រាជធានីភ្នំពេញ ៖ ក្រុមហ៊ុនផលិតស្រាបៀរកម្ពុជា ( CBL ) បានប្រគល់រង្វាន់រ៉ឺម៉កកង់បី ដោយផ្ទុកស្រាបៀរ Anchor ចំនួន៨០កេស ផងដែរ ជូនដល់អ្នកឈ្នះរង្វាន់ចំនួន៣រូប ដែលជាអ្នកណែនាំស្រាបៀរដល់អ្នករៀបអាពាហ៍ពិពាហ៍ ក្នុងឆ្នាំនេះ ។ ពិធីប្រគល់រង្វាន់ធ្វើឡើងកាលពីថ្ងៃទី០៧ ខែកុម្ភៈ ឆ្នាំ២០១៧ នៅរោងចក្រផលិតស្រាបៀរកម្ពុជា ( CBL ) ។
លោក Roland Bala នាយកគ្រប់គ្រងទូទៅនៃក្រុមហ៊ុន CBL បានឱ្យដឹងថា ការប្រគល់រង្វាន់លើកទី១ នេះ មានរង្វាន់ជារ៉ឺម៉កកង់បីបិទស្លាកសញ្ញាស្រាបៀរ Anchor ដ៏ស្រស់ស្អាត ដែលមានផ្ទុកស្រាបៀរ Anchor ដប ចំនួន៨០កេស ចំនួន៣រង្វាន់ ជូនអតិថិជនដែលជាណែនាំរោងការក្នុងកម្មវិធីចាប់រង្វាន់ កាលពីថ្ងៃអាទិត្យ ទី២២ ខែមករា ឆ្នាំ២០១៧ នៅស្ថានីយ៍ទូរទស្សន៍ហង្សមាស ។
លោក ជា សុខអាន អ្នកណែនាំរោងការម្នាក់ក្នុងចំណោមអ្នកណែនាំរោងការទាំងបី ដែលបានឈ្មះរង្វាន់ បានឱ្យដឹងថា គាត់មានអារម្មណ៍រំភើបយ៉ាងខ្លាំងនៅពេលដឹងថា ខ្លួនត្រូវរង្វាន់ ហើយគាត់នឹងខិតខំបន្តណែនាំស្រាបៀររបស់ក្រុមហ៊ុន CBL ក្នុងកម្មវិធីអាពាហ៍ពិពាហ៍ ដើម្បីអាចមានឱកាសឈ្នះរង្វាន់ជាច្រើនទៀតពីកម្មវិធីនេះ ៕
ចែករំលែកព័តមាននេះ