ខេត្តបាត់ដំបង ៖ បុរសម្នាក់ត្រូវក្រុមគ្រួសារស្វែងរកឃើញស្លា.ប់នៅក្នុងទឹកស្រះ កាលពីវេលាម៉ោង៨ព្រឹកថ្ងៃទី២០ វិច្ឆិកា ស្ថិតនៅភូមិស្ពានទំនាប ឃុំបួរ ស្រុកភ្នំព្រឹក ក្រោយពីផឹកស្រវឹងបាត់ខ្លួនពេញមួយយប់។ សេចក្ដីរាយការណ៍បានឲ្យដឹងថា…
ខេត្តបាត់ដំបង ៖ បុរសម្នាក់ត្រូវក្រុមគ្រួសារស្វែងរកឃើញស្លា.ប់នៅក្នុងទឹកស្រះ កាលពីវេលាម៉ោង៨ព្រឹកថ្ងៃទី២០ វិច្ឆិកា ស្ថិតនៅភូមិស្ពានទំនាប ឃុំបួរ ស្រុកភ្នំព្រឹក ក្រោយពីផឹកស្រវឹងបាត់ខ្លួនពេញមួយយប់។
សេចក្ដីរាយការណ៍បានឲ្យដឹងថា ជនរងគ្រោះឈ្មោះ ស្រន់ ស្រូយ ភេទប្រុស អាយុ៣១ឆ្នាំ រស់នៅភូមិ-ឃុំកើតហេតុខាងលើ ។ ជនរងគ្រោះត្រូវបានក្រុមគ្រួសារប្រទះឃើញស្លា.ប់នៅក្នុងទឹកស្រះនៅក្បែរផ្លូវ ក្រោយពីផឹកស្រវឹង ហើយបាត់ខ្លួនពេញមួយយប់។ គេសង្ស័យបុរសរូបនេះ ស្រវឹងដើរធ្លាក់ទឹកស្រះកាលពីយប់ ក្រោយពីផឹកស្រវឹង លុះព្រឹកឡើងទើបគេរកឃើញសា.ក.ស.ព។
លោក បូ បុល នាយនគរបាលប៉ុស្ដ៏រដ្ឋបាល ឃុំបួរ បានប្រាប់ថា បើតាមការបំភ្លឺពីក្រុមក្រុមគ្រួសារ ជនរងគ្រោះបានបាត់ខ្លួន កាលពីយប់ថ្ងៃទី ១៩ វិច្ឆិកា ក្រោយពីផឹកស៊ីស្រវឹង ហើយព្រឹកថ្ងៃទី ២០ វិច្ឆិកា ស្រាប់តែគេរកឃើញលង់ទឹកស្រះស្លា.ប់។ លោកមេប៉ុស្ដិ៍បានបញ្ជាក់ថា ជនរងគ្រោះងងងឹតភ្នែក ហើយស្រវឹងស្រាទៀត លុះដើរតាមផ្លូវក្បែរមាត់ស្រះក៏ជ្រុលធ្លាក់ទឹកស្រះរហូតលង់ស្លា.ប់តែម្ដង ខណៈខ្លួនស្រវឹងស្រវឹងស្រាផង។
បើតាមការបំភ្លឺថា ក្រុមគ្រួសារបានដើររកទាំងយប់ដែរ តែរកមិនឃើញគ្មានដំណឹងសោះ ស្រាប់តែព្រឹកឡើងក៏ប្រទះឃើញស្លា.ប់នៅក្នុងទឹកស្រះ ទើបមានការភ្ញាក់ផ្ដើលតែម្ដង។ យ៉ាងណា មន្ត្រីជំនាញ បានចុះពិនិត្យសាកសពជនរងគ្រោះ ហើយបានធ្វើកំណត់ហេតុ ប្រគល់ឲ្យក្រុមគ្រួសារធ្វើបុណ្យតាមប្រពៃណី៕
ចែករំលែកព័តមាននេះ