មកដល់ពេលនេះ រុស្ស៊ីកំពុងតែផុងខ្លួននៅក្នុងសង្គ្រាមអ៊ុយក្រែន ដោយធ្វើអោយខ្លួនស្ថិតនៅក្នុងស្ថានភាពមួយ គឺដកថយក៏ពិបាករុលទៅមុខក៏មិនស្រួល។ប៉ុន្តែគេមិនទាន់អាចធ្វើការសន្និដ្ឋានថា រុស្ស៊ីដែលជាមហាអំណាច យោធាលេខពីរនៅលើពិភពលោកចាញ់សង្គ្រាមនៅអ៊ុយក្រែនដោយគ្រាន់តែឃើញកងទ័ពអ៊ុយក្រែនវា.យបកវិញនារយៈពេលចុងក្រោយនេះទេ។ប៉ុន្តែការបាត់បង់នូវឧត្តមភាព និងអនុត្តរភាពខាងយោធាក៏ដូចជាកិត្យានុភាពយុទ្ធសាស្ត្រ ពិភពលោក គឺជារឿងដែលមិនអាចប្រកែកបាន។
នៅពេលដែលសង្គ្រាមរវាងរុស្ស៊ី និងអ៊ុយក្រែនបានឆ្លងកាត់ខែទីប្រាំមួយហើយកងទ័ពរុស្ស៊ីនៅតែមិនទាន់ទទួលបានជោគជ័យជាដុំកំភួន ហើយមិនតែប៉ុណ្ណោះកំពុងតែរកនូវការវា.យបករុញច្រានមកវិញ ពីកងកម្លាំងអ៊ុយក្រែននៅរយៈពេលមួយសប្តាហ៍ចុងក្រោយនេះ គឺជាភស្តុតាងមួយដែលថា មហាអំណាចយោធាលំដាប់លេខពីរនៅលើពិភពលោក មិនអាចធ្វើអ្វីប្រទេសតូចមួយនៅអឺរ៉ុបដែលធ្លាប់តែពឹងផ្អែកលើខ្លួន។
នៅពេលដែលរុស្ស៊ីបើកការឈ្លានពានមកលើអ៊ុយក្រែន កាលពីថ្ងៃទី ២៤ ខែកុម្ភៈ គ្មាននរណាអាចប៉ាន់ស្មានបានថា យោធាអ៊ុយក្រែនអាចទប់ទល់នឹងឧត្តមភាពយោធាដ៏ទំនើប និងដ៏មហិមារបស់រុស្ស៊ីបានឡើយ។ភាគច្រើនអ្នកវិភាគបានអះអាងថា អ្វីដែលកងទ័ពអ៊ុយក្រែនអាចធ្វើបាន គឺត្រឹមតែតស៊ូនៅក្នុងលក្ខណៈជាសង្គ្រាមឈ្លបតែប៉ុណ្ណោះ ប៉ុន្តែ៦ខែកន្លងមកនេះកងទ័ពអ៊ុយក្រែនអាចជំនៈ និងបានតស៊ូនៅក្នុងសង្គ្រាមទល់មុខគ្នាដ៏សាហា.វ។ ភាពខ្លាំង និងភាពធន់នៃការតស៊ូរបស់កងកម្លាំង និងប្រជាជនអ៊ុយក្រែនត្រូវបានគេប៉ាន់ស្មានមិនដល់ទាំងស្រុង។នៅពេលដែលសង្គ្រាមចាប់ផ្តើមកងទ័ពរុស្ស៊ីបានសម្រុកចូលដល់ច្រកទ្វានៃរដ្ឋធានីគៀវរបស់ខ្លួន ប៉ុន្តែកងកម្លាំងអ៊ុយក្រែនបានរុញទាហាររុស្ស៊ីឲ្យត្រឡប់ពីច្រកទ្វារនៃរដ្ឋធានីគៀវ ហើយពួកគេបានការពារទីក្រុងធំទីពីររបស់ពួកគេដោយជោគជ័យ គឺខាគីវ។
ការការពាររយៈពេល៨២ថ្ងៃរបស់ពួកគេនៅទីក្រុងម៉ារីអូប៉ូលក៏ជានិមិត្តរូបមួយនៃកងកម្លាំងស្ម័គ្រស្លា.ប់របស់អ៊ុយក្រែន។
ក្រោយភាពមិនចាញ់មិនឈ្នះនៅក្នុងសង្គ្រាមនេះនៅលើឆាកអន្តរជាតិ រុស្ស៊ីត្រូវបានប្រទេសជាច្រើនថ្កោលទោស សេដ្ឋកិច្ចត្រូវរងនូវទណ្ឌកម្ម ហើយលើសមរភូមិការទូត និងយុទ្ធសាស្ត្ររុស្សីក៏បានរងនូវភាពអាម៉ាសមួយទៀតនៅពេលស៊ុយអែត និងហ្វាំងឡង់ដែលបានខិតខំរក្សាខ្លួនជាប្រទេសឯករាជ្យមិនចូលជាមួយអូតង់លែងខ្លាចឥទ្ធិពលរបស់រុស្ស៊ី ហើយបានប្រកាសចូលទៅក្នុងបក្សសម្ព័ន្ធយោធាមួយនេះ។
មកដល់ពេលនេះកងកម្លាំងរុស្ស៊ីនៅតែមានគុណសម្បត្តិយ៉ាងសំខាន់លើកម្លាំងមនុស្សសព្វាវុធ និងគ្រាប់រំសេវ ប៉ុន្តែមានភ័ស្តុតាងជាច្រើនបានបង្ហាញថា កង្វះការកសាងមូលដ្ឋានជាតិនិយមវិន័យ ហើយកងកម្លាំងភាពច្រើនមិនធ្លាប់ប្រឡូកនៅក្នុងសង្គ្រាមទីក្រុងមូស្គូបានទទួលរងនូវការបាត់បង់ទាហានទាំងស្លា.ប់ និងរបួសប្រមាណជាជាង ៧០.០០០ នាក់មកទល់ពេលនេះ។
នោះមានន័យថា ជិតពាក់កណ្តាលនៃកងកម្លាំងរុស្ស៊ីដែលបានវា.យប្រហារអ៊ុយក្រែន កាលពីថ្ងៃទី២៤ ខែកុម្ភៈ មានទាំងស្លា.ប់ របួស ចាប់ខ្លួន ឬបាត់ខ្លួន ហើយការវា.យបកចុងក្រោយរបស់ទាហានអ៊ុយក្រែន កាលពីសប្តាហ៍កន្លងទៅ គឺរឹតតែធ្វើឲ្យកងកម្លាំងរុស្ស៊ីរងការខូចខាតកាន់តែធ្ងន់ធ្ងរដោយសារតែការបាក់ទ័ពរត់ចោលអាវុ.ធយុទ្ធភ័ណ្ឌ និង ឧបករណ៍យោធាទំនើបៗរបស់ខ្លួនសម្រាប់កងកម្លាំងអ៊ុយក្រែនដែលជាទូទៅពួកគេមានបទពិសោធន៍ និងភាពស្ទាត់ជំនាញគ្រប់គ្រងនឹងប្រើប្រាស់អាវុ.ធ និងយុទ្ធភ័ណ្ឌទាំងនេះវា.យបករុស្ស៊ីវិញបន្ថែមទៅលើជំនួយពីបក្សសម្ព័ន្ធអូតង់ ជាពិសេស គឺអឺរ៉ុប និងមហាអំណាចបជ្ឃឹមប្រទេសនានា។
នៅក្នុងការវា.យបករុញច្រានកងទ័ពរុស្ស៊ីថ្មីៗនេះខាងកងកម្លាំងអ៊ុយក្រែនបានអះអាងថា ខ្លូនបានដណ្តើមការគ្រប់គ្រងលើដែនដីដែលរុស្ស៊ីបានដណ្តើមយកមកវិញលើសពី៣.០០០ គីឡូម៉ែត្រការ៉េ ប៉ុន្តែទោះបីជាយ៉ាងណាក៏ដោយកងកម្លាំងរុស្ស៊ីនៅតែកាន់កាប់ទឹកដីមួយ ភាគប្រាំនៃទឹកដីអ៊ុយក្រែននៅឡើយទេ។ជាការពិតក្រោយការវា.យបកប៉ុន្មានថ្ងៃចុងក្រោយនេះទីក្រុងពីរដែលរុស្ស៊ីដណ្តើមការគ្រប់គ្រង ហើយជាទីក្រុងយុទ្ធសាស្ត្រ គឺអ៊ីហ្សូម (Izyum ) និងទីក្រុងគូព្យាន (Kupiansk) ប៉ុន្តែដុនបាស (Donbas )នៅតែបន្តគ្រប់គ្រងដោយរុស្សី ហើយ ខណៈដែលភាគីទាំងពីរកំពុងប្រទាញប្រទង់គ្នានៅទីក្រុងខ័សិន (Kherson )។
នេះ គឺជាស្ថានភាពពិតនៅក្នុងសង្គ្រាមរវាងរុស្ស៊ី និងអ៊ុយក្រែន ប៉ុន្តែទោះបីជាយ៉ាងណាក៏ដោយ ការបរាជ័យនៅទីក្រុងអ៊ីហ្សូម និងគូព្យាន ប្រហែលជាមិនធ្វើឲ្យកងទ័ពរុស្ស៊ីបញ្ឈប់ ឬដកថយពីសង្គ្រាមនេះទេ។ កងកម្លាំងរបស់រុស្ស៊ីនៅក្នុងនាមជាមហាអំណាចយោធា និងអាចរកយុទ្ធវិធីវា.យបកវិញពីព្រោះតាមផែនការដែលខ្លួនបានគ្រោងទុកវិមានក្រឹមឡាំងកំពុងរៀបចំយកដុនបាសជាផ្លូវការ។
ជាការពិតក្នុងរយៈពេលត្រឹមតែពីរសប្តាហ៍នៃការប្រយុទ្ធគ្នាដ៏ឃោរឃៅនៅលើទឹកដីអ៊ុយក្រែន កងកម្លាំងរុស្សីខាតបង់ច្រើនរហូតដល់ទីក្រុងមូស្គូប្រកាសដកទ័ពចេញពីទីតាំងយុទ្ធសាស្ត្រ ប៉ុន្តែក្រុមអ្នកវិភាគបានអះអាងថា កងកម្លាំងរុស្សី និងពង្រឹងការទប់ទល់នៅតាមបណ្តាដែនដីដែលខ្លួនកាន់កា.ប់ឯទៀតហើយនឹងលេងល្បែងសង្គ្រាមលើអាកាសជាពិសេស គឺមីស៊ីល និងកងកម្លាំងកាំភ្លើងធំ ដើម្បីទប់ទល់នឹងការរុលទៅមុខរបស់កងកម្លាំងអ៊ុយក្រែន។
សរុបសេចក្តីទៅ កងកម្លាំងរុស្ស៊ីខាតបងធ្ងន់ធ្ងរនៅក្នុងសង្គ្រាមចាប់តាំងពីថ្ងៃទី២៩ ខែសីហាមកនេះ ប៉ុន្តែទោះបីជាយ៉ាងណាការសន្និដ្ឋានថា រុស្ស៊ីចាញ់សង្គ្រាមនេះនៅមិនទាន់អាចសន្និដ្ឋានបាននៅឡើយទេ ពីព្រោះសង្គ្រាមនេះអាចនឹងអូសបន្លាយពេលយូរបន្ថែមទៀត ហើយនៅក្នុងនាមជាមហាអំណាចយោធាមួយរុស្ស៊ីប្រហែលជានឹងមិនព្រមឲ្យខ្លួនបាត់បង់អនុត្តរភាពយោធារបស់ខ្លូននៅលើឆាកអន្តរជាតិឡើយ ៕ អត្ថបទដោយ ៖ ហេង ចេស្តា
ចែករំលែកព័តមាននេះ