រាជធានីភ្នំពេញ ៖ សេចក្តីរាយការណ៍ឱ្យដឹងថា ទីតាំងស្តុកសារធាតុគីមី៥ប្រភេទ ត្រូវកម្លាំងចម្រុះចុះបង្ក្រាប និងធ្វើការឃាត់ខ្លួនបុរសម្នាក់ជាម្ចាស់ផងដែរ ។ ប្រតិបត្តិការនេះ ធ្វើឡើងកាលពីវេលាម៉ោង១០ និង១៥នាទីព្រឹកថ្ងៃទី១៦ មិថុនា ស្ថិតនៅចំណុចឃ្លាំងគ្មានលេខមួយកន្លែងរបស់ក្រុមហ៊ុនរថយន្តក្រុង ភួង ហេង (ខាងក្រោយសណ្ឋាគារ អ៊ីនធើរខន់) ផ្លូវលេខ៤៣០ ក្នុងសង្កាត់ទំណប់ទឹក ខណ្ឌចំការមន។
លោកឧត្តមសេនីយ៍ទោ ឡុង ស្រេង អនុប្រធាននាយកដ្ឋាននគរបាលប្រឆាំងបទល្មើសសេដ្ឋកិច្ចនៃក្រសួងមហាផ្ទៃបានប្រាប់ឱ្យដឹងថា ការស្រាវជ្រាវតាមរយៈកម្លាំងជំនាញបានរកឃើញថា ទីតាំងឃ្លាំងស្តុកទំនិញរបស់ក្រុមហ៊ុនរថយន្តក្រុង ភួង ហេង នេះ បាននិងកំពុងលួចនាំចូល និងស្តុកទុកនូវសាធាតុគីមី និងសាប៊ូក្លែងក្លាយ ដែលបាននាំចូលមកពីប្រទេសវៀតណាមនោះ ។ ទើបក្នុងថ្ងៃនេះកម្លាំង សហការជាមួយនិងកម្លាំងជំនាញដែលពាក់ព័ន្ធមួយចំនួនមានដូចជា ក្រសួងសុខាភិបាល វិទ្យាស្ថានស្តង់ដាកម្ពុជា និងដោយមានការសម្របសម្រួលអំពីសំណាក់លោក លី សុផាន់ណា ព្រះរាជអាជ្ញារងអមសាលាដំបូងរាជធានីភ្នំពេញ ឈានទៅដល់ការចុះបង្ក្រាបតែម្តង ។
កម្លាំងរកឃើញនូវគីមីចំនួន៥ប្រភេទ ដូចជា ១-មេតាណុល ២-មេកាហ្វ ៣-វត្ថុធាតុដើមប្រើសមរាប់ផលិតឱសធ ៤-វត្ថុធាតុដើមសំរាប់ផលិតសេរ៉ូម និង៥-សាប៊ូក្លែងក្លាយជាច្រើន និងធ្វើការឃាត់ខ្លួនបុរសម្នាក់ជាម្ចាស់ទីតាំងខាងលើនេះផងដែរ ។
ចែករំលែកព័តមាននេះ