ល្បិចប្រុសខូចឥឡូវ! ងាកពីដើរលេងយប់ មកដើរលេងថ្ងៃវិញ
ហាងខារ៉ាអូខេមួយចំនួន រួមទាំងភោជនីយដ្ឋានផង បានកត់សម្គាល់ការកើនឡើងរបស់ភ្ញៀវកាន់តែច្រើនមកពេលថ្ងៃត្រង់ ជាជាងពេលយប់ ។
ហាងខារ៉ាអូខេមួយចំនួន រួមទាំងភោជនីយដ្ឋានផង បានកត់សម្គាល់ការកើនឡើងរបស់ភ្ញៀវកាន់តែច្រើនមកពេលថ្ងៃត្រង់ ជាជាងពេលយប់ ។
មានហេតុផលមួយចំនួន នាំដល់ចរន្តដើរលេងរបស់មនុស្សប្រុសមួយចំនួន ពីពេលយប់មកពេលថ្ងៃត្រង់ ។ ហេតុផលទីមួយ ការដើរលេងពេលថ្ងៃ ត្រង់មិនសូវរារាំងខ្លាំង ដោយប្រពន្ធ ដែលមិនដឹងច្បាស់ថា ប្តីបាយក្រៅផ្ទះធម្មតា ឬក៏ផឹកស៊ីសប្បាយស្រីញីអូនបង ។ ហេតុផលទីពីរ ការរឹតបន្តឹង ការបើកបរមានជាតិស្រវឹង បានធ្វើឱ្យបុរសយល់ថា ការដើរលេងពេលថ្ងៃត្រង់ មានសុវត្ថិភាពជាង។
កំណើនបុរសសប្បាយក្រៅផ្ទះ នៅពេលថ្ងៃមានជាពិសេស នៅតាមហាងតាមមាត់ទន្លេ នៅតាមបណ្តោយផ្លូវជាតិលេខ៦A ។ ពេលថ្ងៃត្រង់ មានភ្ញៀវជាច្រើនបាននាំគ្នាទៅបាយនៅទីនោះ ដែលគេឃើញមាននារីលក់ស្រាបៀរជាច្រើនចាំបម្រើភ្ញៀវ ។ ការលក់ផ្លូវភេទ ក៏មានច្រើនជាងមុន នៅពេលថ្ងៃ ក្នុងចំណោមស្រីស្រាបៀរ ឬក៏ស្រីកាលីប ដែលនឹងមកដល់កន្លែងភ្លាម នៅពេលដែលមានការហៅតាមទូរស័ព្ទ ។
បុរសខិលខូចខ្លះទៀត អាចនឹងបរិភោគអាហារនៅតាមភោជនីយដ្ឋានថ្លៃបន្តិច ដែលនៅជាប់នោះ មានការបើកជាសណ្ឋាគារ ឬផ្ទះសំណាក់ហើយជាស្រេច ដើម្បីការណាត់ជួបគ្នា រវាងស្ត្រីជាគូកំណាន់ ឬក៏ស្ត្រីរកស៊ីផ្លូវភេទ ។ ពួកគេបន្លំចតរថយន្ត ប្រៀបបីដូចជាពួកគេកំពុងនៅក្នុងភោជនីដ្ឋានបរិភោគអាហារ ។ ដូច្នេះ ពួកគេក៏កាន់តែមានសុវត្ថិភាព នៅក្នុងការប្រព្រឹត្តកាមគុណក្រៅចំណងអាពាហ៍ពិពាហ៍ ។
ដូច្នេះ ការខិលខូចពេលថ្ងៃនេះ កាន់តែមានច្រើន ដោយសារតែបុរសទាំងឡាយយល់ថា វាធ្វើឱ្យពួកគេកាន់តែមានសុវត្ថិភាព ពីការតាមដានរបស់ប្រពន្ធ និងការរឹតបន្តឹងផ្លូវច្បាប់ ចំពោះការបើកបរមានជាតិស្រវឹង ។ ភាពខិលខូចនេះ ក៏កាន់តែងាយស្រួលថែមទៀត នៅពេលដែលភោជនីយដ្ឋានជាច្រើន បានបើករកស៊ីដោយគួបផ្សំនឹងមានផ្ទះសំណាក់ ឬក៏សណ្ឋាគារនៅជាប់នឹងភោជនី
ដ្ឋានតែម្តង ។
ម្លោះហើយ ប្រពន្ធទាំងឡាយប្រហែលជាកាន់តែពិបាកតាមដានលោកប្តីខិលខូចរបស់ខ្លួន ៕
ចែករំលែកព័តមាននេះ