ជនជាតិនីហ្សេរីយ៉ា២នាក់ ត្រូវជាប់ពន្ធនាគារអស់មួយជីវិត
រាជធានីភ្នំពេញ ៖ ចៅក្រមជំនុំជម្រះសាលាដំបូងក្រុងភ្នំពេញលោក ហេង កេសរោ នៅរសៀលថ្ងៃទី២៤ ខែឧសភា សាលក្រមផ្តន្ទាទោសជនជាប់ចោទទី១ឈ្មោះ
រាជធានីភ្នំពេញ ៖ ចៅក្រមជំនុំជម្រះសាលាដំបូងក្រុងភ្នំពេញលោក ហេង កេសរោ នៅរសៀលថ្ងៃទី២៤ ខែឧសភា សាលក្រមផ្តន្ទាទោសជនជាប់ចោទទី១ឈ្មោះ Okafor Ifeanyi Anthony (អូកាហ្វ័រ អ៊ីហ្វៀនយី អានតូនី) ភេទប្រុស អាយុ៤១ឆ្នាំ និងទី២ឈ្មោះ Adibel Paschall (អាដីប៊ែល ប៉ាស់ស្កាល់) ភេទប្រុស អាយុ៣៣ឆ្នាំ ជនជាតិនីហ្សេរីយ៉ា ដាក់ពន្ធនាគារម្នាក់ៗអស់មួយជីវិត និងពិន័យជាប្រាក់ក្នុងម្នាក់ៗចំនួន៤០លានរៀលចូលថវិការដ្ឋ ហើយទុកសិទ្ធិឲ្យប្តឹងឧទ្ធរណ៍តាមកំណត់ច្បាប់ ក្រោមការចោទប្រកាន់របស់តំណាងអយ្យការពីបទដឹកជញ្ជូនដោយខុសច្បាប់នូវសារធាតុញៀន ប្រភេទម្សៅកាកូអ៊ីន ចំនួន ១.០៣៩.១០ក្រាម ជាង១គីឡូ ប្រព្រឹត្តកាលពីថ្ងៃទី៩ ខែឧសភា ឆ្នាំ២០១៧ នៅចំណុចច្រកទ្វារអាកាសយានដ្ឋានអន្តរជាតិភ្នំពេញ យោងតាមមាត្រា៤០ នៃច្បាប់ស្តីពី ការត្រួតពិនិត្យគ្រឿងញៀន។
សវនាការនេះបានធ្វើការជំនុំជម្រះកាលពីថ្ងៃទី១៨-២៨ ខែមេសា ឆ្នាំ២០១៧កន្លងមក ដោយជនជាប់ចោទឈ្មោះ Okafor Ifeanyi Anthony(អូកាហ្វ័រ អ៊ីហ្វៀនយី អានតូនី) បានសារភាពថា ខ្លួនបានលេបគ្រឿងញៀននោះមកពីប្រទេសអារ៉ាប់រួម ដោយមានជនជាតិនីហ្ស៊េរីយ៉ាដូចគ្នាជួលឲ្យយកទៅលក់ឲ្យម៉ូយនៅ អូស្ត្រាលី ក្នុងតម្លៃ៨០ម៉ឺនដុល្លារអូស្ត្រាលី។ ដោយឡែកជនជាន់ចោទឈ្មោះ Adibel Paschall (អាដីប៊ែល ប៉ាស់ស្កាល់) បានបដិសេធថាខ្លួនមិនបានប្រព្រឹត្តដូចការចោទប្រកាន់របស់តំណាងអយ្យការនោះទេ៕
ចែករំលែកព័តមាននេះ