រាជធានីភ្នំពេញ ៖ កម្ពុជារំពឹងថានឹងទាក់ទាញបាននូវអ្នកវិនិយោគជប៉ុន មកវិនិយោគនៅកម្ពុជាកាន់តែច្រើនបន្ថែមទៀត បន្ទាប់ពីការរៀបចំវេទិកាវិនិយោគកម្ពុជា-ជប៉ុនស្តីពី
«ស្ថានភាពសេដ្ឋកិច្ច និងគោនយោបាយ
រាជធានីភ្នំពេញ ៖ កម្ពុជារំពឹងថានឹងទាក់ទាញបាននូវអ្នកវិនិយោគជប៉ុន មកវិនិយោគនៅកម្ពុជាកាន់តែច្រើនបន្ថែមទៀត បន្ទាប់ពីការរៀបចំវេទិកាវិនិយោគកម្ពុជា-ជប៉ុនស្តីពី
«ស្ថានភាពសេដ្ឋកិច្ច និងគោនយោបាយវិនិយោគកម្ពុជា » នៅក្នុងសប្តាហ៍នេះ ។
យោងតាមសេចក្ដីប្រកាសព័ត៌មានរបស់ក្រសួងសេដ្ឋកិច្ច និងហិរញ្ញវត្ថុ ដែលបានចេញផ្សាយកាលពីថ្ងៃទី៦ កុម្ភៈ ម្សិលមិញ បានឲ្យដឹងថា បន្ទាប់ពីការពីដំណើរទស្សនកិច្ចផ្លូវការរបស់លោកទេសរដ្ឋមន្ត្រី អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ទៅកាន់ប្រទេសជប៉ុន ចាប់ពីថ្ងៃទី៥ ដល់១១ កុម្ភៈ ខាងមុខនេះ ដើម្បីចូលរួមវេទិកាវិនិយោគកម្ពុជា-ជប៉ុនស្តីពី «ស្ថានភាពសេដ្ឋកិច្ច និងគោលនយោបាយវិនិយោគកម្ពុជា »ដែលរៀបចំឡើងដោយសមាគមជប៉ុន-កម្ពុជា នៅថ្ងៃទី៨ កុម្ភៈ ខាងមុខ កម្ពុជាមានការជឿជាក់ថា នឹងទទួលបានអ្នកវិនិយោគិនជប៉ុនមកបណ្ដាក់ទុនរកស៊ីកាន់តែច្រើនបន្ថែមទៀត ។
សេចក្ដីប្រកាសព័ត៌មានដដែលបានឲ្យដឹងថា នៅក្នុងវេទិការដ៏មានសារសំខាន់នេះ លោកទេសរដ្ឋមន្ត្រី នឹងថ្លែងរំលេចអំពីវឌ្ឍនភាពបច្ចុប្បន្នភាពនៅកម្ពុជា និងការជំរុញកំណើនវិនិយោគិនជប៉ុនចូលទៅកម្ពុជាឲ្យបានច្រើន តាមរយៈទិសដៅ គោលនយោបាយសេដ្ឋកិច្ចសំខាន់ៗរបស់រាជរដ្ឋាភិបាល រួមមាន ការបន្តខិតខំថែរក្សាស្ថិរភាព និងកំណើនម៉ាក្រូសេដ្ឋកិច្ច ។ ការលើកកម្ពស់ការអភិវឌ្ឍវិស័យកម្មន្តសាល ដើម្បីផ្លាស់ប្តូរខ្លួនឱ្យទៅភ្ជាប់ជាមួយ «រោងចក្រសកលរបស់អាស៊ី»ដែលជា « យុទ្ធសាស្ត្រកំណើនថ្មី» តាមរយៈការពង្រីកមូលដ្ឋានផលិតកម្ម ពាណិជ្ជកម្ម និងការតភ្ជាប់ក្នុងផ្នែករូបវន្ត និងស្ថាប័ននៅក្នុងទីផ្សារតំបន់ប្រកបដោយសក្តានុពល និងថាមវន្ត ។
ការបន្តអភិវឌ្ឍន៍វិស័យហេដ្ឋារចនាសម្ព័ន្ធ ដើម្បីបង្កើនភាពប្រកួតប្រជែងរបស់កម្ពុជា ទាំងក្នុងសេដ្ឋកិច្ចតំបន់ និងពិភពលោក ការបន្តសម្របសម្រួល និងផ្តល់ការលើកទឹកចិត្តដោយមានភាពប្រកួតប្រជែងបំផុតក្នុងការទាក់ទាញវិនិយោគិនចូលទៅប្រទេសកម្ពុជា។ ការបន្តផ្តល់អាទិភាពខ្ពស់ចំពោះការពង្រីក និងពង្រឹងការអប់រំ និងបណ្តុះបណ្តាលវិជ្ជាជីវៈ និងការបន្តពង្រីកយន្តការពិគ្រោះយោបល់រវាងរាជរដ្ឋាភិបាល និងវិស័យឯកជន សំដៅលើកកម្ពស់ប្រសិទ្ធភាពនូវការដោះស្រាយបញ្ហា និងកង្វល់ទាំងឡាយរបស់វិស័យឯកជន នៅក្នុងការធ្វើធុរកិច្ចនៅកម្ពុជា ក៏នឹងលើកបង្ហាញក្នុងវេទិកាដ៏មានសារសំខាន់នោះផងដែរ ។
សេចក្ដីប្រកាសព័ត៌មាននេះបានបញ្ជាក់ឲ្យដឹងដែរថា ក្នុងអំឡុងពេលស្នាក់នៅបំពេញទស្សនកិច្ចនៅក្នុងប្រទេសជប៉ុនពីថ្ងៃទី៥ ដល់ថ្ងៃទី១១ កុម្ភៈ ខាងមុខ លោកទេសរដ្ឋមន្ត្រី អូន ព័ន្ធមុនីរ័ត្ន រួមជាមួយគណៈប្រតិភូ គ្រោងនឹងជួបពិភាក្សាការងារជាមួយសមភាគីជប៉ុននានាក្នុងនោះរួមមាន ក្រសួងហិរញ្ញវត្ថុជប៉ុន ក្រសួងការបរទេសជប៉ុន ធនាគារកណ្តាលជប៉ុន និងទីភា្នក់ងារកិច្ចសហប្រតិបត្តិការអន្តរជាតិជប៉ុន (JICA) ។ ឆ្លៀតឱកាសនោះដែរ គណៈប្រតិភូគ្រោងទៅទស្សនកិច្ច ស្វែងយល់ទៅកាន់សហព័ន្ធការ៉ាតេដូជប៉ុន សមាគមកម្ពុជា-ជប៉ុន មជ្ឈមណ្ឌលត្រួតពិនិត្យចរាចរនៅលើផ្លូវល្បឿនលឿនសម្រាប់ក្រុងធំៗ មជ្ឈមណ្ឌលគណនេយ្យជប៉ុន ទស្សនកិច្ចទៅកាន់វិទ្យាស្ថានជាតិវិទ្យាសាស្ត្រ ឧស្សាហកម្ម និងបច្ចេកវិទ្យាស៊ីជម្រៅ ទីភ្នាក់ងាររុករកអវកាសជប៉ុន និងអង្គការជាតិស្រាវជ្រាវអំពីកសិកម្ម ផងដែរ ។
យោងតាមទិន្នន័យរបស់ធនាគារអេស៊ីលីដា បានបង្ហាញថា គិតត្រឹមដំណាច់ឆ្នាំមុនមានសាជីវកម្ម សហគ្រាស និងក្រុមហ៊ុនជប៉ុនជាង៩៧០កំពុងវិនិយោគនៅកម្ពុជាលើវិស័យជាច្រើនរួមមាន វិស័យអចលនទ្រព្យ សេវាកម្ម បដិសណ្ឋារកិច្ច ភោជនីយដ្ឋាន ផ្សារទំនើបជាដើម ៕
ចែករំលែកព័តមាននេះ