ត្រឹម១ថ្ងៃ ខេត្តព្រះសីហនុ មានភ្ញៀវទេសចរមកលេងកម្សាន្តជាង៣៣ម៉ឺននាក់
- ព្រះសីហនុ
ភ្ញៀវដែលមកកម្សាន្ដនៅខេត្តព្រះសីហនុ ក្នុងពិធីបុណ្យឆ្លងឆ្នាំសកលថ្ងៃទី៣១ ខែធ្នូ ឆ្នាំ២០២២ ឈានចូលឆ្នាំ២០២៣ មានភ្ញៀវសរុបចំនួន៣៣៨,៥៥២នាក់
ខេត្តព្រះសីហនុ ៖ ភ្ញៀវដែលមកកម្សាន្ដនៅខេត្តព្រះសីហនុ ក្នុងពិធីបុណ្យឆ្លងឆ្នាំសកលថ្ងៃទី៣១ ខែធ្នូ ឆ្នាំ២០២២ ឈានចូលឆ្នាំ២០២៣ មានភ្ញៀវសរុបចំនួន៣៣៨,៥៥២នាក់ (ប្រមាណ៣០% ជាភ្ញៀវផៃ្ទក្នុងខេត្ត)។ ក្នុងនោះភ្ញៀវជាតិចំនួន៣៣៥,៦៣០នាក់, ភ្ញៀវបរទេសចំនួន ២,៩២២នាក់។
ចំណែកភ្ញៀវចូលតាមព្រលានយន្តហោះអន្តរជាតិក្រុងព្រះសីហនុ មានចំនួន០២ជើង ស្មើនឹង១១៤នាក់ (ភ្ញៀវជាតិ០៤នាក់ និងអន្តរជាតិ១១០នាក់)។ភ្ញៀវទេសចរទៅកម្សាន្តតាមកោះនានាក្នុងខេត្តព្រះសីហនុ មានភ្ញៀវសរុបចំនួន៦៥៣នាក់ (ភ្ញៀវជាតិចំនួន៣៦៦នាក់ និងភ្ញៀវបរទេសចំនួន២៨៧នាក់។ រីឯភ្ញៀវទៅកម្សាន្តតាមបណ្តាឆ្នេរ និងរមណីយដ្ឋាននានា មានភ្ញៀវសរុបចំនួន៣៣៧,៧៨៥នាក់ (ភ្ញៀវជាតិចំនួន៣៣៥,២៦០នាក់ និងភ្ញៀវបរទេសចំនួន២,៥២៥នាក់)។
ចំពោះបញ្ហាសន្តិសុខសណ្ដាប់ធ្នាប់បានល្អប្រសើរ ដោយមានការយកចិត្តទុកដាក់ពីឯកឧត្តមគួច ចំរើន អភិបាលខេត្ត និងជាប្រធានគណៈបញ្ជាការឯកភាពខេត្ត ដើម្បីធ្វើយ៉ាងណាឲ្យការសប្បាយរបស់បងប្អូនប្រជាពលរដ្ឋប្រព្រឹត្តទៅដោយភាពសប្បាយរីករាយ។ ហើយចំពោះអនាម័យបរិស្ថានវិញ ទោះបីជាបងប្អូនប្រជាពលរដ្ឋមួយចំនួនធំបានចូលរួមអនុវត្ត ក៏ប៉ុន្តែនៅភ្ញៀវមួយចំនួនតូចទៀតមិនទាន់អនុវត្តនោះទេ ដូចនេះដើម្បីឲ្យសោភ័ណភាពបរិស្ថានតំបន់ឆ្នេរ ក៏ដូចជាក្នុងក្រុងមានសោភ័ណភាព សូមបងប្អូនប្រជាពលរដ្ឋចូលរួមថែរក្សាទាំងអស់គ្នា៕
ចែករំលែកព័តមាននេះ