តារាសម្ដែងប្រុសជួរមុខថៃដ៏ល្បីឈ្មោះមានប្រជាប្រិយភាពអស្ចារ្យនៅក្នុងការសម្ដែងខ្សែភាពយន្តជាច្រើន ទាំងសមត្ថភាព និងទេពកោសល្យនោះ គឺលោក Tong Tong Kritsakorn Kanokthorn និងតារាស្រីវ័យក្មេងស្រករក្រោយដែលមានរូបសម្រស់ស្រស់ស្អាតអាយុ២២ឆ្នាំនោះ គឺ
ប្រទេសថៃ ៖ តារាសម្ដែងប្រុសជួរមុខថៃដ៏ល្បីឈ្មោះមានប្រជាប្រិយភាពអស្ចារ្យនៅក្នុងការសម្ដែងខ្សែភាពយន្តជាច្រើន ទាំងសមត្ថភាព និងទេពកោសល្យនោះ គឺលោក Tong Tong Kritsakorn Kanokthorn និងតារាស្រីវ័យក្មេងស្រករក្រោយដែលមានរូបសម្រស់ស្រស់ស្អាតអាយុ២២ឆ្នាំនោះ គឺ Best Rakwanee Kamsing ដោយអ្នកទាំងពីរបានប្រកាសមានទំនាក់ទំនងស្នេហាជាមួយគ្នាអស់រយៈពេលប្រមាណជាងមួយឆ្នាំមកហើយ មើលទៅពោរពេញទៅដោយភាពផ្អែមល្ហែម ស្អិតរមួតដូចស្ករតាំងម៉ែអញ្ជឹងពីមួយថ្ងៃទៅមួយថ្ងៃ សឹងតែនិយាយថា មិនដែលឃ្លាតឆ្ងាយពីគ្នាសូម្បីតែមួយជំហាននោះឡើយ រហូតធ្វើអោយមហាជន ក៏ដូចជាអ្នកគាំទ្រមិនតិចនាក់នោះទេ នាំគ្នាឃើញហើយអៀនជំនួស ជាពិសេសច្រណែនគ្រប់ៗគ្នាតែម្តង ។
ដោយឡែក បើក្រឡេកមកដឹង មួយរយៈចុងក្រោយនេះ គេហាក់នាំគ្នាសង្កេតឃើញថា តារាប្រុស Tong Tong និងតារាស្រីវ័យក្មេង កញ្ញា Best ពួកគេទាំងពីរត្រូវបានមហាជនមិនតិចនាក់នោះទេ ផ្ទុះការចាប់អារម្មណ៍យ៉ាងខ្លាំងអំពីទំនាក់ទំនងស្នេហារបស់អ្នកទាំងពីរជាខ្លាំង ព្រោះគ្រប់គ្នាគេពុំសូវបានប្រទះឃើញតារាប្រុសស្រីមួយគូរនេះ សកម្មបង្ហោះរូបជាគូ និងថតលេងនៅក្នុង Youtube ទៀតឡើយ គឺស្ងប់ស្ងាត់ឈឹងតែម្ដង ជាមួយនឹងការបាត់រូបភាពគូពីបណ្ដាញសង្គមអ៊ីនស្ត្រាក្រាម និងមិនមានវីដេអូ Youtube នេះ បានធ្វើឱ្យមហាជផ្ទុះការសង្ស័យដោយពួកគេបាននាំគ្នាលើកឡើងយ៉ាងដូច្នេះថា «បើខ្ញុំស្មានមិនខុសប្រហែលជាតារាប្រុស Tong Tong រូបនេះ និងកញ្ញា Best ចែកផ្លូវគ្នាហើយមើលទៅ បានជាមិនឃើញបញ្ចេញសកម្មភាពនៅលើបណ្ដាញសង្គមជាមួយគ្នាដូចមុនៗផងនោះ»។
អ្នកខ្លះទៀតនិយាយថា «ស្នេហាក្មេងៗស្រលាញ់គ្នាមិនបានយូរទេ តែបន្តិចបែកគ្នាហើយ គ្មានបានប៉ុន្មានទេ»។ មួយចំនួនទៀតបាននិយាយថា «គ្មានស្រលាញ់គ្នាបានប៉ុន្មានទេ តែយូរៗទៅអស់ចិត្តណាយពីគ្នាហើយ កុំទៅឆោតពេក» «ខំតែសរសើរថាសមគ្នា ត្រេកអរពេលឃើញស្និទ្ធស្នាលល្អូកល្អិនខ្វាយខ្វល់ចេះយកចិត្តទុកដាក់ចំពោះគ្នាទៅវិញទៅមក ចុងក្រោយអំបិលដដែល ខ្មាស់គេជំនួសតែម្ដង»។
ក្រោយធុញនឹងគេសួរមិនឈប់រឿងខ្លួននិងគូស្នេហ៍ ស្រាប់តែថ្មីៗនេះ តារាប្រុស Tong Tong ក៏បានចេញមុខមកផ្តល់បទសម្ភាសន៍នៅក្នុងកម្មវិធីមួយ នៅមុខអ្នកសារព័ត៌មាន ដោយលោកបានស្នើឱ្យមហាជនអ្នកគាំទ្រមួយចំនួន សូមនាំគ្នាបញ្ឈប់ និងបញ្ចប់រាល់ការដ្រាម៉ាតទៅទៀតទៅពាក់ព័ន្ធនឹងសង្សាររបស់ខ្លួន ក៏ដូចជាស្នេហារបស់លោកទៀតទៅ ព្រោះវារឿងរវាងលោក និងសង្សារតែ២នាក់ប៉ុណ្ណោះ ។ ហើយខ្ញុំចង់ប្រាប់គ្រប់គ្នាថា សូមកុំធ្វើអ្វីឱ្យកើតជារឿងដ្រាម៉ាទៀតអី ចង់ឱ្យគ្រប់គ្នាយល់ពីសេចក្ដីស្នេហារបស់លោក។ ទទួលស្គាល់ថា ពេលនេះគឺលោកបារម្ភពីអារម្មណ៍របស់សង្សារណាស់ ដែលត្រូវរងការវា.យប្រហារមករហូត តែក្នុងនោះក៏សូមអរគុណចំពោះមហាជនដែលគាំទ្រផ្តល់កម្លាំងចិត្ត ដល់លោក និងសង្សារផងដែរ»។
តារាប្រុសស្រស់សង្ហារូបនេះបានបន្តអោយដឹងទៀតថា «តាមពិតទៅចំពោះស្នេហារបស់លោកមានទាំងអ្នកពេញចិត្ត និងអ្នកមិនពេញចិត្ត ហើយវាស្ថិតនៅលើយើងខ្លួនឯងទេថា គួរជ្រើសរើសមួយណា វាគួរតែជាសេចក្ដីស្នេហាដែលមានសេចក្ដីសុខ គឺក្ដីស្រឡាញ់រវាងលោក និង Best ឬ ក្តីស្រឡាញ់របស់អ្នកផ្សេងដែរ។ ទោះបីជាមានរឿងអ្វីក៏ដោយ លោកនៅតែធ្វើតាមបេះដូងរបស់ខ្លួនឯង ដោយមិនចុះចាញ់អ្វីទាំងអស់ ព្រោះវាជាក្តីស្នេហ៍រវាងមនុស្សពីរនាក់ដែលស្រលាញ់គ្នា និងយល់ចិត្តគ្នាទៅវិញទៅមក ហើយជាចុងក្រោយឈប់យល់ច្រឡំថា ខ្ញុំបែកគ្នាទៀតទៅ ពួកខ្ញុំពុំមានការចែកផ្លូវគ្នា ឬរកាំរកូសដូចដែលមានព័ត៌មានល្បីចរចាអារ៉ាមដែលបានចុះផ្សាយនិយាយមិនល្អពីលោកនិងមិត្តស្រីរបស់ខ្លួននោះឡើយ ពោលគឺការដែលអ្នកទាំងពីរស្ងប់ស្ងាត់ពុំសូវបានបង្ហាញភាពស្និទ្ធស្នាល ឬក៏សកម្មភាពផ្សេងៗ ក៏ព្រោះតែពួកខ្ញុំជាប់រវល់ការងាររៀងៗខ្លួនតែប៉ុណ្ណោះ៕
ចែករំលែកព័តមាននេះ