តារាចម្រៀងស្រីពន្លកថ្មី ដែលបងប្អូនអ្នកគាំទ្របានស្គាល់ សុវត្តិឌី ធារីកា តាមរយៈកម្មវិធីចម្រៀង Cambodian Idol ដែលកញ្ញា ធារីកា ក៏ជាជើងខ្លាំងមួយរូបផងដែរ ដោយកាលពី
រាជធានីភ្នំពេញ ៖ តារាចម្រៀងស្រីពន្លកថ្មី ដែលបងប្អូនអ្នកគាំទ្របានស្គាល់ សុវត្តិឌី ធារីកា តាមរយៈកម្មវិធីចម្រៀង Cambodian Idol ដែលកញ្ញា ធារីកា ក៏ជាជើងខ្លាំងមួយរូបផងដែរ ដោយកាលពីប្រឡងនោះ កញ្ញាក៏ជាបេក្ខភាពដែលឈានជើងដល់វគ្គខ្ពស់ៗតាមរយៈសមត្ថភាពរបស់ ធារីកា ហើយតែងតែធ្វើអោយមហាជនកោតសរសើរពេញមាត់ៗពីទឹកដមដ៏ពីរោះរបស់តារាស្រីរូបនេះ។
ថ្ងៃស្អែកនេះ ជាថ្ងៃប្រឡងសញ្ញាបត្រមធ្យមសិក្សាទុតិយភូមិហើយ ស្រាប់តែតារាស្រីរូបនេះ បានពោលពាក្យយ៉ាងដោតទៅកាន់ប្អូនប្រុសរបស់កញ្ញា ដោយនិយាយថា «មុនពេលប្រឡងទុតិយភូមិនាថ្ងៃស្អែក ប្អូនប្រុសឆ្លៀតធ្វើអង្គរក្សជូនបងស្រីមកច្រៀងសិន។ ឆ្នាំនេះមិនដូចឆ្នាំមុន ព្រោះយើងមិនមានប៉ាម៉ាក់ ងើបពីព្រលឹមជូនដំណើរ និងលើកទឹកចិត្តដូចមុនទេ។ តែសូមអោយដូដូប្រឹង តស៊ូប្រឡងអោយជាប់ ដើម្បីអោយលោកទាំងពីរសប្បាយចិត្ត ជីវិតគឺបែបនេះ វាហាក់បីដូចទឹករលកមែន តែអោយកុំរលកមកប៉ះយើងអោយដួលតាមទឹក។ សូមជូនពរប្អូនប្រុស ជោគជ័យក្នុងការប្រឡងសញ្ញាប័ត្រទុតិយភូមិនេះ បានលទ្ធផលជោគជ័យ រួមទាំងប្អូនៗសិស្សានុសិស្សទាំងអស់ត្រូវតស៊ូ ខំប្រឹងប្រែង កុំភ័យ និងកុំស្លុតពេលប្រឡង ស៊ូស៊ូ»។
តាមរយៈសំណេរដ៏ចាក់ដោតមួយនេះ ហាក់ដូចជាធ្វើអោយអារម្មណ៍របស់ប្អូនប្រុសកញ្ញា ក៏ដូចជាសិស្សានុសិស្សផ្សេងទៀត ធ្វើយ៉ាងណាត្រូវពង្រឹងសមត្ថភាព ជាពិសេសស្មារតីតែម្តង ព្រោះប្រសិនបើយើងភ័យជាមួយការប្រឡងរបស់យើង នោះអាចនឹងធ្វើអោយសមត្ថភាពអាចនឹងមានកាន់អន់ថយដោយការភ័យ ដូច្នេះតាមរយៈសំណេរលើបណ្តាញសង្គមរបស់កញ្ញាហាក់ដូចជា ជួបលើកទឹកចិត្ត ស្មារតី អោយប្អូនៗកាន់តែមានភាពស្វាហាប់ក្នុងការប្រឡងមួយនេះ។
តាមរយៈសំណេរមួយនេះ ភ្លាមៗនោះស្រាប់តែមានអ្នកគាំទ្របានចូលទៅខមិនថា «ជាការពិតណាស់ បងធារីកា ស្អែកជាថ្ងៃប្រឡងហើយ ប្អូនៗទី១២ អាចនឹងមានការខ្វាយខ្វល់ចិត្តខ្លះ តែនៅពេលដែលបានមើលសារបស់បងហើយ សង្ឃឹមថា ពួកគេនឹងឈប់ភ័យ ហើយនឹងរពឹងថា អាចយកឈ្នះសមរភូមិមួយនេះ និងជាពិសេសយកភាពជោគជ័យអោយបានក្នុងរយៈពេល២ថ្ងៃនេះ ស៊ូណាប្អូន ជូនពរសំណាង»។ និងមានអ្នកគាំទ្រខ្លះទៀតបានលើឡើងថា «ជូនពរក្មួយប្រុសសំណាងល្អ និងជោគជ័យគ្រប់ភារៈកិច្ច»។
បើងាកមកមើលពីជីវិតរបស់កញ្ញា សុវត្តិឌី ធារីកា ក្រោយពេលបាត់បង់ឪពុកម្តាយរបស់កញ្ញាក៏ពិតមែន ប៉ុន្តែភាពកក់ក្តៅសម្រាប់ប្អូនៗ គឺកញ្ញានៅតែយកចិត្តទុកដាក់ ស្រឡាញ់នឹងការពារមើលថែប្អូនៗ ដោយអាចនិយាយបានថា ពេលអត់ពីឪពុកម្តាយមានតែបងប្អូនយើងហើយ។
ចែករំលែកព័តមាននេះ