មានការភ្ញាក់ផ្អើលល្បីសុះសាយពាសពេញបណ្ដាញសង្គម បន្ទាប់ពីបានឃើញតំណែងម្ចាស់មកុដ Miss Grand Thailand 2022 ដែលមានរូបសម្រស់ស្រស់ស្អាត ក្រមិចក្រមើមរួសរាយរាក់ទាក់ មុខមាត់មានមន្តស្នេហ៍គួរអោយស្រលាញ់ ក៏ដូចជាអត្តចរិតរបស់នាង ព្រមជាមួយនឹង
ប្រទេសថៃ ៖ មានការភ្ញាក់ផ្អើលល្បីសុះសាយពាសពេញបណ្ដាញសង្គម បន្ទាប់ពីបានឃើញតំណែងម្ចាស់មកុដ Miss Grand Thailand 2022 ដែលមានរូបសម្រស់ស្រស់ស្អាត ក្រមិចក្រមើមរួសរាយរាក់ទាក់ មុខមាត់មានមន្តស្នេហ៍គួរអោយស្រលាញ់ ក៏ដូចជាអត្តចរិតរបស់នាង ព្រមជាមួយនឹងសមត្ថភាពទេពកោសល្យនៅក្នុងសិល្បៈជាច្រើននោះ គឺ Engfa ដោយគេនាំគ្នាគាត់សម្គាល់ឃើញថា សន្ទុះនៃការគាំទ្រភាពលេចធ្លោរប្រជាប្រិយភាពរបស់បវកញ្ញារូបនេះ នាងហាក់កាន់តែហក់ឡើងខ្លាំងពីមួយថ្ងៃទៅមួយថ្ងៃ។
ដោយឡែក បើយើងក្រឡេកមកដឹងប៉ុន្មានថ្ងៃនេះ នៅក្នុងពិភពសិល្បៈបវរកញ្ញា Miss Grand របស់ថៃ ហាក់កំពុងតែមានរឿងមិនចេះចប់មិនចេះហើយ អស់ពីរឿងមួយចូលរឿងមួយ ជាពិសេសរវាងលោក Nawat ដែលជាស្ថានិក Miss Grand ជាមួយនឹងបវរកញ្ញា Engfa ដែលជាម្ចាស់មកុដ MUT 2022 នេះតែម្តង។
ក្នុងនោះ ដំបូងឡើយ Engfa ត្រូវបានមហាជននាំគ្នារិះគន់ថា មួយថ្ងៃៗនាងគិតតែពីការដើរលេងផឹកស៊ីសប្បាយ មុនទៅប្រឡងគិតតែដើរលេង មិនគិតហាត់រៀនហាត់បន្ថែមទេ ម៉េចក៏ធ្វើខ្លួនបែបនេះ ជាបវរកញ្ញាផង ដើរលេងពេញផ្សារអញ្ជឹងមិនចេះខ្មាស់គេទាល់តែសោះ មិនគិតដល់ការហ្វឹកហាត់សមត្រៀមប្រកួតលើឆាកធំ ដែលនឹងខិតមកជិតមកដល់ប្រមាណ១ខែខាងមុខនេះទេអី»។
ក្រោយឃើញដូច្នេះ Engfa ក៏បានចេញមុខមកឡាយវីដេអូនិយាយបកស្រាយបែបនេះថា «គ្មានថ្ងៃណា ដែលនាងឈប់អភិវឌ្ឍន៍ខ្លួនឯងនោះទេ នាងហាត់នៅក្នុងខុនដូជាមួយនឹងគ្រូក្បែរខ្លួននាងរហូត គ្រាន់តែនាងមិនបានបង្ហោះនៅលើបណ្តាញសង្គមតែប៉ុណ្ណោះ តែគ្រប់គ្នាបែរជាបន្ទោសនាង ក្រុមហ៊ុន និងអ្នកក្បែរខ្លួនទៅវិញ។ នាងពិតជាសុំទោសដល់ប្រធានក្រុមហ៊ុន Miss Grand និងអ្នកជិតស្និទ្ធជុំវិញខ្លួន ដែលត្រូវមកទទួលរងការជេរប្រមា.ថដោយសារតែនាង»។
សើសពីនេះ Engfa បានបញ្ជាក់យ៉ាងច្បាស់ៗជាលើកចុងក្រោយថា «នាងមិនបានទៅដើរហើរផឹកស៊ី ឬទៅណាដូចអ្វីដែលមហាជនគិតនោះទេ ហើយនាងក៏អរគុណដល់អ្នកគាំទ្រដែលយល់ចិត្តនាង នៅក្បែរលើកកម្លាំងចិត្តនាង តាំងពីថ្ងៃចាប់ផ្តើមរហូតមកទល់ពេលនេះផងដែរ អរគុណពិតមែន ស្រលាញ់បងប្អូនទាំងអស់គ្នាខ្លាំងណាស់»។
ក្នុងនោះដោយសារត្រូវបានគេទម្លាយថា «Engfa នាងទទួលយកការងារច្រើន ហើយមិនមានពេលហ្វឹកហាត់ជំនាញផ្សេងរយៈពេលប្រមាណជាង៥ខែមកនេះ នាងបានធ្វើការមិនដែលឈប់ឡើយ ដោយមានការងារផ្សព្វផ្សាយការងារសិល្បៈហូរចូលមករហូត ទើបសម្រេចចិត្តសុំខាង Miss Grand សម្រាកចំនួន ២-៣ ថ្ងៃ តែប្រហែលដោយសារតែមានការយល់ច្រឡំ ទើបធ្វើឱ្យលោក Nawat គិតថា នាងបានគេចទៅដើរលេង»។
បន្ទាប់ពីបានលឺនាងនិយាយអញ្ជឹងហើយ ស្រាប់តែអ្នកគាំទ្ររបស់បវរកញ្ញា Engfa រូបនេះ មួយចំនួន ក៏បាននាំគ្នាចូលទៅបញ្ចេញមតិខមិនព្រោងព្រាតថា «គិតតែពីទទួលការងារមិនដែលមានពេលឱ្យគ្នាបានសម្រាកនោះទេ ដូចជាជ្រុលពេកហើយ ប្រើគ្នានោះប្រើ ធ្វើបាបគេចង់បានផលប្រយោជន៍ម្ល៉េះ គិតពីសុខភាពខ្លួនឯងផង កុំធ្វើការហួសកម្លាំងខ្លួនឯងពេក»។
មិនទុកចាំយូរ ទ្រាំលែងបានស្រាប់តែ លោក Nawat ដែលជាស្ថានិក Miss Grand ក៏បានចេញមុខមកពន្លះឆ្លើយតបដាក់ទៅវិញគ្មានទុកមុខអោយថា «ការដែលទទួលការងារច្រើនបែបនេះ ក៏ព្រោះតែចង់ឱ្យនាងនៅល្បីឱ្យបានយូរ ហើយអ្នកដែលមកជេរលោកនេះ តើអ្នកណាប្រើឱ្យមកជេរ? មានខួរក្បាលគិតខ្លះទេ? មនុស្សយើងមានកើតមានស្លា.ប់ ល្បីមានពន្លឺបាន រលត់ទៅវិញក៏បានដូចគ្នា»។
មិនតែប៉ុណ្ណោះ លោក Nawat ក៏បាននិយាយទៀតថា «ពេលនេះលោកកំពុងតែពិចារណារឿងក្តី ១២០០ លានបាត របស់ Engfa ឡើងវិញហើយថា គួរជួយការពារទៀតឬយ៉ាងណា? តែលោកប្រហែលចង់ឱ្យអ្នកជេរមកជួយទទួលខុសត្រូវវិញម្តង ព្រោះមានមាត់ឆៅបែបនេះ ក៏គួរតែមានលុយដូចគ្នាដែរ ខ្ញុំមិនចង់និយាយច្រើននោះទេ ព្រោះវាគ្មានបានអ្វីមកវិញទេ»៕
ចែករំលែកព័តមាននេះ