រាជធានីភ្នំពេញ ៖ ផលិតផលថ្មីមួយទៀតរបស់ក្រុមហ៊ុនខ្មែរ ប៊ែវើរីជីស លីមីតធីត ដែលផលិតស្រាបៀរកម្ពុជា នឹងចាប់ផ្តើមមានវត្តមានក្នុងទីផ្សារកម្ពុជាក្នុងពេលឆាប់ៗនេះ ប៉ុន្តែរហូតមកដល់ពេលនេះ ពុំទាន់មាននរណាម្នាក់អាចបញ្ជាក់បានទេថា នេះជាផលិតផលអ្វី។
ការលើកឡើងបែបនេះ ដោយសារក្នុងពេលថ្មីៗនេះ គេសង្កេតឃើញមានវីដេអូពាណិជ្ជកម្មរបស់ផលិតផលថ្មីមួយ បានចាប់ផ្តើមចាក់ផ្សាយនៅតាមកញ្ចក់ទូរទស្សន៍នានា និងឃើញផ្ទាំងពាណិជ្ជកម្មផលិតផលដដែលនេះ បានបង្ហាញខ្លួននៅតាមដងវិថីសំខាន់ៗមួយចំនួនក្នុងប្រទេសកម្ពុជា រួមមាន នៅជិតអាកាសយាន្តដ្ឋានភ្នំពេញអន្តរជាតិ ជិតរង្វង់មូលសម្តេចសង្ឃជួនណាត នៅលើផ្លូវជាតិលេខ៤ច្រកចូលក្រុងព្រះសីហនុ និងនៅតាមវិថីមួយចំនួនទៀតក្នុងរាជធានីភ្នំពេញ និងបណ្តាខេត្តនានា។
ក្នុងផ្ទាំងពាណិជ្ជកម្ម គេឃើញបុរសម្នាក់ក្នុងឈុតខ្មៅកំពុងដើរសំដៅទៅរករទេះមួយ ក្នុងចំការស្រូវសាលីពណ៌លឿងទុំយ៉ាងស្រស់ស្អាត អមដោយពាក្យស្លោក «ស្វែងរកពិភពអច្ឆរិយពណ៌ខ្មៅដ៏អស្ចារ្យរបស់អ្នក ឬ FIND YOUR BLACK WONDERLAND»។
ចែករំលែកព័តមាននេះ