ប្រតិបត្តិការបង្ក្រាបបទល្មើសនេសាទនៅខេត្តសៀមរាប
ខេត្តសៀមរាប ៖ កម្លាំងនគរបាលប៉ុស្តិ៍រដ្ឋបាលឃុំអន្លង់សំណរសហការជាមួយកម្លាំងនគរបាលនាយកដ្ឋានប្រឆាំងបទល្មើស ក្រសួងមហាផ្ទៃ កម្លាំងជំនាញរដ្ឋបាលជលផល …
ខេត្តសៀមរាប ៖ កម្លាំងនគរបាលប៉ុស្តិ៍រដ្ឋបាលឃុំអន្លង់សំណរសហការជាមួយកម្លាំងនគរបាលនាយកដ្ឋានប្រឆាំងបទល្មើស ក្រសួងមហាផ្ទៃ កម្លាំងជំនាញរដ្ឋបាលជលផលខេត្តសៀមរាប និងកម្លាំងសមត្ថកិច្ចចម្រុះមូលដ្ឋាន បានចុះបង្ក្រាបបទល្មើសនេសាទដែលជនខិលខូចលួចប្រើប្រាស់ឧបករណ៍ខុសច្បាប់កាលពីថ្ងៃទី១៩ ខែមករា ឆ្នាំ២០១៧ នៅក្នុងភូមិសាស្ត្រឃុំអន្លង់សំណរ ស្រុកជីក្រែង ខេត្តសៀមរាប ។
សមត្ថកិច្ចនគរបាលមូលដ្ឋានស្រុកជីក្រែងបានឱ្យដឹងថា ដោយមានកិច្ចសហការល្អពីកម្លាំងនាយកដ្ឋាននគរបាលប្រឆាំងបទល្មើសក្រសួងមហាផ្ទៃ កម្លាំងជំនាញរដ្ឋបាលជលផលខេត្តសៀមរាប និងកម្លាំងសមត្ថកិច្ចចម្រុះមូលដ្ឋាន បានចុះបង្ក្រាបបទល្មើសនេសាទដែលជនខិលខូចលួចប្រើប្រាស់ឧបករណ៍ខុសច្បាប់ ដូចជា លប ណ រ៉ាវ រួចកាប់បំផ្លាញចោលនៅហ្នឹងកន្លែង ។
ប្រភពបានបន្តថា កម្លាំងសមត្ថកិច្ចចម្រុះបានចាប់យកវត្ថុតាងមានដូចជា លប១២, របាំងសាច់អួនប្រវែង ៣០០០ម៉ែត្រ, ចម្រឹងឈើ១០០០ដើម, កាប់បង្គោលឆ្នុក១០កន្លែង ស្មើនឹង៤០បង្គោល, ព្រលែងត្រីចម្រុះចំនួន ១០គីឡូក្រាម ។ ក្រោយពីបានដកហូតវត្ថុតាងទាំងអស់ខាងលើរួចមក កម្លាំងជំនាញបានកាប់បំផ្លាញចោលនៅនឹងកន្លែងតែម្តង ។
សូមបញ្ជាក់ផងដែរថា ការចុះបង្ក្រាបករណីបទល្មើសនេសាទម្តងៗ មិនដែលឃើញសមត្ថកិច្ចពាក់ព័ន្ធ ឬមន្ត្រីជំនាញ ឃាត់ខ្លួនបាននរណាម្នាក់នោះទេ ឃើញបានតែឧបករណ៍នេសាទខុសច្បាប់ ដែលក្រុមឈ្មួញដាក់រាយ ប៉ាយពេញផ្ទៃទន្លេតែប៉ុណ្ណោះ ៕
ចែករំលែកព័តមាននេះ