កាលពីពេលថ្មីៗកន្លងទៅនេះ ធឿន ធារ៉ា ស្ថិតក្នុងបញ្ជីកីឡាករ នៃកម្មវិធីប្រដាល់ថៃហ្វៃ ដែលមានរហស្សនាម «អ្នកលេងពូថៅដៃ» បានធ្វើអោយប្រជាជនខ្មែរមានមោទនភាពខ្លាំងណាស់ រហូតធ្វើអោយ
រាជធានីភ្នំពេញ ៖ កាលពីពេលថ្មីៗកន្លងទៅនេះ ធឿន ធារ៉ា ស្ថិតក្នុងបញ្ជីកីឡាករ នៃកម្មវិធីប្រដាល់ថៃហ្វៃ ដែលមានរហស្សនាម «អ្នកលេងពូថៅដៃ» បានធ្វើអោយប្រជាជនខ្មែរមានមោទនភាពខ្លាំងណាស់ រហូតធ្វើអោយ ធឿន ធារ៉ា ទប់ចិត្តមិនជាប់ក៏បានស្រក់ទឹកភ្នែកអួលដើម.កនិយាយមិនចេញ ក្រោយខ្លួនបានចាប់ផ្ដួលស្ដេចប្រដាល់ថៃ សៃ យ៉ុគ នៅក្នុងទឹកទី១ បាន។
មិនតែប៉ុណ្ណោះ យើងអាចនិយាយបានថា ធឿន ធារ៉ា គឺជាកីឡាករប្រដាល់ដំបូងគេទី១ហើយ ដែលបានបំបែកកំណត់ត្រាឈ្នះខ្សែក្រវ៉ាត់ និងសាងនូវកេរ្តិ៍ឈ្មោះល្បីល្បាញមិនធម្មតាលើសង្វៀនល្បីរបស់ប្រទេសថៃ ដោយលោកបាននាំយកនូវខ្សែក្រវ៉ាត់ និងពានវិលត្រឡប់មកប្រទេសកម្ពុជាវិញយ៉ាងជោគជ័យ។
ក្រោយបានឃើញកីឡាករ ធឿន ធារ៉ា យកឈ្នះស្ដេចប្រដាល់ថៃភ្លាម គេងមិនលក់បក់មិនល្ហើយ ទប់ចិត្តលែងជាប់ ស្រាប់តែតារាចម្រៀងប្រុសប្រចាំផលិតកម្ម Galaxy សំឡេងស្អក ដ៏ល្បីឈ្មោះបោះសំឡេងនោះ គឺលោក ខេម បានចេញមុខមកបង្ហោះរូប២សន្លឹក រួចឆ្លៀតភ្ជាប់ជាមួយសារនិយាយរៀបរាប់បែបនេះថា «ខ្ញុំសង្ឃឹមថា ការគាំទ្រកីឡាករខ្មែរគ្រប់រូបនៅពេលនេះ នឹងធ្វើអោយវិស័យកីឡាប្រដាល់បានប្រសើរឡើងមួយកំរិតទៀត ហើយក៏មិនមែន ធឿន ធារ៉ា តែម្នាក់ទេ នៅមានច្រើនទៀត ហើយសង្ឃឹមយ៉ាងមុតមាំថា នេះគឺជាការគាំទ្រយ៉ាងពិតប្រាកដ មិនមែនជាការគាំទ្របែបភ្លើងចំបើងទៅចុះ»។
ហើយភ្លាមៗនោះក៏មានអ្នកចូលទៅខមិនបញ្ចេញមតិព្រាតយ៉ាងដូច្នេះថា «ពូខេម ចេញមកម្ដងៗខ្លឹមដល់ហើយ ខ្ញុំយល់ន័យពូខេមចង់និយាយ ដូចរឿងពាក្យ Idol ចឹង ដែលពូខេម លើកមកនិយាយពីមុនចឹង ពាក្យនេះមានន័យណាស់ តែមនុស្សយើងភាគច្រើនយកពាក្យនេះជាពាក្យលេងសើច ទាំងមិនយល់ន័យ» «ធារ៉ា ល្បីប៉ុណ្ណឹងហើយ ចុះទំរាំបងខេម វ៉ៃវិញ ដឹងល្បីយ៉ាងណា» «គាំទ្រយូរហើយបង មិនមែនទើបតែ ធារ៉ា ឈ្នះពានស្ដេចនេះទេ មើលតាំងពីជំនាន់លោកគ្រូ អេ ភូថង មកម្ល៉េះ» «បើសិនជារហូតគឺល្អណាស់ តែភាគច្រើនបានតែមួយឆាវនឹងឯងបងអើយ នាំគ្នាទៅយកមុខ ពីមុនគ្មានអ្នកណាស្គាល់ ធារ៉ា ទេ ថ្ងៃវ៉ៃមួយ សៃយុគ ក៏មានមនុស្សមើលងា.យថា គ្មានគីឡូជាមួយគេទេ វ៉ៃមិនកើត លូវតាំងខ្លួនជាអ្នកស្រលាញ់វិស័យកីឡា» «នេះ ខ្ញុំចង់និយាយឣញ្ចឹង សូមអោយបងប្ឣូនជួយគាំទ្រវិស័យកីឡាកម្ពុជាមិនថាប្រដាល់ ឬកីឡាផ្សេងៗទេ។ តែជាពិសេសកីឡាប្រដាល់នឹងម៉ង មើលទៅហត់ ហើយគ្រោះថ្នាក់ ប្រឹងណាស់ តែលទ្ធផលបានតិចពេក ជូនពរបងឣ្នកប្រដាល់គ្រប់គ្នាបានជោគជ័យបានលុយបានពាន វាល់លានៗ» «ក្ដីសង្ឃឹមថ្ងៃមុខចង់ឃើញអាយដលខេមឡើងប្រដាល់ ខ្ញុំនឹងគាំទ្រយ៉ាងពិតប្រាកដ» «គាំទ្របងខេម កុំចាំតែល្បីហើយបានហៃអើៗ ជួយគាំទ្រទៅអ្នកមិនទាន់ល្បីក៏ដោយ ដើម្បីអោយពួកគាត់មានកម្លាំងចិត្តដែរ»។
អ្នកខ្លះទៀតបានលើកឡើងថា «ខ្ញុំចង់ឲ្យតារាចម្រៀង ឈប់ច្រៀងមកហាត់ប្រដាល់ទាំងអស់គ្នា ដើម្បីឲ្យវិស័យមួយនេះរីកដូចនំបុ័ងត្រូវទឹក» «រួចតារាចម្រៀងប្រុសខេម ក៏បានចូលទៅខមិនឆ្លើយតបវិញចំៗថា «យី លើកលែងបងមួយទៅ»។
យ៉ាងណាមិញ នេះយើងអាចនិយាយបានថា វាគឺជាប្រវត្តិសាស្ត្រគុនខ្មែររបស់យើងហើយដែលកីឡាករប្រដាល់ខ្មែរយើងដែលមានឈ្មោះថា ធឿន ធារ៉ា បានយកឈ្នះស្ដេចប្រដាល់ថៃនោះ។ មិនត្រឹមតែប៉ុណ្ណោះនោះទេ លោកពិតជាបានធ្វើអោយប្រជាជនខ្មែរយើងទាំងមូលហាក់មានមោទនភាពខ្លាំងណាស់ស្ទើរតែមិនចង់ជឿនោះឡើយ រហូតលោកបានត្រឡប់មកវិញ ថែមទាំងនាំយកបាននូវខ្សែក្រវ៉ាត់ Thai Fight និងពានរង្វាន់ស្តេចថៃមកកាន់ទឹកដីមាតុប្រទេសយ៉ាងជោគជ័យ ដោយបានចាប់បំបាក់ផ្តួលគូរប្រកួតជើងខ្លាំងថៃ ដែលជាចាស់វស្សាមួយរូប ដែលមានឈ្មោះថា «សៃ យ៉ុគ» ដោយផ្លែកែងយ៉ាងមុតស្រួចរបស់ ធឿន ធារ៉ា ចំទៅលើកីឡាករថៃបែកធំពេក ក៏បានបញ្ឈប់នូវត្រឹមទឹកទី១តែម្ដងទៅ៕
ចែករំលែកព័តមាននេះ