អ្នកណាមិនភ័យស្លន់ស្លោបើលេងទាំងព្រលឹមអុលចឹង
រាជធានីភ្នំពេញ ៖ មានហេតុការណ៍ភ័យស្លន់ស្លោដល់ប្រជាពលរដ្ឋកាលពីវេលាម៉ោង៥និង១០នាទីទៀបភ្លឺថ្ងៃទី៣០ ខែឧសភា ឆ្នាំ២០១៧ នេះ
រាជធានីភ្នំពេញ ៖ មានហេតុការណ៍ភ័យស្លន់ស្លោដល់ប្រជាពលរដ្ឋកាលពីវេលាម៉ោង៥និង១០នាទីទៀបភ្លឺថ្ងៃទី៣០ ខែឧសភា ឆ្នាំ២០១៧ នេះ
រាជធានីភ្នំពេញ ៖ ទុស្សេខ្សែភ្លើងឆាបឆេះសន្ធោសន្ធៅនៅលើបង្គោលខ្សែភ្លើងបង្កឲ្យមានការភ័យស្លន់ស្លោដល់ប្រជាពលរដ្ឋ និងសមត្ថកិច្ចហៅរថយន្តពន្លត់អគ្គីភ័យមកជួយអន្តរាគមន៍កាលពីវេលាម៉ោង៥និង១០នាទីទៀបភ្លឺថ្ងៃទី៣០ ខែឧសភា ឆ្នាំ២០១៧ នៅចំណុចផ្លូវ៦៣ ក្រុម៧៥ ស្ថិតនៅភូមិ១៣ សង្កាត់ទន្លេបាសាក់ ខណ្ឌចំការមន ។
តាមសម្តីលោកមេភូមិ១៣បានប្រាប់ថា ផ្ទះរបស់គាត់នៅក្បែរកន្លែងកើតហេតុខាងលើដែរ ដោយសារតែប៉ុន្មានថ្ងៃកន្លងមកនេះមានភ្លៀងធ្លាក់ជាប់គ្នាស្រាប់តែមុនពេលកើតហេតុឮសូរសំឡេងផ្ទុះដូចគ្រាប់បែកក៏រត់ចេញពីក្នុងផ្ទះមកឃើញមានខ្សែភ្លើងមួយដុំធំធ្លាក់ដាច់នៅលើថ្នល់ និងនៅលើបង្គាលភ្លើងមានអណ្តាតភ្លើងឆេះសន្ធោសន្ធៅ ភ្លាមៗនោះមានប្រជាពលរដ្ឋខ្លះហៅរថយន្តពន្លត់អគ្គីភ័យខ្លះក៏យកបំពង់ពន្លត់អគ្គីភ័យមកជួយបាញ់ទប់ស្កាត់ខ្លាចរាលដល់ផ្ទះប្រជាពលរដ្ឋ តែបាញ់អស់ជាច្រើនបំពង់ហើយក៏នៅទប់មិនជាប់ដោយសារភ្លើងឆេះខ្លាំង និងមានសំឡេងផ្ទុះផង ក្រោយមករថយន្តពន្លត់អគ្គីភ័យស្នងការរាជធានីភ្នំពេញចំនួន១គ្រឿងបានបាញ់ពន្លត់រលត់ទៅវិញដោយមិនប៉ះពាល់ខូចខាតទ្រព្យផ្សេងក្រៅពីខ្សែភ្លើងទេ ។
តាមមន្ត្រីពន្លត់អគ្គីភ័យបានប្រាប់ថា បន្ទាប់ពីមានប្រជាពលរដ្ឋទូរស័ព្ទទៅក្រុមការងារប្រញាប់ប្រញាល់ចេញមកដល់មិនទាន់ហ៊ានបាញ់ពន្លត់ភ្លាមៗទេបានរាយការណ៍ជូនអគ្គីសនីកម្ពុជាឱ្យជួយបិទភ្លើងកុំឱ្យមានចរន្តឆ្លងកាត់ទើបបាញ់ពន្លត់អស់ ៕
ចែករំលែកព័តមាននេះ