សាហា.វម្ល៉េះលោកប្តី! គ្រាន់តែរឿងនឹងកា.ប់គ្មានប្រណី
ខេត្តកំពង់ចាម ៖ ភ្លើងប្រចណ្ឌបានធ្វើឲ្យបុរសម្នាក់យកពូថៅកា.ប់ប្រហារទៅលើប្រពន្ធរបស់ខ្លួន បណ្តាលឲ្យរងរបួសធ្ងន់ឈាមហូរស្រោចពេញខ្លួនប្រាណ ហេតុការណ៍នេះកើតឡើងនៅ
ខេត្តកំពង់ចាម ៖ ភ្លើងប្រចណ្ឌបានធ្វើឲ្យបុរសម្នាក់យកពូថៅកាប់ប្រហារទៅលើប្រពន្ធរបស់ខ្លួន បណ្តាលឲ្យរងរបួសធ្ងន់ឈាមហូរស្រោចពេញខ្លួនប្រាណ ហេតុការណ៍នេះកើតឡើងនៅវេលាម៉ោងប្រហែល២និង៣០នាទីយប់រំលងអធ្រាត្រឈានចូលព្រឹកថ្ងៃទី១៩ ខែមេសា ឆ្នាំ២០១៧ ស្ថិតក្នុងភូមិអូរកាប់មាន់ ឃុំអូរម្លូ ស្រុកស្ទឹងត្រង់ ជាប់ព្រំប្រទល់ជាមួយខេត្តកំពង់ធំ។
បុរសជាប្តីដែលកាប់ប្រពន្ធនោះឈ្មោះ សំ ឌុម អាយុ៧០ឆ្នាំ និងស្ត្រីរងគ្រោះជាប្រពន្ធឈ្មោះ ជិន គីម អាយុ៥៣ឆ្នាំ អ្នកទាំង២ស្នាក់នៅភូមិ-ឃុំកើតហេតុខាងលើ ។
ស្ត្រីរងគ្រោះបានប្រាប់ឲ្យដឹងថា ប្តីរបស់គាត់បានយកពូថៅមកកាប់ប្រហារលើរូបគាត់ដែលកំពុងតែដេកនៅលើផ្ទះ ដោយមិនដឹងខ្លួននោះទេ បំណងសម្លាប់តែម្តង ។ តែសំណាងបានកូនប្រុសពៅឈ្មោះ ស៊ី ថុល អាយុ១៨ឆ្នាំ ដែលឃើញហេតុការណ៍នោះ ក៏ស្ទុះពីកន្ទេលដេកមកច្រានឪពុកចេញមិនឲ្យកាប់បន្តទៀតនោះទេ ។ ក្រោយពីប្តីកាប់ចំនួន៧ពូថៅហើយនោះ ក៏ត្រូវបានកូនៗដឹកមកសង្គ្រោះនៅមន្ទីរពេទ្យបង្អែកស្រុកស្ទឹងត្រង់ និងនាំបន្តមកកាន់មន្ទីរពេទ្យខេត្ត ដើម្បីឲ្យគ្រូពេទ្យជួយសង្គ្រោះដេរស្នាមកាប់ដោយពូថៅ ។
ស្ត្រីរងគ្រោះបន្តទៀតថា ចំពោះមូលហេតុដែលប្តីរបស់គាត់កាប់នេះ ដោយសារតែកើតចេញពីភ្លើងប្រចណ្ឌកាលពីក្នុងអំឡុងថ្ងៃទី១៥ កុម្ភៈ នៅពេលដែលគាត់បានរៀបការកូនប្រុសឈ្មោះ ផាន់ សុភ័ក្រ ជាកូនដើម ដោយបានហៅប្តីដើមឲ្យមកចូលរួមជាភ្ញៀវហូបការជាមួយនឹងប្រពន្ធ លុះពេលដែលប្តីក្រោយឈ្មោះឌុម បានឃើញប្តីដើម បែរជាខឹង និងបានជេរបញ្ជោរគាត់នូវពាក្យចំអាសចំអូង ។ ចាប់តាំងក្រោយពីការកូនប្តីមុនមក ប្តីក្រោយចេះតែរករឿងស្ទើររាល់ថ្ងៃមិនមានសេចក្តីសុខក្នុងក្រុមគ្រួសារទេ សូម្បីតែគាត់ចង់ចុះដីនៅពេលយប់ព្រលប់ក៏មិនបានដែរ គឺតាមរករឿងរហូត។ ទីបំផុតក៏កាប់មកលើគាត់ត្រូវ៧ពូថៅ បណ្តាលឲ្យរងរបួសធ្ងន់តែម្តង ដូច្នេះមិនអាចយកប្តីក្រោយនេះបន្តទៀតទេ និងសូមឲ្យសមត្ថកិច្ចចាត់ការតាមផ្លូវច្បាប់ ។
លោកវរសេនីយ៍ឯក ប៉ាក ជាតិ អធិការនគរបាលស្រុកស្ទឹងត្រង់ប្រាប់ឲ្យដឹងដែរថា បុរសជាប្តីរបស់ស្ត្រីរងគ្រោះខាងលើ ក្រោយពីបានកាប់ប្រហារមកលើប្រពន្ធត្រូវជាច្រើនពូថៅ ដោយនឹកស្មានតែប្រពន្ធស្លាប់ ក៏បានរត់មកចង.កធ្វើអត្តឃាតនៅលើដើមស្វាយចន្ទីរបស់អ្នកភូមិ បណ្តាលឲ្យស្លាប់ជាប់ព្រំប្រទល់ជាមួយនឹងខេត្តកំពង់ធំ ហើយរូបលោកបានចាត់ឲ្យកម្លាំងជំនាញព្រហ្មទណ្ឌចុះទៅពិនិត្យសពហើយដែរ៕
ចែករំលែកព័តមាននេះ