ដើមឈើនៅមុខផ្ទះដែលដាំហើយល្អ ជួយបន្ថែមសិរីមង្គលដល់ជីវិត និងនាំជោគលាភផងដែរ ។ ដើមឈើទាំងនេះ ប្រសិនបើដាំឲ្យល្អ គឺត្រូវដាំនៅកន្លែងណាដែលសមរម្យ។ តើរុក្ខជាតិណាខ្លះដែលគួរដាំនៅមុខផ្ទះ និង
ដើមឈើនៅមុខផ្ទះដែលដាំហើយល្អ ជួយបន្ថែមសិរីមង្គលដល់ជីវិត និងនាំជោគលាភផងដែរ ។ ដើមឈើទាំងនេះ ប្រសិនបើដាំឲ្យល្អ គឺត្រូវដាំនៅកន្លែងណាដែលសមរម្យ។ តើរុក្ខជាតិណាខ្លះដែលគួរដាំនៅមុខផ្ទះ និងនាំមកនូវជោគលាភ ភាពសុខសាន្តដល់ជីវិតអ្នក ។
១-កន្ទួត ៖
ផ្ទះណាដែលដាំដើមកន្ទួតនៅមុខផ្ទះ នឹងធ្វើឱ្យមានតែអ្នកនិយមចូលចិត្ត មានមេត្តា បន្ថែមការទាក់ទាញ និងមានគេលើកសរសើរ។ លើសពីនេះទៀត វាថែមទាំងជួយការពារខ្មោចព្រាយបិសាច និងរឿងរ៉ាវអាក្រក់មិនឱ្យចូលមកក្នុងផ្ទះ ព្រមទាំងគ្មានខ្មាំងសត្រូវមករុកកួនទៀតផង ។
វាអាចពង្រីកពូជដោយការបណ្តុះគ្រាប់ទៅក្នុងដីស្រួយ ។ ក្រៅពីនេះ កន្ទួត គឺជារុក្ខជាតិដែលចូលចិត្តនៅកណ្តាលថ្ងៃ ការថែទាំងាយស្រួល ។
២-ស្វាយ ៖
ជាដើមឈើដែលមនុស្សភាគច្រើននិយមយកមកដាំនៅមុខផ្ទះសម្រាប់ការពារ និងបណ្តេញអន្តរាយឱ្យចេញឆ្ងាយ ។ គេមានជំនឿថា ដើមស្វាយនឹងជួយលើកកម្ពស់មុខតំណែងរបស់អ្នករស់នៅក្នុងផ្ទះឲ្យចម្រើនរុងរឿង និងមានមាសប្រាក់ហូរចូល ។
វាអាចពង្រីកពូជដោយការបណ្តុះគ្រាប់ និងមែក ។ ស្វាយជារុក្ខជាតិដែលចូលចិត្តកម្តៅថ្ងៃ និងរីកលូតលាស់ល្អក្នុងរដូវភ្លៀង ។
៣-ចេក ៖
ក្រៅពីប្រយោជន៍របស់ដើមចេកមានច្រើនយ៉ាងហើយ យើងក៏អាចដាំដើមចេកនៅមុខផ្ទះដើម្បីជួយឱ្យជីវិត និងការងាររលូនផងដែរ។ ប្រសិនបើអ្នកសង្ឃឹមលើរឿងណាមួយ រឿងនោះនឹងសម្រេចសមតាមបំណង ។ ដើមចេកងាយស្រួលថែទាំ ប៉ុន្តែកុំបណ្តោយឱ្យវាដាច់ទឹក ។
៤-ទទឹម ៖
វាទាក់ទងនឹងការកើតនៃជីវិត និងភាពសម្បូរបែប ។ ទទឹម ភាគច្រើនគេនិយមដាំនៅមុខផ្ទះ ដើម្បីការពារក្តីអន្តរាយទាំងពួងដែលនឹងចូលមកក្នុងផ្ទះ ។ លើសពីនេះទៀត គេអាចយកដើមទទឹមជាមួយទឹកមន្តមកឱ្យសមាជិកនៅក្នុងផ្ទះ បន្ទាប់ពីត្រឡប់មកពីធ្វើដំណើរផ្លូវឆ្ងាយ ឬចូលរួមបុណ្យសព ។ គេអាចយកវាទៅប្រើក្នុងពិធីផ្សេងៗសម្រាប់សិរីមង្គលផងដែរ ។
ដើមទទឹមត្រូវការទឹកជាមធ្យម ដែលអាចស្រោចទឹកត្រឹមតែ៣ដងក្នុង១សប្តាហ៍ និងប្រើជី២ដងក្នុង១ឆ្នាំ គឺគ្រប់គ្រាន់ ។
៥-ដើមលឿងរាជ ៖
បើអ្នកយកវាមកដាំនៅមុខផ្ទះ គឺមានតែការនាំមកនូវក្តីសុខដល់មនុស្សក្នុងផ្ទះ ធ្វើឲ្យជីវិតរបស់អ្នកលូតលាស់ទៅមុខ ចម្រើនរុងរឿងទ្វេដង មានកិត្តិយស និងកេរ្តិ៍ឈ្មោះ។ ដើមលឿងរាជ ត្រូវការទឹកតិចតួច និងកម្តៅថ្ងៃ ។
៦-ដើមឫស្សី ៖
ការដាំដើមឫស្សីនៅមុខផ្ទះ វានឹងជួយឲ្យយើងមានទ្រព្យសម្បត្តិច្រើន មានមាសប្រាក់ និងទទួលបានជោគជ័យ ។ បើអ្នកចង់ឲ្យវាល្អ គួរតែដាំនៅថ្ងៃសៅរ៍ ។ វានឹងរង់ចាំកម្ចាត់សត្រូវឲ្យចេញឆ្ងាយពីអ្នក ។
៧-ផ្កាដកខិម ៖
រុក្ខជាតិមួយដើមទៀតដែលជាដើមមង្គលដែរនោះ គឺផ្កាដកខិម ។ បើយកវាមកដាំនៅមុខផ្ទះ នឹងធ្វើឱ្យកើតប្រាជ្ញាវាងវៃ និងយល់ដឹងជ្រៅជ្រះ ។ វាដុះនៅលើដីល្បាយខ្សាច់ ត្រូវការទឹកមធ្យម និងចូលចិត្តកម្តៅថ្ងៃខ្លាំង ។
៨-ផ្កាចំប៉ីសៀម ៖
ជារុក្ខជាតិដែលដាំនៅមុខផ្ទះហើយ នឹងធ្វើឲ្យអ្នកទទួលបានការនិយមចូលចិត្ត មានស្នេហ៍ និងទាក់ទាញមនុស្សរស់នៅក្បែរខាង ។ ចំណែកការដាំ គឺអាចគ្របពីលើដោយកាកដូង និងស្រោចទឹកត្រឹមតែ២ដងក្នុង១សប្តាហ៍ ។
៩-ផ្កាប្រាំបីទិស ៖
គេជឿថា វាជាផ្កាដែលជួយគ្រប់គ្រងថែទាំឱ្យការរស់នៅមានក្តីសុខ ។ បើផ្ទះណាដាំវា គឺនឹងមានតែសម្បូរធនធានច្រើន ។ នៅពេលដើមវាចេញផ្កាចំនួន៨ មានន័យថា នឹងមានមាសប្រាក់ហូរចូល ឬមានទ្រព្យចាយវាយមិនខ្វះ ។ គួរស្រោចទឹកម្តងក្នុង១សប្តាហ៍ ។
១០-ដើមអំពិល ៖
ជាប្រភេទរុក្ខជាតិមានទំហំធំ ដែលផ្តល់ជាម្លប់ និងបង្កើតផលបរិភោគ ។ ការយកវាមកដាំនៅមុខផ្ទះ នឹងធ្វើឲ្យមានតែមនុស្សក្រែងរអែង នាំគ្នាកោតសរសើរ និងការពារអ្នកពីរឿងរ៉ាវអាក្រក់ផ្សេងៗ ។ វាពង្រីកពូជដោយការបណ្តុះគ្រាប់ ឬមែក ។ រីឯការថែទាំ គឺមិនលំបាកទេ និងចូលចិត្តកម្តៅថ្ងៃ ។
ប្រសិនបើអ្នកកំពុងស្វែងរករុក្ខជាតិដាំនៅមុខផ្ទះ ឬបង្កើតជាសួននោះ រុក្ខជាតិដ៏វិសេសវិសាលទាំងនេះ គឺជាជម្រើសដ៏ល្អ ៕
ចែករំលែកព័តមាននេះ