រាជធានីភ្នំពេញ ៖ ជាថ្មីម្តងទៀត គ្រឹះស្ថានមីក្រូហិរញ្ញវត្ថុ ហត្ថាកសិករ លីមីតធីត បានប្រារព្ធកម្មវិធីផ្តល់សំណាងជារង្វាន់មាសសុទ្ធជូនអតិថិជនប្រាក់បញ្ញើសន្សំរបស់ខ្លួនប្រកបដោយក្តីសោមនស្សរីករាយនៅស្ថានីយទូរទស្សន៍ស៊ីធីអិន
រាជធានីភ្នំពេញ ៖ ជាថ្មីម្តងទៀត គ្រឹះស្ថានមីក្រូហិរញ្ញវត្ថុ ហត្ថាកសិករ លីមីតធីត បានប្រារព្ធកម្មវិធីផ្តល់សំណាងជារង្វាន់មាសសុទ្ធជូនអតិថិជនប្រាក់បញ្ញើសន្សំរបស់ខ្លួនប្រកបដោយក្តីសោមនស្សរីករាយនៅស្ថានីយទូរទស្សន៍ស៊ីធីអិន ក្នុងកម្មវិធីរាត្រីកំសាន្តនាល្ងាចថ្ងៃសៅរ៍ ទី២១ ខែមករា ឆ្នាំ២០១៧។ អតិថិជនដែលមានសំណាងជាងគេទាំង១៦រូប នៅតាមបណ្តាខេត្ត-រាជធានីផ្សេងៗ ត្រូវបានរកឃើញក្នុងកម្មវិធីចាប់ឆ្នោតផ្សងសំណាង កម្មវិធី «ដាក់បាន ដាក់បាន» ក្រោមសក្ខីភាពពីសំណាក់ទស្សនិកជនជាច្រើនកុះករ។ ការចាប់ឆ្នោតដោយសុក្រឹត្យភាពត្រូវបានធ្វើឡើងដោយមានការចូលរួមពីសំណាក់ពិធីករ ពិធីការនី និងក្រុមការងាររបស់ហត្ថាកសិករ។
បន្ទាប់ពីការចាប់យកមួយសន្លឹកម្តងៗយ៉ាងយកចិត្តទុកដាក់ពីធុងឆ្នោត ក្រុមការងារបានរកឃើញអតិថិជនដែលមានសំណាងឈ្នះរង្វាន់ធំជាបណ្តោងខ្សែ.កមាសទម្ងន់៣តម្លឹង ដែលបានទៅលើអតិថិជនមានឈ្មោះថា ស៊ឹម សុខលី ដែលមានអាសយដ្ឋានសិ្ថតនៅរាជធានីភ្នំពេញ។
ជាមួយគ្នានេះ អតិថិជន៥រូបទៀតដែលឈ្នះរង្វាន់បណ្តោងខ្សែ.កមាសទម្ងន់២តម្លឹង មានដូចជា ៖ មាស ប៊ុនថា មកពីខេត្តកណ្តាល, គង់ កន្និថា មកពីរាជធានីភ្នំពេញ, ហ៊ួត ពិសិដ្ឋ មកពីរាជធានីភ្នំពេញ, សេង ឡេងហួត មកពីរាជធានីភ្នំពេញ និង អ៊ុក នៅ មកពីខេត្តបាត់ដំបង ។
ចំណែកឯរង្វាន់បណ្តោងខ្សែ.កមាស ទម្ងន់១តម្លឹង ចំនួន១០រង្វាន់ បានទៅលើអតិថិជនដែលមានឈ្មោះថា ស៊ិន ច័ន្ទរង្សី មកពីខេត្តកណ្តាល, សុខ តារ៉ា មកពីរាជធានីភ្នំពេញ, បួន ស៊ីគៀង មកពីខេត្តកំពង់ចាម, យោក តេវ័ន្ត មកពីរាជធានីភ្នំពេញ, គួន វង្ស មកពីក្រុងព្រះសីហនុ, សូលីដា មកពីរាជធានីភ្នំពេញ, គ្រុយ ជូ មកពីខេត្តកណ្តាល, មិន សម្បត្តិ មកពីរាជធានីភ្នំពេញ, នៅ សំអឿន និង សុខ សុគន្ធារី ដែលអញ្ជើញមកពីរាជធានីភ្នំពេញដូចគ្នា។
ក្នុងឱកាសដ៏វិសេសវិសាលនេះ លោកឧកញ៉ា ហ៊ួត អៀងតុង ប្រធានអគ្គនាយកនៃគ្រឹះស្ថានមីក្រូហិរញ្ញវត្ថុ ហត្ថាកសិករ លីមីតធីត បានមានប្រសាសន៍ឱ្យដឹងដែរថា កម្មវិធី «ដាក់បាន ដាក់បាន» ដែលធ្វើការចាប់ឆ្នោតផ្តល់សំណាងដល់អតិថិជនថ្ងៃនេះ គឺជាជោគជ័យដ៏ធំធេងមួយដែលហត្ថាកសិករបានទទួលពីការគាំទ្ររបស់អតិថិជនដាក់ប្រាក់បញ្ញើសន្សំមានកាលកំណត់។
ចែករំលែកព័តមាននេះ