ក្នុងរយៈពេល៣ថ្ងៃ គឺចាប់ពីថ្ងៃទី៦ រហូតដល់ថ្ងៃទី៨ ខែវិច្ឆិកា ឆ្នាំ២០២២ នៃព្រះរាជពីធីបុណ្យអុំទូកនេះ ខេត្តកំពតទទួលបានភ្ញៀវទេសចរចំនួន៥៨៨,៥០២នាក់ ក្នុងនោះភ្ញៀវទេសចរជាតិមានចំនួន
ខេត្តកំពត ៖ ក្នុងរយៈពេល៣ថ្ងៃ គឺចាប់ពីថ្ងៃទី៦ រហូតដល់ថ្ងៃទី៨ ខែវិច្ឆិកា ឆ្នាំ២០២២ នៃព្រះរាជពីធីបុណ្យអុំទូកនេះ ខេត្តកំពតទទួលបានភ្ញៀវទេសចរចំនួន៥៨៨,៥០២នាក់ ក្នុងនោះភ្ញៀវទេសចរជាតិមានចំនួន៥៨៤,២៣៨នាក់ និងភ្ញៀវអន្តរជាតិផ្ទៃក្នុងចំនួន៤,២៦៨នាក់។ នេះបើតាមលោក សយ ស៊ីណុល ប្រធានមន្ទីរទេសចរណ៍ខេត្តកំពត ដែលបានបញ្ជាក់មកកាន់អ្នកយកព័ត៌មានយើង នាថ្ងៃទី៩ ខែវិច្ឆិកា ឆ្នាំ២០២២នេះ។
លោកប្រធានមន្ទីរទេសចរណ៍បានបន្តថា ភ្ញៀវទេសចរទាំងនោះ បានចូលកម្សាន្តតាមរមណីយដ្ឋាន និងចូលរួមពិធីបុណ្យអុំទូក ដែលរៀបចំធ្វើឡើងនៅក្នុងក្រុងកំពត។ លោកបានបន្តទៀតថា សេវាកម្មស្នាក់នៅក្នុងខេត្ត គឺមានភ្ញៀវទេសចរចូលស្នាក់នៅពេញរយៈពេល៣ថ្ងៃនេះ ហើយសេវាកម្មគ្រប់ប្រភេទមិនមានបាតុភាពដំឡើងថ្លៃមិនសមស្របនោះទេ។
បើតាមលោកប្រធាន សយ ស៊ីណុល បន្តថា នៅតាមរមណីយដ្ឋាននានា គឺបានដំណើការទៅដោយរលូន ពុំមានបញ្ហាអ្វីកើតឡើងគួរឱ្យកត់សម្គាល់នោះទេ៕
ចែករំលែកព័តមាននេះ