តារាសម្តែងស្រីសាច់.សខ្ចី កញ្ញា ពេជ្រ ចរណៃ ដែលជាតារាសម្តែងស្រីមួយដួង មានទេពកោសល្យសម្តែង និងជាពិសេសនាងមានសមត្ថភាពមិនធម្មតា ដោយកញ្ញាចេះក្បាច់គុនល្បុក្កតោខ្មែរ គួរអោយស្ងើចសរសើរ។ ហើយកាលពីពេលថ្មីៗនេះ ក្បាច់គុនល្បុក្កតោខ្មែរ ក៏បាន
រាជធានីភ្នំពេញ ៖ តារាសម្តែងស្រីសាច់.សខ្ចី កញ្ញា ពេជ្រ ចរណៃ ដែលជាតារាសម្តែងស្រីមួយដួង មានទេពកោសល្យសម្តែង និងជាពិសេសនាងមានសមត្ថភាពមិនធម្មតា ដោយកញ្ញាចេះក្បាច់គុនល្បុក្កតោខ្មែរ គួរអោយស្ងើចសរសើរ។ ហើយកាលពីពេលថ្មីៗនេះ ក្បាច់គុនល្បុក្កតោខ្មែរ ក៏បានដាក់បញ្ចូលក្នុងបញ្ជីបេតិកភណ្ឌវប្បធម៌អរូបី នៃមនុស្សជាតិរបស់អង្គការយូណេស្កូ កាលពីថ្ងៃទី២៩ ខែវិច្ឆិកា ឆ្នាំ២០២២ ដោយកញ្ញា ពេជ្រ ចរណៃ ពិតជារំភើបសឹងតែស្រក់ទឹកដោយសារមូលហេតុមួយនេះ។
តាមបទសម្ភាសន៍ជាមួយសារព័ត៌មានកោះសន្តិភាព ដោយកញ្ញា ពេជ្រ ចរណៃ ពិតជាទប់ទឹកភ្នែកមិនជាប់ជាមួយការដាក់បញ្ចូលល្បុក្កតោក្នុងបញ្ជីបេតិកភណ្ឌវប្បធម៌អរូបី នៃមនុស្សជាតិរបស់អង្គការយូណេស្កូ ដោយនេះជាក្តីស្រម៉ៃ ក៏ដូចជាក្តីរំពឹងរបស់កញ្ញា ដោយកញ្ញាទន្ទឹងរង់ចាំពេលវេលាមួយនេះជាយូរមកហើយ។
កញ្ញា ពេជ្រ ចរណៃ ដែលមានឈ្មោះពិតថា អ៊ិត កន្និការ បានឱ្យដឹងថា កញ្ញាបានហាត់ល្បុក្កតោនេះ តាំងពីឆ្នាំ២០១៦មកម្ល៉េះ ដោយមូលហេតុ ក៏ដូចជាគោលបំណងដែលកញ្ញាហាត់ ព្រោះកាលពីមុនកញ្ញាមានបញ្ហាសុខភាព ជាពិសេសគឺកញ្ញា (តារាស្រីរូបនេះ) មានជំងឺ (Depression) ដោយខ្មែរយើងតែងតែហៅថា «ជំងឺបាក់ទឹកចិត្ត»។ លើសពីនេះ គឺកញ្ញាមានបញ្ហាស្មុគស្មាញនៅក្នុងចិត្តជាច្រើន ដូច្នេះទើបកញ្ញាសម្រេចចិត្តថា ហាត់ល្បុក្កតោនេះតែម្តង ណាមួយការហាត់នេះ ក៏ជាផ្នែកមួយដែលជួបលើកស្ទួយវប្បធម៌ខ្មែរ។
កញ្ញា ពេជ្រ ចរណៃ បានបន្ថែមថា កញ្ញាមិនមែនតែហាត់ដើម្បីសុខភាពប៉ុណ្ណោះទេ កញ្ញាហាត់ទៅក៏ជាផលល្អមួយជួយដល់វប្បធម៌ខ្មែរ និងថែរក្សានៅកេរ្តិ៍ដំណែលស្នាដៃមរតកដូចតាខ្មែរអោយបានគង់វង្សផងដែរ។
ជាការពិតណាស់ តារាស្រីរូបនេះក៏ជាគ្រូបង្វឹកល្បុក្កតោដ៏ឆ្នើមមា្នក់ ដោយអ្នកគាំទ្រប្រាកដជាបានស្គាល់កញ្ញាហើយ តាមរយៈការសម្តែងល្បុក្កតោរបស់កញ្ញានៅក្នុងកម្មវិធីធំៗផ្សេងៗ។ ហើយតារាស្រីវ័យ២៩ឆ្នាំរូបនេះ បានបន្តថា ទាក់ទងជាមួយការចូលហាត់ល្បុក្កតោដំបូង កញ្ញាបានទទួលរងការមើលងា.យ លេបខាយជាខ្លាំង ដោយមានគេចោទកញ្ញាថា ជាស្រីស្រលាញ់ស្រី អត្តចរិតដូចមនុស្សប្រុស និងការរិះគន់ជាច្រើនទៀត ប៉ុន្តែដោយសារតែស្រឡាញ់ ហើយរាល់ពាក្យសម្តីមិនសមរម្យទាំងឡាយ គឺមិនជាបញ្ហាអ្វីធំដុំសម្រាប់កញ្ញានោះទេ។
កញ្ញា ចរណៃ បានបន្ថែមថា ល្បុក្កតោ គឺមានលក្ខណៈពិសេសជាច្រើន ដោយល្បុក្កតោ អាចការពារខ្លួនបាន ដូចជាកញ្ញាផ្ទាល់ដោយកញ្ញាការពារខ្លួនរបស់កញ្ញាពីមនុស្សណាដែលចង់បៀ.តបៀ.នកញ្ញា ល្បុក្កតោមិនមែនយកទៅធ្វើអ្វីដែលមិនល្អនោះ ការហាត់ល្បុក្កតោគឺជាលំហាត់ប្រាណមួយ ហើយក៏ជាផ្នែកដ៏ល្អក្នុងការអភិរក្សនៅសម្បត្តិបេតិកភណ្ឌរបស់ខ្មែរផងដែរ។
កញ្ញា ចរណៃ បានបន្តថា ល្បុក្កតោ ខុសពីក្បាច់ដទៃ ដោយល្បុក្កតោមានច្រើនក្បាច់ ដោយមានរហូតដល់រាប់ម៉ឺនក្បាច់ឯណោះ ដូច្នេះក្នុងនាមកញ្ញាជាកូនខ្មែរមួយរូប កញ្ញាពិតជាស្រឡាញ់នៅអ្វីដែលជារបស់ខ្មែរ។
ជាចុងក្រោយកញ្ញា ពេជ្រ ចរណៃ សូមសំណូមពរដល់មហាជនខ្មែរអោយជួយគាំទ្ររាល់អ្វីជារបស់ខ្មែរផង ជាពិសេសជួយគាំទ្រក្បាច់គុនល្បុក្កតោខ្មែរតែម្តង ព្រោះសម្បត្តិបេតិកភណ្ឌទាំងអស់នេះ ងា.យនឹងបាត់បង់ ប្រសិនបើយើងមិនអភិរក្ស ហើយកញ្ញាសូមសំណូមពរដល់ក្រសួងអប់រំអោយជួយដាក់ល្បុកក្កតោខ្មែរនៅក្នុងកម្មវិធីសិក្សាអប់រំផង ព្រោះនេះក៏ជាការជួយលើកតម្កើងផងដែរ៕
ចែករំលែកព័តមាននេះ