត្តវិហារសួគ៌សុំកូនពីព្រះនាងផ្ទៃទេព និងបន់ដល់វត្ថុសក្តិសិទ្ធិនានាក្នុងទឹកដីយើងច្រើនណាស់ តែក្មេងនៅតែមិនមកសោះ ឆ្ងល់នោះឆ្ងល់ ។ លើសពីនេះនាងខ្ញុំថែមទាំងទៅពិភាក្សារឿងចង់បានកូននេះជាមួយពេទ្យឯកទេស ល្បីៗក្នុងស្រុកយើងទៀតផង រឿងអីដែលនាងខ្ញុំមិនគិតនោះ។ យ៉ាងណាមិញនាងខ្ញុំ និងស្វាមីនៅតែរំពឹងថាពួកយើងនឹងសម្រេចបំណងផែនការមួយនេះឲ្យបានដូចការរំពឹងទុក គ្រាដែលនាងខ្ញុំ និងស្វាមីនៅអាយុក្មេង មិនទាន់ហួសពេលនៅឡើយ ។
ណាមួយយើងក៏ខំប្រឹងតស៊ូទាំងអស់គ្នាជាបន្តទៀត ខំរកស៊ីបានលុយកាក់ឲ្យហើយ បើបានកូនយើងងាយស្រួលរៀបផែនការឲ្យក្មេង។ ទាន់មិនទាន់មានឆ្លៀតបានឆ្លៀតរកលុយទុកឲ្យហើយ »។
ឆៃលី ដាឡែន អតីតក្រុមចម្រៀងរៃមាស តោមាសលេចធ្លោជាតារាចម្រៀងក្រមិចក្រមើមចូលចិត្តលេងសើចបែបកំប្លែង ។ លើសពីនេះដាឡែន ជាតារាសម្តែង ពិសេសនិយមសម្តែងជាតួកាចឆ្នាស ។ កាលពីពេល ថ្មីៗកន្លងមកនាងបានថតភាពយន្តមួយចំនួន ដូចជារឿង «សសរកន្លោង»របស់ផលិតកម្មឥន្ទ្រានិម្មិតជាតួខ្មោច និងរឿង«នេះឬជីវិត»របស់ទូរទស្សន៍ប៉ុស្តិ៍លេខ៥ ។
ឆៃលី ដាឡែន ធ្លាប់អាប់រស្មីក្នុងជីវិតសិល្បៈដោយសារតែការបញ្ចេញភាពសិចស៊ីហួសហេតុ ហើយរងការរិះគន់ខ្លាំងពីមហាជន ។ ដោយកែប្រែអ្វីដែលមហាជនមិនអាចទទួលយកបាននោះឆៃលី ដាឡែន ក៏មានឱកាសលើវិថីសិល្បៈឡើងវិញ ៕
ចែករំលែកព័តមាននេះ