នៅថ្ងៃទី០៨ ខែតុលា ឆ្នាំ ២០២២ មានការភ្ញាក់ផ្អើលពាសពេញបណ្ដាញសង្គមតែម្ដង បន្ទាប់ពីបានដឹងដំណឹងថា YouTuber ប្រុសស្រីដ៏ល្បីឈ្មោះមួយគូ ដែលកំពុងតែឆក់យកបេះដូងហ្វេនៗមិនតិចនាក់ និងនាំគ្នាបុកពោះគ្រប់ៗគ្នា នោះគឺ
រាជធានីភ្នំពេញ ៖ នៅថ្ងៃទី០៨ ខែតុលា ឆ្នាំ ២០២២ មានការភ្ញាក់ផ្អើលពាសពេញបណ្ដាញសង្គមតែម្ដង បន្ទាប់ពីបានដឹងដំណឹងថាតារា YouTuber ប្រុស-ស្រីដ៏ល្បីឈ្មោះមួយគូ ដែលកំពុងតែឆក់យកបេះដូងហ្វេនៗមិនតិចនាក់ នោះគឺកំលោះសង្ហារលោក ហេង វិសាល និងស្រីស្រស់ ជា ស្រីនា លេងមួយក្បាច់នេះ ធ្វើអោយអ្នកគាំទ្រជ្រួលច្របល់មិនស្ទើរនោះឡើយ ក្រោយពេលលេចលឺតម្រុយថា «អ្នកទាំងពីរបានត្រៀមរៀបចំពិធីភ្ជាប់ពាក្យជាមួយគ្នាហើយនៅថ្ងៃទី០៩ ខែតុលា ឆ្នាំ ២០២២នេះតែម្ដង»។
ជាក់ស្ដែង នេះបើយោងទៅតាមការបង្ហោះនៅលើគណនីហ្វេសប៊ុកមួយដែលមានឈ្មោះថា «Yong Georgsilk» ដែលបានរៀបចំឈុតផ្កា ក្នុងពិធីពិសាស្លាភ្ជាប់ពាក្យ ដោយមានការបញ្ជាក់ច្បាស់យ៉ាងច្បាស់ៗបែបនេះថា «ជាថ្ងៃមង្គលរបស់កូនស្រីម្ចាស់ហាង «ប្រណិតនារី សំអាងការ»។
ក្នុងនោះផងដែរ គេក៏បានឃើញមានមិត្តៗ និងអ្នកលេងនៅក្នុងបណ្ដាញសង្គមនាំគ្នាធ្វើការបង្ហោះសារជូនពរ និងអបអរសាទរទៅដល់ YouTuber ទាំងពីរនាក់នេះជាច្រើនផងដែរ ដោយនាំគ្នាញញឹមបិទមាត់មិនជិត និងចូលទៅសម្ដែងអារម្មណ៍រំភើបសប្បាយរីករាយ ចំពោះអ្នកទាំងពីរជាខ្លាំងនិងរង់ចាំមើលនូវថ្ងៃពិសេសរបស់តារា២ដួងនេះគ្រប់ៗគ្នាតែម្ដង។
គួរបញ្ជាក់ផងដែរថា កាលពីពេលថ្មីៗកន្លងទៅ YouTuber ប្រុសសង្ហារស្រីស្អាតមួយគូខាងលើនេះ បានធ្វើឱ្យអ្នកគាំទ្រកាន់តែចាប់អារម្មណ៍ខ្លាំងពីទំនាក់ទំនងរបស់អ្នកទាំងពីរ ទោះបីជាមិនទាន់ឃើញបើកបង្ហាញចំណងស្នេហ៍ជាសាធារណៈ។ ខណៈបានឃើញវីដេអូមួយ ដែលក្រុមអ្នកគាំទ្ររបស់អ្នកទាំងពីរ នាំគ្នាចាប់បានថា អ្នកទាំងពីរកំពុងតែសន្សំប្រាក់រួមគ្នាក្នុងកុង ធនាគារតែមួយ ថែមទាំងបានបញ្ជាក់ថា «សន្សំសម្រាប់ថ្ងៃអនាគតទៀតផង ហើយកាលពីកន្លងទៅ កំលោះសង្ហារមុខមាត់មានមន្តស្នេហ៍លោក ហេង វិសាល និងស្រីនា បានបណ្ដើរគ្នាទៅធ្វើចិញ្ចៀនជាមួយគ្នា ហើយថែមជួយរើសគ្នាទៅវិញទៅមកទៀតផង» ។
បន្ទាប់ពីបានលឺដូច្នេះភ្លាម ក៏មានហ្វេនៗជាច្រើននាក់នាំគ្នាចូលទៅបញ្ចេញមតិព្រោងព្រាតបែបនេះថា «សូមឲ្យវាជាការពិតផងចុះៗ សាធុ» «ស្អែក idol ភ្ជាប់ពាក្យហើយ រំភើបចិត្តណាស់» «បងសាលច្បាស់ណាស់ ព្រោះញ៉ុមដឹងរឿងគាត់ដែល គាត់ស្រលាញ់គ្នា1បងនា 1ឆ្នាំជាងហើយ» «ទៅទិញចិញ្ចៀនលើកមុនសិទ្ធិតែចៃដន្យជួបគ្នា រើសឲ្យគ្នាទៅវិញទៅមក ហើយធ្លោយមាត់ថា កម្មវិធីពួកយើងទៀត» «ចង់ឃើញបងសាល និងបងនាក្លាយជាគូស្នេហ៍ពិតដល់ហើយ» «បងសាល និងបងនា ធ្វើអោយហ្វេនម្នាក់នេះគេងមិនលក់រងចាំ់តែដំណឹងល្អឆាប់ៗទេ ពេលនេះភ័យអរៗមិចទេខ្ញុំ» «កុំធ្វើអោយហ្វេនៗនាំគ្នាខកចិត្តណាអាយដល»។
យ៉ាងណាមិញ យើងនៅមិនទាន់ហ៊ានប្រាកដ១០០% នៅឡើយនោះទេថា តើអ្នកទាំងពីរពិតជារៀបចំពិធីភ្ជាប់ពាក្យនឹងគ្នាពិតប្រាកដមែន ឬក៏យ៉ាងណានោះ? អ្វីដែលសំខាន់ គឺមានតែរង់ចាំការបកស្រាយពីសាមីខ្លួនអ្នកទាំងពីរនាក់ចេញមុខមកនិយាយអោយច្បាស់អំពីទំនាក់ទំនងនិងដំណឹងដែលបានលេចលឺពាសពេញបណ្ដាញសង្គមនេះតែប៉ុណ្ណោះ ទើបអាចដឹងថា តើរឿងនេះនឹងទៅជាយ៉ាងណា? មានតែចាំមើលបន្តទៀតតែប៉ុណ្ណោះឯង៕
ចែករំលែកព័តមាននេះ