ខេត្តស្វាយរៀង ៖ បន្ទាប់ពីបានទទួលព័ត៌មានទាក់ទងនឹងការភ្នាល់ស៊ីសងល្បែ.ងអនឡាញក្នុងភូមិសាស្ត្រស្រុកស្វាយជ្រំ កាលពីថ្ងៃទី៩ ខែមករា ឆ្នាំ២០២៣ លោក តូច ប៉ូលីវ៉ា អភិបាលរងខេត្ត…
ខេត្តស្វាយរៀង ៖ បន្ទាប់ពីបានទទួលព័ត៌មានទាក់ទងនឹងការភ្នាល់ស៊ីសងល្បែ.ងអនឡាញក្នុងភូមិសាស្ត្រស្រុកស្វាយជ្រំ កាលពីថ្ងៃទី៩ ខែមករា ឆ្នាំ២០២៣ លោក តូច ប៉ូលីវ៉ា អភិបាលរងខេត្ត និងអនុប្រធានក្រុមការងារបានចុះធ្វើការបង្ក្រាបល្បែ.ងស៊ីសងខុសច្បាប់គ្រប់ប្រភេទ ។
ជាក់ស្តែង ស្ថិតនៅទីតាំងមួយកន្លែងដែលជួលសម្រាប់ដាក់ម៉ាស៊ីនកុំព្យូទ័រ បែរលួចលេងភ្នាល់ស៊ីសងល្បែ.ងជល់មាន់តាមអនឡាញខុសច្បាប់ដោយគ្មានការអនុញ្ញាតត្រឹមត្រូវ និងគ្មានអាជ្ញាប័ណ្ណ ស្ថិតនៅក្នុងភូមិសង្កែ ឃុំឈើទាល ស្រុកស្វាយជ្រំ ខេត្តស្វាយរៀង។
បន្ទាប់ពីបានពីចុះធ្វើរដ្ឋបាលរួចមក បានដកហូតវត្ថុតាងមួយចំនួន រួមមាន កុំព្យូទ័រ Laptop ១គ្រឿង ដុំTP-Link ១ និងប័ណ្ណសម្រាប់ចាក់ភ្នាល់មួយចំនួន។ ក្រោយបានសាកសួរព័ត៌មាន និងប្រមូលបានវត្ថុតាងរួចមក ក្រុមការងារនិងកសាងសំណុំរឿងបញ្ជូនទៅព្រះរាជអាជ្ញា នៃអយ្យការអមសាលាដំបូងខេត្ត ដើម្បីអនុវត្តតាមនីតិវីធីបន្ត ។
ចែករំលែកព័តមាននេះ