ប្តី២ប្រពន្ឋ១! នៅជុំគ្នាច្រើនឆ្នាំ ចុងក្រោយប្តីចុងជាប់គុ.ក ប្តីដើមដេកពេទ្យ ព្រោះរឿងមួយ
- កំពង់ស្ពឺ
ខេត្តកំពង់ស្ពឺ ៖ ស្ត្រីមួយរូបរួមរស់ជុំគ្នាជាមួយប្ដី២នាក់ អស់រយៈពេលច្រើនឆ្នាំ ស្រាប់តែប្តីទាំង២នាក់
ខេត្តកំពង់ស្ពឺ ៖ ស្ត្រីមួយរូបរួមរស់ជុំគ្នាជាមួយប្ដី២នាក់ អស់រយៈពេលច្រើនឆ្នាំ ស្រាប់តែប្តីទាំង២នាក់នោះមានទំនាស់គ្នា រឿងដណ្តើមកូនស្រីម្នាក់ ដោយប្តីចុង វា.យប្តីដើមនឹងខ្នងកាំបិ.ត ចុងក្រោយប្តីចុងត្រូវជាប់ពន្ធនាគារ រីឯប្តីដើមត្រូវរងរបួស ។
នគរបាលស្រុកឱរ៉ាល់បានឱ្យដឹងថា ហេតុការណ៍ខាងលើនេះបង្កឲ្យមានការភ្ញាក់ផ្អើលកើតឡើងកាលពីវេលាម៉ោង៩និង៣០នាទីយប់ថ្ងៃទី២៧ ខែកញ្ញា ឆ្នាំ២០២២ នៅចំណុចក្នុងក្រុមហ៊ុន H L H អាស្រមគោល ស្ថិតនៅភូមិច្រកទៀក ឃុំត្រពាំងជោរ ស្រុកឱរ៉ាល់ ខេត្តកំពង់ស្ពឺ។
ជនរងគ្រោះជាប្តីដើមមានឈ្មោះ យ៉ាង សាវន អាយុ៥៤ឆ្នាំ ចំណែកប្តីចុង ជាជនសង្ស័យឈ្មោះ ព្រិន ផាន់ណា អាយុ៣៤ឆ្នាំ ។ អ្នកទាំង២នាក់ ស្នាក់នៅកន្លែងកើតហេតុជាមួយគ្នា រីឯស្ត្រីជាប្រពន្ធឈ្មោះ កុល ខិណា អាយុ៣២ឆ្នាំ។
តាមប្រភពពីនគរបាលស្រុកឱរ៉ាល់បានប្រាប់ផងដែរថា រឿងរ៉ាវប្ដី២ប្រពន្ធ១ខាងលើនេះ គឺពួកគេរស់នៅជុំគ្នាជាធម្មតាដូចប្ដីមួយប្រពន្ធមួយដទៃឯទៀតអញ្ចឹងដែរ អស់រយ:ពេលច្រើនឆ្នាំកន្លងមកហើយ ។ ពួកគេទាំង៣នាក់នោះ គឺមិនមែនជាអ្នកកូនស្រុកនោះទេ។ ការរួមរស់ជុំជាមួយគ្នានេះគឺមានរយៈពេលច្រើនឆ្នាំកន្លងមកហើយ ដោយអ្នកទាំង៣បានស្ម័គ្រចិត្តព្រមព្រៀង ដោយបុរសទាំង២នាក់បានយល់ព្រមនឹងគ្នាយកស្ត្រីម្នាក់ធ្វើជាប្រពន្ធតែមួយ ដោយរួមរស់នៅក្នុងអាស្រមគោល បម្រើយាយជី និងព្រះសង្ឃនៅទីនោះ។
តាមប្រភពដដែលបានបន្តថា ការរួមរស់នៅជាមួយគ្នានេះ គឺប្ដីដើមមិនមានលទ្ធភាពធ្វើឱ្យស្ត្រីជាប្រពន្ធមានផ្ទៃពោះនោះទេ ចំណែកឯប្ដីចុងមានលទ្ធភាពធ្វើឲ្យនាងមានផ្ទៃពោះរហូតបង្កើតបានកូនស្រីមួយអាយុ៣ខួប។ មុនពេលកើតហេតុ គឺពួកគេទាំង២នាក់មានទំនាស់នឹងគ្នា ដោយប្ដីដើមទាមទារដណ្ដើមយកកូនស្រីទៅរស់នៅផ្សេងពីគ្នា តែត្រូវបាននាងជាប្រពន្ធ និងប្ដីចុងមិនព្រមឲ្យព្រោះថាកូនស្រីនេះគឺជាកូនរបស់នាងនិងប្ដីចុង មិនមែនជាកូនរបស់ប្តីដើមជាមួយនាងនោះទេ។ការឈ្លោះទាស់ទែងពាក្យសំដីគ្នា បង្កឲ្យប្ដីចុងទប់កំហឹងមិនបាន ក៏យកកាំបិ.តផ្គាក់វា.យទៅលើប្ដីដើម បណ្ដាលឲ្យរងរបួសជាទម្ងន់។ បន្ទាប់មក ស្ត្រីជាប្រពន្ធបានដឹកយកប្ដីដើម ទៅព្យាបាលរបួស នៅឯមន្ទីរពេទ្យស្រុក ដើម្បីអោយគ្រូពេទ្យព្យាលបាលដេររបួស។
សមត្ថកិច្ចនគរបាល បានបន្តទៀតថា ក្រោយពីទទួលបានព័ត៌មានខាងលើភ្លាម កម្លាំងជំនាញ បានចុះទៅដល់កន្លែងកើតហេតុ ហើយបានឃាត់ខ្លួនជនសង្ស័យជាប្តីចុងខាងលើ យកមកអធិការដ្ឋាននគរបាល ស្រុកឱរ៉ាល់ ដើម្បីធ្វើការសាកសួរ។
នៅចំពោះមុខសមត្ថកិច្ច ជនសង្ស័យជាប្តីចុងបានឆ្លើយថា ខ្លួនពិតជាបានយកកាំបិ.តផ្គាក់ វា.យទៅលើជនរងគ្រោះដែលជាប្ដីដើមរបស់ប្រពន្ធខ្លួនពិតប្រាកដមែន។ មូលហេតុ គឺជនរងគ្រោះ បង្ករឿងក្នុងគ្រួសារ និងចង់យកកូនរត់ចេញពីអាស្រមដែលជាកន្លែងស្នាក់នៅ ហើយរូបខ្លួនខឹងទ្រាំមិនបាន ទើបយកកាំបិ.តផ្គាក់ វា.យទៅលើជនរងគ្រោះជាប្តីដើមរបស់ប្រពន្ធខ្លួនតែម្តង។
នៅព្រឹកថ្ងៃទី២៩ កញ្ញា នេះដែរ សមត្ថកិច្ចបានកសាងសំណុំរឿង និងបញ្ជូនជនសង្ស័យ ទៅស្នងការដ្ឋាននគរបាលខេត្តកំពង់ស្ពឺ ដើម្បីចាត់ការតាមនីតិវិធី ៕
ចែករំលែកព័តមាននេះ