រាជធានីភ្នំពេញ ៖ តារាចម្រៀងល្បីឈ្មោះ លោក បូទី ដែលបងប្អូនមួយចំនួនធ្លាប់បានស្គាល់លោកហើយ តាមរយៈបទចម្រៀង និងការនិពន្ធបទភ្លេងជាច្រើនបទដោយភាគច្រើនបទរបស់លោកទទួលបានការគាំទ្រពីសំណាក់មហាជន ដោយការចូលមើលរហូតដល់១លានដង ឬច្រើនជាងនេះ។…
រាជធានីភ្នំពេញ ៖ តារាចម្រៀងល្បីឈ្មោះ លោក បូទី ដែលបងប្អូនមួយចំនួនធ្លាប់បានស្គាល់លោកហើយ តាមរយៈបទចម្រៀង និងការនិពន្ធបទភ្លេងជាច្រើនបទដោយភាគច្រើនបទរបស់លោកទទួលបានការគាំទ្រពីសំណាក់មហាជន ដោយការចូលមើលរហូតដល់១លានដង ឬច្រើនជាងនេះ។
កាលពីពេលថ្មីៗនេះ មានការភ្ញាក់ផ្អើលជាខ្លាំង ក្រោយពីលោក បូទី និងអ្នកនាង Sonya បានរៀបការជាមួយគ្នាតែប៉ុន្មានខែតែប៉ុណ្ណោះបែរជាស្ងាត់ៗសម្រាលកូនដូច្នេះ ត្រង់ចំណុចធ្វើអោយអ្នកគាំទ្រមានការងើយឆ្ងល់ជាខ្លាំង ហេតុអ្វីបានជាមានកូនលឿនម្ល៉េះ ដោយគ្រាន់ឃើញរៀបការជាមួយគ្នាកាលពីថ្ងៃទី១៣ ខែវិច្ឆិកា ឆ្នាំ២០២២សោះបែរជាមិនបានប៉ុន្មានផងឃើញអ្នកនាង Sonya សម្រាលកូនដូច្នេះទៅវិញ។
បើតាមការបង្ហោះរបស់លោកបូទី ដែលជាស្វាមីបានរៀបរាប់ពីបញ្ហាទាំងអស់នេះថា «ខែមករា ឆ្នាំ២០១៥ កូនក្រមុំអត់ចេះពាក់ស្បែកជើងកែងទេ កុំអោយបងប្អូនយល់ច្រឡំ រៀបការបាន២ខែមានកូនជនជាតិអឺរ៉ុបភាគច្រើន នៅជាមួយគ្នាច្រើនឆ្នាំសិនស្គាល់ចរិកគ្នាអោយច្បាស់សិនបានគេសម្រេចចិត្តរៀបការទាល់តែច្បាស់ថា បុរស ឬនារីម្នាក់ហ្នឹងគេអាចបង្កើតគ្រួសារជាមួយគ្នាបានអត់តាមពិតទៅ ពួកយើងមិនត្រូវរៀបការម្តងទៀតទេ តែដោយសារការរៀបការនៅស្រុកខ្មែរយើង ប្រទេសនេះមិនទទួលស្គាល់នោះទេ ចង់មានអេតាស៊ីវិលបញ្ជាក់មកពីណាក៏ដោយទើបពួកយើងរៀបការនៅប្រទេសនេះម្តងទៀត ដើម្បីអោយប្រទេសនេះទទួលស្គាល់ ខ្ញុំបាទ នឹងសន្យា ស្រលាញ់គ្នា ៨ឆ្នាំរួចមកហើយបងប្អូន»។
លោក បូទី បានបញ្ជាក់យ៉ាងច្បាស់ៗដូចច្នេះថា មិនមែនលោករៀបការតែ២ខែសម្រាលកូននោះទេ ដោយការពិតទៅលោក និងអ្នកនាង សន្យា បានរៀបការជាមួយគ្នាតាំងពីឆ្នាំ២០១៥មកម្ល៉េះ ដោយកាលនោះលោកមិនទាន់ក្លាយជាអ្នកចម្រៀងនៅឡើយទេ ហើយនៅពេលនោះ ក៏លោកមិនទាន់ចេះនិពន្ធបទភ្លេងអោយល្អដែរ។
លោក បូទី គឺជាអ្នកនិពន្ធមួយរូបដែលគេស្គាល់ជាយូរមកហើយ នឹងដឹងថា លោកមានគូរស្នេហ៍ជាជនជាតិអូទ្រីស គឺអ្នកនាង sonya ដែលចំណងស្នេហារបស់អ្នកទាំងពីរ ពោល គឺមានរយៈពេល៨ឆ្នាំ ហើយនៅឆ្នាំនេះអ្នកទាំងពីរក៏ទទួលបានចំណងដៃកូនស្រីដ៏គួរអោយស្រលាញ់ម្នាក់។
ទន្ទឹមនឹងនេះ កាលពីប៉ុន្មានថ្ងៃមុនលោកបូទី បានបង្ហោះរូបភាពកូនរបស់លោកជាមួយអ្នកប្រពន្ធរបស់គាត់ដោយតាមរយៈរូបភាពទាំងអស់នេះ ហាក់ដូចជា លោកបូទី រីករាយជាមួយនឹងក្តីស្រឡាញ់នេះខ្លាំងដោយលោកបានក្លាយជាប៉ាគេ ហើយក៏ជាស្វាមីដ៏ល្អម្នាក់។
ជាការពិតណាស់ ជុំវិញបញ្ហានេះលោកបូទីបានបញ្ជាក់យ៉ាងច្បាស់ហើយ ដូចច្នេះលោកក៏មិនចង់អោយមហាជនមានការយល់ច្រឡំនៅរាល់បញ្ហាទាំងអស់នេះដែរ៕
ចែករំលែកព័តមាននេះ