ADផ្ទាំងផ្សព្វផ្សាយពាណិជ្ជកម្ម

Picture

តារាចម្រៀង ថុ​ល សុ​ភិ​ទិ បន់ព្រះ ក្រោយ​គូស្នេហ៍​គិតខ្លី ព្រោះ​មូលហេតុ​មួយ

1 ឆ្នាំ មុន

រាជធានី​ភ្នំពេញ ៖ មហាជន​អ្នកគាំទ្រ ក៏​ដូច​ជា​អ្នក​ប្រើប្រាស់​បណ្ដាញ​សង្គម បាន​សម្ដែង​ការ​ភ្ញាក់ផ្អើល​យ៉ាង​ខ្លាំង ក្រោយ​ឃើញ​តារាចម្រៀង​ប្រុស​ដ៏​ល្បីឈ្មោះ​លោក ថុ​ល សុ​ភិ​ទិ លើកដៃ​បន់ព្រះ​ឲ្យ​ជួយ​ថែរក្សា​គូស្នេហ៍​បណ្ដូលចិត្ត​របស់​លោក គឺ​អ្នកលក់​អន​ឡាញ​រូប​ស្រស់…

រាជធានី​ភ្នំពេញ ៖ មហាជន​អ្នកគាំទ្រ ក៏​ដូច​ជា​អ្នក​ប្រើប្រាស់​បណ្ដាញ​សង្គម បាន​សម្ដែង​ការ​ភ្ញាក់ផ្អើល​យ៉ាង​ខ្លាំង ក្រោយ​ឃើញ​តារាចម្រៀង​ប្រុស​ដ៏​ល្បីឈ្មោះ​លោក ថុ​ល សុ​ភិ​ទិ លើកដៃ​បន់ព្រះ​ឲ្យ​ជួយ​ថែរក្សា​គូស្នេហ៍​បណ្ដូលចិត្ត​របស់​លោក គឺ​អ្នកលក់​អន​ឡាញ​រូប​ស្រស់ មេម៉ាយ​កូន​មួយ អ្នក​នាង ឡុ​ង ម៉ា​នី​ន បាន​សម្រេចចិត្ត​លេបថ្នាំ​បញ្ចប់ជីវិត ព្រោះ​បញ្ហា​គ្រួសារ ខណៈ​បច្ចុប្បន្ន​កំពុង​សម្រាក​ព្យាបាល នៅ​ក្នុង​មន្ទី​ពេទ្យ ហើយ​ស្ថិត​ក្នុង​ស្ថានភាព​ធ្ងន់ធ្ងរ​ផង​ដែរ ។

បើ​យោង​តាម​ការ​បង្ហោះ​របស់​តារាចម្រៀង​ប្រុស​លោក ថុ​ល សុ​ភិ​ទិ នៅ​ថ្ងៃ​ទី​១៣ ខែមករា ឆ្នាំ​២០២៣​នេះ លោក​បាន​ពោល​ទាំង​កំសត់​ទៅ​កាន់​អ្នក​នាង ឡុ​ង ម៉ា​នី​ន ដែល​ជា​គូស្នេហ៍​ថា “​អូន​រឹង​មាំ​មករ​ហូត​ហើយ ឆាប់​ជា​ណា ព្រះ​នឹង​តាម​ថែរក្សា​មនុស្ស​ល្អ​ដូច​អូន​” ។

យ៉ាងណាមិញ ក្រឡេក​មក​ចាប់អារម្មណ៍ គណនី​ហ្វេ​ស​ប៊ុ​ក​ផេ​ក​ផ្លូវការ​របស់​អ្នកលក់​អន​ឡាញ​រូប​ស្រស់ ឡុ​ង ម៉ា​នី​ន (Long Manin) ឯណេះ​វិញ ក៏​បាន​បង្ហោះ​រូបភាព អ្នក​នាង​ក្នុង​ស្ថានភាព​ធ្ងន់ធ្ងរ កំពុង​សម្រាក​ព្យាបាល នៅ​លើ​គ្រែពេទ្យ នា​ព្រឹក​ថ្ងៃ​ទី​១៣ ខែមករា ឆ្នាំ​២០២៣ ។ ក្នុង​ការ​បង្ហោះ​រូបភាព​នោះ ក៏​បាន​ភ្ជាប់​មក​ជាមួយ​សំ​ណេ​រយ៉ា​ង​វែង​អន្លាយ បញ្ជាក់​យ៉ាង​ច្បាស់​ៗ​ថា អ្នក​ដែល​កំពុង​ប្រើប្រាស់​បណ្ដាញ​សង្គម​នោះ គឺជា​ប្អូនស្រី​របស់​អ្នក​នាង ឡុ​ង ម៉ា​នី​ន ដែល​មានឈ្មោះ​ថា ម៉ា​និ​ច ។

ប្អូនស្រី​របស់​អ្នក​នាង ឡុ​ង ម៉ា​នី​ន ក៏​បាន​ឲ្យ​ដឹង​ថា “​អ្នក​នាង ឡុ​ង ម៉ា​នី​ន មិន​បាន​តប​ឆាត​នរណា​ម្នាក់​ឡើយ ព្រោះ​អ្នក​នាង​បាន​ចូល​សម្រាក​ព្យាបាល នៅ​មន្ទីរពេទ្យ​អស់​រយៈពេល​២​ថ្ងៃ​មក​ហើយ ។ ប្អូន​ពិតជា​អាណិត​បងស្រី​របស់​ខ្លួន​ណាស់ ទោះជា​មាន​បញ្ហា​អ្វី​ក៏​កញ្ញា ឡុ​ង ម៉ា​នី​ន មិន​ដែល​ត្អូញត្អែរ​អ្វី​ឡើយ​” ។

មិនតែប៉ុណ្ណោះ កញ្ញា​និ​ច ដែល​ជា​ប្អូនស្រី បាន​លើក​ឡើង​ថា អ្នក​នាង ឡុ​ង ម៉ា​នី​ន ជា​ស្រី​ទេ តែ​ចំពោះ​ការងារ​វិញ គឺ​១០០​ជំពូក មិន​ថា​ការងារ​អ្វី​ក៏​ធ្វើ ដោយ​មិន​ដែល​ឲ្យ​គ្រួសារ និង​អ្នក​ជុំវិញ​ខ្លួន​ពិបាក​នោះ​ទេ​។ ការងារ​រកស៊ី​ច្រើន ហើយ​អ្នក​នាង ឡុ​ង ម៉ា​នី​ន នៅ​ឆ្លៀត​ទៅ​ឡាយ​លក់​ដល់​យប់​ជ្រៅ​ទាំង​ខ្លួន​ឈឺ ហើយ​លោកប៉ា ក៏​ឈឺ​ធ្ងន់ ចំណែក​ប្អូន​ពៅ គិតតែ​ដើរ​លេង​បាត់​ពី​ផ្ទះ និង​នៅ​មាន​បញ្ហា​តូច​ៗ​មួយ​ចំនួន​ទៀត រហូត​ធ្វើ​ឲ្យ​អ្នក​នាង ឡុ​ង ម៉ា​នី​ន គិត​ច្រើន​ក្លាយទៅជា​ជំងឺស្ត្រេស គិត​អ្វី ធ្វើ​អ្វី​ក៏​មិន​ចេញ រហូត​ដល់​កម្រិត​មួយ​ទប់​លែង​ជាប់ អ្នក​នាង ឡុ​ង ម៉ា​នី​ន ក៏​ស​សម្រេច​ជ្រើសរើស​យក​ផ្លូវ​ន​បញ្ចប់ជីវិត ដោយ​ការ​លេបថ្នាំ ដើម្បី​បញ្ចប់ជីវិត​ខ្លួន​តែ​ម្ដង​។

កញ្ញា​និ​ច ដែល​ជា​ប្អូនស្រី បាន​បន្ថែម​ទៀត​ថា ក្នុង​គ្រា​ដែល​អ្នក​នាង ឡុ​ង ម៉ា​នី​ន លេបថ្នាំ​បញ្ចប់ជីវិត​នោះ ក៏​ត្រូវ​បាន​បញ្ជូន​ទៅ​កាន់​មន្ទីរពេទ្យ​ទាន់​ពេលវេលា តែ​ឥឡូវនេះ នៅ​មិន​ទាន់​ដឹងខ្លួន​នៅឡើយ​ទេ ខណៈ​ជីពចរ ម្តង​ឡើង​ម្តង​ចុះ ព្រោះ​ខ្សោយ​ខ្លាំង ហើយ​ពេទ្យ​បាន​ប្រាប់​ថា អាច​ប្រឈម​នឹង​គាំងបេះដូង ដូច្នេះ​ត្រូវ​នៅ​ពេទ្យ​តាមដាន​បន្ត​ទៀត ។

ក្រោយ​ឃើញ​អ្នក​នាង ស្ថិត​ក្នុង​ស្ថានភាព​ធ្ងន់ធ្ងរ​ដូច្នេះ មហាជន​អ្នក​និយម​ប្រើប្រាស់​បណ្ដាញ​សង្គម ដែល​តែងតែ​គាំទ្រ​អ្នក​នាង យ៉ាងច្រើន​បាន​នាំ​គ្នា​ចូល​ទៅ​ខ​មិន ជូនពរ​ឲ្យ​អ្នក​នាង​ឆាប់​ជា សះស្បើយ​ឡើង​វិញ និង​តស៊ូ​យកឈ្នះ​ឧបសគ្គ ដែល​កើតឡើង ដោយ​កុំ​ចុះចាញ់​ឲ្យ​សោះ ។

ក្នុង​នោះ​អ្នក​ប្រើស​ប្រាស់​បណ្ដាញ​សង្គម​ផ្សេង​ទៀត សុំ​ចិត្ត កុំ​ឲ្យ​អ្នក​នាង​គិត​ខ្លី ដូច្នេះ​ទៀត​អី ព្រោះ ទី​១ ត្រូវ​គិតដល់​កូន និង​ទី​២​គិតដល់​ក្រុម​គ្រួសារ​សាច់ញាតិ​បងប្អូន ក៏​ដូច​ជា​លោក ថុ​ល ស​ភិ​ទិ ដែល​ជា​គូស្នេហ៍​ផង​ដែរ ។

អ្នក​ប្រើប្រាស់​បណ្ដាញ​ស​ង្គ​មួយ​ចំនួន​ទៀត ក៏​បាន​លើក​ឡើង​ថា លោក ថុ​ល សុ​ភិ​ទិ គួរតែ​ចំណាយ​ពេលវេលា​ឲ្យ​បាន​ច្រើន ដើម្បី​នៅ​ជាមួយ​អ្នក​នាង លើកទឹកចិត្ត ក៏​ដូច​ជា​ជួយ​ដោះស្រាយ​រាល់​បញ្ហា ដែល​កើត​មាន​ឡើង​ចំពោះ​អ្នក​នាង​ផង​ដែរ ។

សូម​រំលឹក​ផង​ដែរ​ថា លោក ថុ​ល សុ​ភិ​ទិ និង​អ្នក​នាង ឡុ​ង ម៉ា​នី​ន ធ្លាប់​ចែកផ្លូវ​គ្នា​ក្នុង​នាម​ជា​គូរ​ស្នេហ៍​ម្ដង​រួច​មក​ហើយ ដោយសារ​អ្នក​ទាំង​ពីរ មាន​បញ្ហា​មិន​ចុះសម្រុង​គ្នា​មួយ​ចំនួន ។ យ៉ាងណា​ក៏​ដោយ ព្រំ​លិខិត​ក៏​បាន​ឲ្យ​អ្នក​ទាំង​ពីរ វិល​មក​ជួប​គ្នា​ម្ដងទៀត​។ អ្វី​ដែល​កាន់តែ​ពិសេស​នោះ ក្រោយ​វិល​ត្រឡប់​រកគ្នា​វិញ អ្នក​ទាំង​ពីរ កាន់តែ​ស្រលាញ់​គ្នា​ខ្លាំង​ឡើង​ទ្វេរ​ដង និង​តែងតែ​បើក​បង្ហាញ​រូបភាព​ដំណើរ​កំសាន្ត​យ៉ាង​ស្អិតរ​មួ​ត​ជាមួយ​គ្នា ស្ទើរ​មិន​ដែល​លួស​មួ​យស​ប្ដា​ហ៍ណា​ឡើយ ៕

អត្ថបទសរសេរ ដោយ

កែសម្រួលដោយ