រាជធានីភ្នំពេញ ៖ លោកសាស្ត្រាចារ្យ វេជ្ជបណ្ឌិត ឈាង រ៉ា អគ្គនាយកមន្ទីរពេទ្យកាល់ម៉ែត បានផ្តល់អនុសាសន៍៦ចំណុចសំខាន់ៗដល់ប្រធានផ្នែកគ្រប់គ្រងក្នុងមន្ទីរពេទ្យកាល់ម៉ែត ដើម្បីពង្រឹងប្រសិទ្ធភាពការងារអាចទទួលយកបានទាំងអ្នកជំងឺ និងគ្រូពេទ្យ ត្រូវបានលើកឡើងនៅក្នុងសិក្ខាសាលាស្តីពីប្រសិទ្ធភាពនៃការដឹកនាំគ្រប់គ្រង នៅសាលប្រជុំមន្ទីរពេទ្យកាល់ម៉ែត កាលពីរសៀលថ្ងៃទី៣១ មករា ។
លោកសាស្ត្រាចារ្យ វេជ្ជបណ្ឌិត ឈាង រ៉ា បានថ្លែងបញ្ជាក់ថា ដើម្បីជំរុញឲ្យការងារដឹកនាំគ្រប់គ្រងមានប្រសិទ្ធិភាព លោកបានផ្តល់អនុសាសន៍ចំនួន៦ចំណុច ដល់មន្ត្រីក្រោមវាទគ្រប់ផ្នែកពាក់ព័ន្ធទាំងអស់ ដូចជាទី១-លទ្ធផលសម្រេចបានតាមបំណងប្រាថ្នារបស់អ្នកជំងឺ និងសាធារណជន សំដៅឆ្ពោះទីរកអនាគតត្រូវ ។ ទី២- ធ្វើយ៉ាងឲ្យការដឹកនាំគ្រប់ផ្នែកទាំអស់មានប្រសិទ្ធិលើការផ្តល់សេវា តាមគម្រោងផែនការរបស់មន្ទីរ ។ ទី៣-ធ្វើឲ្យសម្រេចគោលដៅរបស់មន្ទីរក្នុងផែនការកំណត់ ។ ទី៤- ធ្វើបានដោយភាពច្បាស់លាស់ ។ ទី៥- ធ្វើយ៉ាងណាឲ្យការដឹកនាំរបស់ផ្នែក អាចធ្វើទៅដោយរក្សាបាននូវការគ្រប់គ្រងទាំងអស់គ្រប់ផ្នែកក្នុងមន្ទីរពេទ្យ ដើម្បីជាអត្ថប្រយោជន៍របស់ក្រុមការងាររបស់ផ្នែក របស់មន្ទីរពេទ្យ និងផ្នែកសុខាភិបាល ក៏ដូចជាសង្គមទាំងមូល និងទី៦- ការទទួលខុសត្រូវនៃការដឹកនាំលើផ្នែកនេះ ចំមុខក្រុមមន្ទីរពេទ្យ និងចំពោះមុខសង្គមទាំងមូល ។
ចែករំលែកព័តមាននេះ